21 лютага

21 лю́тага — 52-і дзень году паводле Грыгарыянскага календару. Да канца году застаецца 313 дзён (314 у высакосным годзе).

Падзеі

• 1543 — імпэратар Этыёпіі Гэлаўдэўас пры падтрымцы Партугаліі разьбіў адальскага імама Ахмэда Граня
• 1574 — адбылася каранацыя польскага караля Генрыка Валезы
• 1613 — Земскі сабор абраў царом Міхала Раманава
• 1634 — падпісана акт аб ганаровай капітуляцыі Смаленску перад польным гетманам ВКЛ Крыштофам Радзівілам
• 1848 — Карл Маркс і Фрыдрых Энгельс апублікавалі «Маніфэст камуністычнай партыі»
• 1854 — пастаноўка ў Менску трупай Вінцэнта Дунін-Марцінкевіча першай беларускай опэры «Сялянка» («Ідылія»)
• 1958 — на гербе БССР надпіс «Пралетары ўсіх краін, злучайцеся!» замянілі на «Пралетары ўсіх краін, яднайцеся!»
• 1878 — у Нью-Гэйвэн (ЗША) выдадзеная першая тэлефонная кніга
• 1916 — распачалася Бітва пад Вэрдэнам, найбуйнейшая вайсковая апэрацыя пад час Першай сусьветнай вайны
• 1918:
  • беларуска-польская адміністрацыя Менску перадала места войскам кайзэраўскай Нямеччыны
  • прынятая Першая Ўстаўная грамата БНР
• 1919 — у Вільні скончыўся І Зьезд Саветаў Літвы, на якім абвесьцілі пра стварэньне адзінай Сацыялістычнай Савецкай Рэспублікі Літвы і Беларусі
• 1921 — прынятая канстытуцыя Грузінскай Дэмакратычнай Рэспублікі, якая стала першай канстытуцыяй у гісторыі краіны
• 1952 — у Пакістане загінулі пяць студэнтаў, якія змагаліся за наданьне бэнгальскай мове статусу дзяржаўнае
• 1972 — савецкая аўтаматычная міжплянэтная станцыя «Луна-20» ажыцьцявіла мяккую пасадку на Месяцы
• 1981 — у мюнхэнскім будынку радыёстанцыі Радыё Свабода адбыўся выбух, зладжаны на замову Аддзелу дзяржаўнае бясьпекі Румыніі
• 1986 — заснаваныя заказьнікі Ружанская пушча і Мазырскія яры
• 1992 — Рада Бясьпекі ААН накіравала міратворчыя сілы ў Югаславію
• 1994 — Зацьверджана Беларуска-латвійская граніца
• 1995 — амэрыканец Стыў Фосэт першым у гісторыі сам-адзін перасёк Ціхі акіян на аэрастаце
• 2012:
  • старшыня аддзела Віндоўз ў Майкрасофт Стывэн Сінофскі заявіў, што ў Віндоўз 8 будзе падтрымка беларускай мовы
  • гурт Pussy Riot паспрабаваў выступіць на амбоне і салеі храма Хрыста Збаўцы ў Маскве

Нараджэньні

• 1728 — Пётар III, расейскі імпэратар
• 1791 — Карл Чэрні, аўстрыйскі піяніст і кампазытар
• 1815 — Тама Куцюр, францускі мастак.
• 1820 — Апалён Кажанёўскі, польскі паэт, перакладчык, драматург
• 1835 — Міхаіл Мікешын, расейскі скульптар, мастак, жывапісец, рысавальшчык, ілюстратар беларускага паходжаньня
• 1846 — Сватаплук Чэх, чэскі пісьменьнік, паэт
• 1875 — Жанна Люіза Кальман, француская жанчына з найдаўжэйшаю пацьверджанаю працягласьцю жыцьця ў гісторыі чалавецтва
• 1893 — Андрэс Сэговія, гішпанскі гітарыст-віртуоз
• 1894 — Лётар Фройтэль, нямецкі военачальнік у Другой сусьветнай вайне
• 1896 — Васіль Глаголеў, савецкі военачальнік, генэрал-палкоўнік, Герой Савецкага Саюзу
• 1903 — Анаіс Нін, амэрыканская і француская пісьменьніца
• 1904 — Аляксей Касыгін, савецкі дзяржаўны дзяяч, старшыня Рады Міністраў СССР (1964—1980)
• 1917 — Віктор Марэйнэн, нідэрляндзкі палітычны й дзяржаўны дзяяч
• 1921 — Здэнэк Мілер, чэскі рэжысэр-мультыплікатар, аўтар сэрыі дзіцячых мультфільмаў пра Кратка́
• 1933 — Ніна Сымон, амэрыканская сьпявачка
• 1942 — Вера Алентава, савецкая, расейская акторка
• 1947 — Вячаслаў Кузьняцоў, беларускі палітык і дыплямат
• 1953 — Сяргей Гурулёў, беларускі вайсковец, генэрал-лейтэнат, начальнік Генэральнага штабу Ўзброеных Сілаў
• 1954 — Аляксандар Уліцёнак, беларускі грамадзкі дзеяч, журналіст, рэдактар, заснавальнік і выдавец газэты «Свободные новости плюс»
• 1955 — Мікалай Нікалаеў, беларускі гісторык і грамадзкі дзяяч. Доктар філялягічных навук
• 1957 — Мікалай Растаргуеў, расейскі сьпявак
• 1962 — Чак Паланік, амэрыканскі пісьменьнік
• 1966 — Юры Бохан, беларускі гісторык і археоляг. Доктар гістарычных навук
• 1968 — Артурас Зуокас, летувіскі журналіст, палітык, прадпрымальнік, мэр Вільні
• 1980 — Джыгме Кхесар Намг’ял Вангчук, пяты кароль Бутана
• 1985 — Георгіёс Самарас, грэцкі футбаліст
• 1987 — Карляс Кармона, чылійскі футбаліст
• 1992 — Філ Джонз, ангельскі футбаліст

Сьмерці

• 1513 — Юліюс II, папа рымскі
• 1677 — Бэнэдыкт Сьпіноза, нідэрляндзкі філёзаф
• 1730 — Бэнэдыкт XIII, папа рымскі
• 1863 — Генрык Марконі, італьянскі і польскі архітэктар
• 1888 — Ёзэф Міласлаў Гурбан, першы старшыня Славацкай народнай рады, славацкі пісьменьнік, журналіст, палітык, эвангельскі пастар і выбітная постаць славацкага паўстаньня 1848—1849 гг
• 1879 — Пэтэр Філіп ван Басэ, прэм’ер-міністар Нідэрляндаў
• 1881 — Язэп Ходзька, геадэзіст, географ
• 1934 — Аўгуста Сандына, нікараґуанскі палітычны дзяяч
• 1939 — Вячаслаў Адамовіч (старэйшы), беларускі палітычны й вайсковы дзяяч, выдавец
• 1967 — Юры Тарыч, беларускі і савецкі кінарэжысэр і сцэнарыст
• 1974 — Лявон Савёнак, беларускі літаратар
• 1984 — Міхаіл Шолахаў, расейскі савецкі пісьменьнік, ляўрэат Нобэлеўскай прэміі ў галіне літаратуры
• 2010 — Базыль Белаказовіч, польскі літаратуразнавец, доктар філялёгіі, прафэсар
• 2018 — Аляксандар Шымкавяк, беларускі баскетбольны трэнэр

Сьвяты

• Міжнародны дзень роднай мовы
• Беларусь: Дзень работнікаў землеўпарадкавальнай і картографа-геадэзічнай службы