Алена Віктараўна Куракіна

Алена Віктараўна Куракіна
Дата нараджэння	30 верасня 1968(1968-09-30) (56 гадоў)
Месца нараджэння	Чарняхоўск, Чарняхоўская гарадская акруга, Калінінградская вобласць, РСФСР, СССР
Грамадзянства	СССР  Беларусь
Род дзейнасці	вучоная, выкладчыца ўніверсітэта
Навуковая сфера	музыказнаўства
Месца працы	Беларуская дзяржаўная акадэмія музыкі
Навуковая ступень	кандыдат мастацтвазнаўства (1999)
Навуковае званне	дацэнт
Альма-матар	Беларуская дзяржаўная акадэмія музыкі (1993)

Алена Віктараўна Куракіна (нар. 30 верасня 1968, Чарняхоўск, Калінінградская вобласць, РСФСР) — музыказнавец. Кандыдат мастацтвазнаўства (1999), дацэнт (2006). Дацэнт кафедры тэорыі музыкі, рэктар Беларускай дзяржаўнай акадэміі музыкі (з 2022 года).

Біяграфія

Скончыла Калінінградскае музычнае вучылішча ў 1988 годзе. У 1993 годзе скончыла Беларускую дзяржаўную акадэмію музыкі, там жа скончыла аспірантуру ў 1996 годзе пад кіраўніцтвам Мікалая Васільевіча Шыманскага.

З 1997 года працуе ў Беларускай дзяржаўнай акадэміі музыкі на кафедры тэорыі музыкі, з 2003 на пасадзе дацэнта. У 2007—2014 гадах кіравала факультэтам павышэння кваліфікацыі і перападрыхтоўкі. З 2014 па 2022 год выконвала абавязкі першага прарэктара. З 2022 года прызначана рэктарам Беларускай дзяржаўнай акадэміі музыкі.

Навуковая дзейнасць

Асноўныя напрамкі навуковых інтарэсаў — гісторыя і метадалогія музычнай навукі, ладагарманічная арганізацыя музыкі, пытанні гісторыі і тэорыі музычнай акустыкі, праблемы сучаснай музычнай адукацыі.

Спасылкі

• КУРАКІНА АЛЕНА ВІКТАРАЎНА // Сайт Беларускай дзяржаўнай акадэміі музыкі
• Куракіна, Алена Віктараўна // Зводны электронны каталог бібліятэк Беларусі