Міжземнае мора

Міжземнае мора
	Міжземнае мора
	Спадарожнікавы здымак Міжземнамор’я
	; Мапа Міжземнага мора
Тып вадаёма	Мора
Паступленьне вады	Атлянтычны акіян, Мармуровае мора
Асноўныя рэкі	Эбра, Рона, Тыбр, По, Ніл, Шэліф
Краіны вадазбору	каля 60 Альбанія; Альжыр; Андора; Аўстрыя; Баўгарыя; Беларусь; Босьнія і Герцагавіна; Бурундзі; Ватыкан; Вугоршчына; Гібральтар; Гішпанія; Грузія; Грэцыя; Дэмакратычная рэспубліка Конга; Ізраіль; Італія; Кенія; Кіпр; Лібан; Лібія; Ліхтэнштайн; Малдова; Мальта; Манака; Марока; Нігер; Палестына; Паўднёвы Судан; Паўночная Македонія; Польшча; Расея; Руанда; Румынія; Сан Марына; Славаччына; Славенія; Судан; Сырыя; Сэрбія; Танзанія; Туніс; Турэччына; Уганда; Украіна; Францыя; Харватыя; Чад; Чарнагорыя; Чэхія; Швайцарыя; Эгіпет; Эрытрэя; Этыёпія;
Плошча паверхні	2500000 км²
Сяр. глыбіня	1500 м
Найб. глыбіня	5267 м
Аб’ём вады	3750000 км³
Хуткасьць водаабмену	80—100 гадоў
Салонасьць	37,75 ± 1,75 ‰
Вышыня над узроўнем мора	0 м
Астравы	>3300
Населеныя пункты	Александрыя, Альжыр, Атэны, Барсэлёна, Бэйрут, Дуброўнік, Ізьмір, Картаген, Рым, Спліт, Танжэр, Трыпалі, Туніс, Тэль-Авіў
	Міжземнае мора ў Вікісховішчы

Міжзе́мнае мо́ра — міжмацерыковае мора Атлянтычнага акіяна, злучанае зь ім праз Гібральтарскі праліў, палягае паміж паўднёваю Эўропай, заходняй Азіяй і паўночнай Афрыкай і амаль цалкам зачыненае. Мора лічыцца часткай Атлянтычнага акіяна, хоць яго часьцяком атаясамляюць як цалкам асобны вадаём. Мора ахоплівае плошчу ў 2,5 млн км², але ягонае злучэньне з Атлянтыкай праз Гібральтарскі праліў складае ўсяго 14 км у шырыню. Міжземнае мора мае сярэднюю глыбіню ў 1500 м, а самым глыбокім месцам ёсьць яміна Каліпса ў Іянічным моры, ейная глыбіна складае 5267 м.

Мора было важным маршрутам для купцоў і падарожнікаў старажытнасьці, што дало магчымасьць гандляваньню й культурнаму абмену паміж народамі рэгіёну — мэсапатамскай, пэрсыдзкай, эгіпецкай, фінікійскай, картагенскай, ібэрыйскай, грэцкай і бізантыйскай, рымскай і італьянскай, ілірыйскай, тракійскай, левантыйскай, гальскай, армянскай, арабскай, бэрбэрскай, габрэйскай, арагонскай, нубійскай, асырыйскай, славянскай і турэцкай культурамі. Гісторыя Міжземнаморскага рэгіёну мае вырашальнае значэньне для разуменьня паходжаньня й разьвіцьця шматлікіх сучасных грамадзтваў. «Тры чвэрці зямнога шара было аб’яднана паміж сабой празь Міжземнае мора, якое было цэнтрам сусьветнай гісторыі»^[1].