Баҡы
Баҡы (рус. Баку́, әзерб. Bakı) — Әзербайжан Республикаһының башҡалаһы, Әзербайжандың фәнни-техник һәм иҡтисади үҙәге, Каспий диңгеҙенең эре порты һәм Кавказдағы иң ҙур ҡала[1][2]. Ҡала майҙаны 2430 км².
Ҡала Апшерон ярымутрауының көньяҡ ярында урынлашҡан. Ҡала үҙенең тарихы, майҙаны һәм халыҡ иҫәбе буйынса Көнсығыштың иң боронғо һәм эре ҡалаһы булып тора. Апшерон ярымутрауында йәшәгән халыҡ менән агломерацияла 2 545,6 мең кеше йәшәй. 2009 йылда Баҡы Бәйһеҙ дәүләттәр берлеге илдәре араһында сәйәхәтсе эшҡыуарҙар өсөн иң ҡиммәт ҡала тип танылған [3].