تيودور بيلهارتس
| ||||
|---|---|---|---|---|
| (بالألمانى: Theodor Bilharz) | ||||
 | ||||
| معلومات شخصيه | ||||
| الميلاد | 23 مارس 1825 [1][2] | |||
| الوفاة | 9 مايو 1862 (37 سنة)[1][2] | |||
| سبب الوفاة | التيفود | |||
| مواطنه |  .svg) | |||
| الحياه العمليه | ||||
| المدرسه الام | جامعة توبينجين جامعة فرايبورج | |||
| المهنه | دكتور ، واستاذ جامعه ، وبايولوچيست | |||
| اللغات المحكيه او المكتوبه | لغه المانى | |||
| مجال العمل | باراسيتولوجيا | |||
تعديل مصدري - تعديل  | ||||
تيودور ماكسميليان بيلهارتس (بالالمانى:Theodor Maximilian Bilharz) (اتولد:23 مارس 1825 المانيا - مات 9 مايو 1862 القاهره ، مصر) كان عالم تشريح المانى و رائد من رواد علم الباراسيتولوجيا فى العالم ، اشتغل استاذ للتشريح فى مدرسه الطب فى القاهره سنه 1851 ،
بدايته
[تعديل]اتولد تيودور فى مدينة زيجمارينجين (Sigmaringen) فى المانيا، ابوه انتون بيلهارتس كان موظف فى وزارة الماليه و مامته السا فير كان ست بيت.دخل تيودور جامعة البيرت لودفيتش (Albert- Ludwigs-Universität in Freiburg im Breisgau) و هناك قابل البروفيسور فريدريش ارنولد (عالم تشريح كبير) و اتتلمذ على ايده و خد الدوكتوراه سنة 1849 من جامعة توبينجين (Tübingen)
انجازاته
[تعديل]تيودور بيلهارتس كان اول واحد يكتشف الطفيل المسبب للبيلهارسيا سنة 1851. المرض المتوطن فى مصر من عصور الفراعنه و لسه لحد دلوقتى بيفتك بحياة كتير من الفلاحين المصريين.بيلهارتش عمل تشريح لجثث كتير من المرضى اللى كانو بيعانو من الهيماتويوريا (البول الدموى) ، و اكتشف عندهم تغيرات باثولوجيه فى الغشاء المخاطى اللى بيبطن المصارين ، الحوالب ،المثانه و الغدد المنويه.عبقرية بيلهارتس بانت فى تمكنه من الربط بين التغييرات الباثولوجيه دى و بين دوده البيلهارسيا اللى ماكانتش معروفه فى الوقت دا .بيلهارتس قال فى وصفه للدوده (هى دوده بيضا و كويله و بتتواجد فى الدم اللى فى الوريد البابى الكبدى.انا اعتقدت انها من نوع الديدان الاسطوانيه (النيماتود) و لكنى بسرعه اتأكدت من انها حاجه جديده)[3] تيودور استكمل ابحاثه و اكتشافاته و قدر يربط بين الدوده اللى اكتشفها و بين بويضات اتلقت فى البراز بتاع العيانين.
التكريم
[تعديل]فى معهد باسمه فى القاهرة (معهد تيودور بيلهارتس للابحاث) و المعهد متخصص فى ابحاث البلهارسيا و علاج امراض الكبد و الكليه و الامراض المتوطنه و المزمنه فى مصر.
فى سنة 1962 و بمناسبة مرور مية سنه على موت العلم الكبير اصدرت الحكومه المصريه طابع بوسته عليه صورته.
موته
[تعديل]مات بيلهارتس و هو عنده 37 سنه فى رحله استكشافيه علميه لمدينة مصوع فى اريتريا سنة 1862 .سبب الوفاه كان مرض التيفوس و اتدفن فى القاهره.
مصادر
[تعديل]- ↑ أ ب معرف طبيب في من سمى هذا؟: http://www.whonamedit.com/doctor.cfm/2829.html — باسم: Theodor Maximilian Bilharz — تاريخ الاطلاع: 9 اكتوبر 2017 — المخترع: اوليه دانيال انرسن
- ↑ أ ب مُعرِّف موسوعة بروكهوس على الإنترنت: https://brockhaus.de/ecs/enzy/article/bilharz-theodor — باسم: Theodor Bilharz
- ↑ “…a white long helminth in the blood of the portal vein which I assumed to be a nematode but which I immediately recognized as something new.”
