Gambia

Gambia; Republic of The Gambia
	estáu soberanu
Bandera de Gambia	escudu de Gambia
Lema nacional	Progress, Peace, Prosperity; (inglés: «Progresu, Paz, Prosperidá»)
Himnu nacional	For The Gambia Our Homeland;
Alministración
Nome oficial	Republic of The Gambia (en); République de Gambie (fr); Islamic Republic of The Gambia (en)
Capital	Banxul
Forma de gobiernu	República
Presidente de Gambia	Adama Barrow (dende 21 xineru 2017)
Presidente de Gambia	Adama Barrow (dende 21 xineru 2017)
Llingües oficiales	inglés
División	ver Lower River (es) , División Central River (es) , División North Bank (es) , División Upper River (es) , División Western (es) y Greater Banjul Area (en) ;
Rellaciones diplomátiques	ver Alemaña (18 febreru 1965); Estaos Xuníos ; Irán ; Taiwán ; Filipines ; Rusia ; Corea del Norte (2 marzu 1973); Bangladex ; Xeorxa (21 abril 2010); Hungría ; República Popular China ; República Turca de Xipre del Norte ; ;
Miembru de	ver Organización de les Naciones Xuníes (21 setiembre 1965); Xunión Africana ; Organización Mundial del Comerciu ; Mancomunidá de Naciones (18 febreru 1965); Organización pa la Cooperación Islámica (1974); Bancu Internacional de Reconstrucción y Fomentu (18 ochobre 1967); Asociación Internacional de Fomentu (18 ochobre 1967); Corporación Financiera Internacional (19 setiembre 1983); Organismu Multillateral de Garantía d'Inversiones (11 setiembre 1992); Centru Internacional d'Arreglu de Diferencies Relatives a Inversiones (26 xineru 1975); Bancu Africanu de Desarrollu ; Operación Híbrida de la Unión Africana y las Naciones Unidas en Darfur (es) ; Estaos d'África, del Caribe y del Pacíficu ; Interpol (6 ochobre 1986); Organización pa la Prohibición d'Armes Químiques (18 xunu 1998); UNESCO (1 agostu 1973); Xunión Postal Universal (9 ochobre 1974); Xunión Internacional de Telecomunicaciones (27 mayu 1974); Organización Meteorolóxica Mundial (1 payares 1978); Organización Mundial de la Salú ; Comunidá Económica d'Estaos del África Occidental ; Consejo Africano del Cacahuete (es) ; Mancomunidá de Naciones (8 febreru 2018); Organización Mundial d'Aduanes (14 ochobre 1987); ;
Xeografía
Coordenaes	13°30′N 15°30′W / 13.5°N 15.5°O
Superficie	11300 km²
% agua	11.5
Costes	80 km
Llenda con	740 km
Puntu más baxu	Océanu Atlánticu
Demografía
Población	2 639 916 hab. (2021)
Densidá	233,62 hab/km²
Xentiliciu	gambianu (masculín singular); gambiana (femenín singular)
Esperanza de vida	61,193 años
IDH	0,5 (2021)
Tasa de fertilidá	5,717 (2014)
Economía
Moneda	Dalasi
PIB nominal	2 038 414 974 $ (2021)
Bancu central	Bancu Central de la Gambia
Más información
Dominiu d'Internet	.gm
Códigu telefónicu	+220
Códigu ISO	270 / GMB / GM
Estaya horaria	UTC±00:00 y Africa/Banjul (en)

Gambia^[11], oficialmente República de Gambia, ye una nación d'África occidental, la más pequeña del territoriu continental africanu. Alcuéntrase arrodiada dafechu por Senegal, esceutu na so fastera occidental, onde'l ríu Gambia desemboca nel océanu Atlánticu. El so territoriu abarca les dos orielles del ríu Gambia, que-y da nome y lu atraviesa d'oeste a este hasta que desagua nel océanu. tien una estensión de 10.689 km², y una población (censu d'abril de 2013) de 1.857.181 habitantes. La so capital ye Banxul, y otres ciudaes importantes son Serekunda y Brikama.

Gambia comparte llazos históricos con otros países de la zona venceyaos col comerciu d'esclavos, que foi'l principal motivu de que s'estableciera y caltuviera una colonia nel ríu Gambia. La colonia foi primero portuguesa, y conocíase-y entóncenes como A Gâmbia. Dempués, el 25 de mayu de 1765, convirtióse en parte del Imperiu británicu, col establecimientu de la provincia de Senegambia. En 1965 Gambia algamó la independencia con Dawda Jawara como presidente. Habría selo hasta 1994, cuando foi depuestu pol un golpe d'estáu dirixíu por Yahya Jammeh. Adama Barrow convirtióse nel tercer presidente del país en xineru de 2017, tres de derrotar a Jammeh nes eleiciones d'avientu de 2016. Jammeh, que a lo primero aceptó los resultaos, refugolos dempués, y eso provocó una crisis constitucional y la intervención de la Comunidá Económica d'Estaos del África Occidental, que finó cola salida del ex-presidente pal exiliu.

La economía del país básase nel sector agrícola y pesqueru, y especialmente nel turismu. El 48,6% de la población vivía, en 2015, perbaxu la llinia de la probeza, un porcentaxe que llegaba cuasi al 70% nes zones rurales.

Historia

Gambia formó parte del Imperiu de Ghana asina como del Imperiu de Songhai. Los primeros testimonios escritos que se tienen de la rexón provienen d'unos testos de comerciantes árabes del sieglu IX y X, cuando los comerciantes árabes crearon la ruta tres-saḥariana comerciando con esclavos, oru y marfil. Nel sieglu XV los portugueses heredaron esti comerciu estableciendo rutes marítimes pa comerciar col Imperiu de Malí al cual pertenecía la zona na dómina. En 1588, el pretendiente al tronu portugués, vendió la esclusividá del comerciu nel Ríu Gambia a los ingleses, lo que foi confirmáu poles Cartes Patente de la reina Sabela I. En 1618, el Rei Xaime I d'Inglaterra concedió la esclusividá del comerciu col Ríu Gambia a la Costa d'Oru (anguaño Ghana) a una compañía británica. Ente 1651 y 1661, Gambia foi indireutamente una colonia del reinu polaco-lituano. Foron los letones, dependientes del reinu polaco-lituanu, los primeros n'afincase na Islla James, denomada na dómina Islla Andrew hasta la conquista británica de la mesma en 1661.

Demientres los sieglos XVII y XVIII, Francia ya Inglaterra llucharon pola supremacía na rexón de Senegal y del Ríu Gambia. El Tratáu de Versalles de 1783 dio al Reinu Xuníu la posesión del Ríu Gambia esceutu l'enclave d'Albreda que se caltuvo baxo soberanía francesa, siendo cedíu a Inglaterra en 1857.

Cuasi 3 millones d'esclavos foron unviaos dende esta rexón a les colonies n'América. En 1807 abolióse'l comerciu d'esclavos nel Imperiu Británicu intentando los británicos finar col comerciu d'esclavos en Gambia. Pa ello, crearon el puestu militar de Bathurst (güei Banxul) en 1816. Mentanto los años siguientes, Banxul taba sometida a la xurisdicción del gobernador xeneral británicu en Sierra Lleona. En 1888 Gambia convirtióse nuna colonia autónoma y un añu más llueu pasó a ser una colonia real.

El país independizóse del Reinu Xuníu en 1965. En 1970, Dawda Jawara convirtióse nel primer presidente del nuevu estáu y foi reelixíu en 1972 y 1977. Depués de la independencia, Gambia meyoró'l so desenrollu económicu gracies a la puxanza de los precios de la so principal materia d'esportación, la cacagüesa, y al desenrollu del turismu internacional. En febreru de 1982, xunto con Senegal, Gambia formó la Confederación de Senegambia. El presidente Jawara foi derrotáu en 1994 por Yahya Jammeh, quien estableció una dictadura. Jammeh foi reelixíu en 2001 y derogó la llei que torgaba la esistencia de partíos opositores.

Gobiernu y política

La vixente Constitución de Gambia foi aprobada, tres referendu, el 16 de xineru de 1997, depués de qu'un güelpe d'estáu en 1994 disolviere'l Parllamentu y derogase la Constitución de 1970.

Gambia ye una República presidencialista non democrática. El Presidente de la República ye elixíu por sufraxu universal pa un periodu de cinco años. El poder llexislativu reside na Asamblea Nacional compuesta por cuarenta y ocho miembros, de los que 43 son elixíos por sufraxu universal, y cinco elixelos el Presidente de la República.

El poder executivu ta dixebráu ente'l Xefe del Estáu y el Presidente del Gobiernu, nomáu pola Asamblea ente una terna elixída pol Presidente de la República.

El poder xudicial articulase al rodiu del Tribunal Supremu que s'organiza alministrativamente según el modelu francés.

Organización político-alministrativa

Xebres alministratives: 5 xebres y 1 ciudá,

Xeografía

Gambia asitiase na costa atlántica d'África y alcuéntrase arrodiada dafechu per territoriu de Senegal. Gambia carauterízase por ser un país perllanu onde nun se perpasen los 300 metros d'altitú. El país alcuéntrase travesáu d'este a oeste pol ríu Gambia, el cualu da nome al país. Esti ríu ye l'exe del país y dixebralu en dos fasteres bien estremaes; les que tán al norte y les que tán al sur del mesmu.

Economía

Gambia nun tien xacimientos minerales d'importancia nin otros recursos naturales. La so economía basase nos productos agrícoles y la ganadería pa consumu internu del que depende'l 75% de la población.

La industria centrase na tresformación de productos agrícoles (cacagües) y de pescáu. El turismu foi una importante fonte d'ingresos fasta'l 2000, onde se produxo un amenorgamientu. La so actividá depende fundamentalmente de les aides al desenrollu del Fondu Monetariu Internacional y les d'emerxencia de los países desendolcaos. Les espeutatives futures del Bancu Mundial, tres la condonación parcial de la deuda esterna en 2005, son positives.

**Fiestes**
Data	Nome n'asturianu	Nome llocal	Notes
18 de febreru	Día de la Independencia
Móvil	Vienres Santu
1 de mayu	Día del Trabayu
15 d'agostu	Día de l'Asunción

Referencies

↑ URL de la referencia: http://www.tagesschau.de/ausland/gambia-commonwealth100.html.
↑ URL de la referencia: https://www.oic-oci.org/states/?lan=en. Data de consulta: 29 ochobre 2022.
↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
↑ URL de la referencia: http://www.unesco.org/eri/cp/ListeMS_Indicators.asp.
↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
↑ URL de la referencia: https://public.wmo.int/en/members/gambia. Data de consulta: 26 mayu 2020.
↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 8. Supports qualifier: data de principiu.
↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

África

	Organización pa la Cooperación Islámica
Afganistán \| Albania \| Arabia Saudita \| Arxelia \| Azerbaixán \| Baḥréin \| Bangladex \| Benín \| Brunéi \| Burkina Fasu \| Camerún \| Chad \| Comores \| Costa de Marfil \| El Líbanu \| Emiratos Árabes Xuníos \| Exiptu \| Gabón \| Gambia \| Guinea \| Guinea-Bisáu \| Guyana \| Indonesia \| Irán \| Iraq \| Kazakstán \| Kirguistán \| Kuwait \| Libia \| Malasia \| Maldives \| Malí \| Marruecos \| Mauritania \| Mozambique \| Níxer \| Nixeria \| Omán \| Paquistán \| Palestina \| Qatar \| Senegal \| Sierra Lleona \| Siria \| Somalia \| Sudán \| Surinam \| Taxiquistán \| Togu \| Tunicia \| Turkmenistán \| Turquía \| Uganda \| Uzbequistán \| Xibuti \| Xordania \| Yeme Países observadores: Bosnia y Herzegovina \| República Centroafricana \| Rusia \| Tailandia \| República Turca de Xipre del Norte

[0b4e8045be91da8676001e0d3d28cbd81f5287cd-1] URL de la referencia: http://www.tagesschau.de/ausland/gambia-commonwealth100.html.

[ba332bf0bf66f4dac404ca57a69da9879fbe6ed7-2] URL de la referencia: https://www.oic-oci.org/states/?lan=en. Data de consulta: 29 ochobre 2022.

[46ba7d1117c23e8275a37395fe60659c108f478b-3] URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.

[df7cc65ec8bb3586eb4b81929074565218319925-4] URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.

[f5c12680fb5264add4b1989cb365be3c1db8d84f-5] URL de la referencia: http://www.unesco.org/eri/cp/ListeMS_Indicators.asp.

[dee05142a2950774e210ccb1406c69cae3986cbf-6] URL de la referencia: http://www.upu.int/en/the-upu/member-countries.html. Data de consulta: 4 mayu 2019.

[6b35d061861a13b53082ba67daec3063fb3ba141-7] URL de la referencia: https://www.itu.int/online/mm/scripts/gensel8. Data de consulta: 4 mayu 2019.

[5c92cf21096163d10bcf3513eccac7eccbb04ec2-8] URL de la referencia: https://public.wmo.int/en/members/gambia. Data de consulta: 26 mayu 2020.

[5d0bc4103af0b81a88f15973dc528ce7c0c9f876-9] URL de la referencia: https://www.who.int/choice/demography/by_country/en/. Data de consulta: 21 xunetu 2020.

[4231c72d8bd04681af485b05bcf3c4da4a9f1910-10] URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 8. Supports qualifier: data de principiu.

[Cartafueyu_países-11] (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

[1]

[2]

[3]

[4]

[5]

[6]

[7]

[8]

[9]

[10]

[11]