Дукорскі маёнтак

Музейны комплекс «Дукорскі маёнтак»
Музейны комплекс «Дукорскі маёнтак»
	; Брама і стайня
Заснаваны	2015 годзе
Месцазнаходжанне	Рэспубліка Беларусь, Мінская вобласць, Пухавіцкі раён, Дукора
Адрас	вул. Школьная, 15
Адкрыты	аўторак-нядзеля — з 10.00 да 18.00 (уваход да 17:00)
	gk-agroproduct.by

Дагледжаная версія гэтай старонкі, зацверджаная 13 чэрвеня 2019, была заснавана на гэтай версіі.

«Дукорскі маёнтак» — музейны комплекс. Знаходзіцца ў Дукоры, Пухавіцкім раёне Мінскай вобласці Рэспублікі Беларусь

Геаграфія

Знаходзіцца за 30 км ад Мінска, 25 км на паўночны захад ад Мар’інай Горкі, на скрыжаванні аўтамабільных дарог Мінск — Бабруйск і Рудзенск — Смілавічы, каля ракі Свіслач.

Гісторыя

У чэрвені 2015 года адбылося адкрыццё музейнага комплексу. Афіцыйная цырымонія адкрыцця аб’екта адбылася з удзелам прадстаўнікоў Адміністрацыі Прэзідэнта Беларусі, Міністэрства культуры, Пухавіцкага райвыканкама, іншых ведамстваў і міністэрстваў, а таксама шматлікіх гасцей, моладзі^[1].

Палацава-паркавы комплекс Оштарпаў на старых здымках
Сядзіба Ашторпаў. Н. Орда, 1876
Палац. Фота каля 1913 г.
Палац, галоўны фасад
Палац, бакавы фасад
Школа ў палацы, 1932

Аб’екты

Музей

Музей комплекса мае два залы. Экспазіцыя аднаго з іх прысвечана ранняй гісторыі Дукоры і яе ўладальнікам, якія ўпісалі свае імёны ў дукорскую гісторыю на працягу 16 — пачаткі 20 стагоддзяў. Сярод экспанатаў — аб’ёмны макет сядзібы Ашторпаў-Гарцінгаў, маляўнічыя партрэты ўладальнікаў Дукоры — Паўла Сапегі, Андрэя Завішы, Міхала Казіміра Агінскага, Лявона Ашторпа, Антонія Гарцінга, генеалагічныя дрэвы родаў-уладальнікаў, радавыя гербы, копія малюнка Напалеона Орды.

Экспазіцыя другой залы прысвечана гісторыі Дукоры ў савецкі час, утрымвае вялікая колькасць фатаграфій, фотакопій дакументаў, прадметаў побыту некалькіх апошніх дзесяцігоддзяў.

Две апошніх залы ўтрымваюць часовыя экспазіцыі шляхецкіх касцюмаў і прадметаў шляхецкага побыту і маляўнічых прац са сходу Пухавіцкага раённага краязнаўчага музея. Хуткім часам плануецца стварэнне ў іх экспазіцый, што адлюстроўваюць багацце беларускай шляхецкай культуры ў розных яе праявах.

Музей
Музей.
Музей. Макет-рэканструкцыя сядзібы
Паганская святыня.

Брама

Дукорская брама — асноўны знак музейнага комплекса. Многія гады была паўразбуранай, зараз будынак знайшоў сваё першапачатковае аблічча, і толькі зандажы на франтонах напамінаюць пра шаноўны век. Дакладную дату пабудовы невядома, аднак ёсць меркаванне, што брама была закладзена на пачатковым этапе будавання сядзібы ў Дукоры Францішкам Ашторпам у самым канцы 18-га — пачатку 19-га ст.

Сённяшняя брама ў «Дукорскім маёнтке» — адна з нешматлікіх ацалелых пабудоваў сядзібы. На пяці яе ярусах размешсана адна з тэматычных музейных экспазіцый.

Сядзіба Оштарпаў, брама
Брама палаца Оштарпаў (30 сакавіка 2014)
Брама
Брама і стайня (30 сакавіка 2014)
Від з брамы.

Бровар

У бровары маюцца тэхналагічныя ўмовы вытворчасці гарэлкі. Тут яе робяць з «хатняга соладу», прыгатаванага на самім бровары са збожжа, прарошчанага на месцы. У лініі перагона і ачысткі гарэлкі скарыстаны толькі гістарычныя матэрыялы — драўніна дуба для ўсіх ёмістасцяў і медныя трубы для трубаводаў.

Бровар мае дэгустацыйную залу, аддзеленую ад вытворчых памяшканняў празрыстай сцяной, што дазваляе адначасова назіраць за тэхналагічным працэсам.

10 чэрвеня 2017 ў бровары выбухнуў кацёл самагоннага апарата, пры гэтым апёкі і траўмы атрымаў працаўнік^[2].

Вуліца майстроў

Адной з частак «Дукорскага маёнтка» ёсць вуліца майстроў, якія валодаюць навыкамі традыцыйных рамёстваў: ганчарная майстэрня, майстэрня вышыўкі, кузня, мабільная майстэрня па халодным кляпанні манет.

Вуліца майстроў
Майстэрня вышыўкі.
Ганчарная майстэрня.
Ганчарная майстэрня.
Карчма.
Кузня.

Перакулены дом

Перакулены дом — месца, дзе ломяцца звыклыя стэрэатыпы і праходзіць праверку вестыбулярны апарат. Перакуленыя дамы сталі папулярнымі па ўсім свеце, Дукорская стала першай ў Беларусі.