Андрэй Сцяпанавіч Федарэнка

Андрэй Федарэнка
Агульная інфармацыя
Поўнае імя	Андрэй Сцяпанавіч Федарэнка
Нарадзіўся	9 студзеня 1984(1984-01-09) (40 гадоў) Чарнігаў, Чарнігаўская вобласць, УССР, СССР
Грамадзянства	Украіна
Рост	192 см
Вага	87 кг
Пазіцыя	брамнік
Інфармацыя пра клуб
Клуб	Аксу
Пасада	трэнер брамнікаў
Маладзёжныя клубы
1998—2000 Юнацтва (Чарнігаў) 2001 Акадэміка (Масква)
Клубная кар’ера
2002—2005 Шыннік (Яраслаўль) 0 (0) 2005 Сталь (Днепрадзяржынск) 2 (-3) 2006 Нафком (Бравары) 11 (-9) 2006—2007 Атырау 9 (-18) 2007—2008 Чахлэўл (П’ятра-Нямц) 5 (-8) 2008 →  Дынама-2 (Бухарэст) 7 2008—2009 Дзясна (Чарнігаў) 24 (-24) 2008 →  Дзясна-2 (Чарнігаў) 2 (-5) 2009—2012 Крыўбас (Крывы Рог) 3 (-7) 2012—2015 Дзясна (Чарнігаў) 55 (-44) 2015 Эльгарна (Хернёсанд) 2016 Крумкачы (Мінск) 27 (-35) 2017 Чарнаморац (Адэса) 0 (0) 2018 Умеа 24 (-30) 2019 Валміера 0 (0) 2019 Падолле (Хмяльніцкі) 19 (-24)
Трэнерская кар’ера
2020—2022 Колас (Каваліўка) мол. 2022— Аксу брамнікі
Медыяфайлы на Вікісховішчы

Андрэй Федарэнка (нар. 9 студзеня 1984, Чарнігаў) — украінскі футбаліст (брамнік) і трэнер. У цяперашні час працуе трэнерам брамнікаў у казахстанскім клубе «Аксу».

Клубная кар’ера

Выхаванец чарнігаўскага футбола, у ДЮФЛ гуляў за каманду «Юнацтва» (Чарнігаў). У 2001 годзе вучыўся ў Маскве ў юнацкай футбольнай школе «Акадэміка». Выступы ў дарослым футболе таксама пачаў у Расіі — у яраслаўскім «Шынніку», дзе гуляў толькі за дублюючы склад. У 2005 годзе вярнуўся ў Украіну, выступаў спачатку за першалігавую днепрадзяржынскую «Сталь», а пасля за другалігавы «Нафком», які стаў першай камандай, у якой Федарэнка быў асноўным брамнікам.

На працягу 2006—2008 гадоў выступаў за мяжой — спачатку ў Казахстане, дзе абараняе колеры клуба «Атырау», а затым у Румыніі, дзе гуляў за «Чахлэўл» і дублюючы склад бухарэсцкага «Дынама». З восені 2008 года ізноў выступаў у Першай лізе чэмпіянату Украіны, на гэты раз у складзе «Дзясны» з роднага Чарнігава. На працягу аднаго сезона, праведзенага ў камандзе, становіцца не толькі асноўным брамнікам, але і віцэ-капітанам.

Сезон 2009/10 пачынаў ужо ў клубе ўкраінскай Прэм’ер-лігі — крыварожскім «Крыўбасе», у матчах Прэм’ер-лігі дэбютаваў 1 жніўня 2009 года ў гульні супраць кіеўскага «Дынама» (паражэнне 1:3). Прапусціўшы ў першых двух гульнях за крыварожскую каманду 6 мячоў, перастаў трапляць у стартавы склад. Улетку 2012 года вярнуўся ў «Дзясну», дзе гуляў на працягу трох наступных гадоў. У другой палове 2015 года выступаў за клуб «Эльгарна» з пятага дывізіёна Швецыі.

У лютым 2016 года прыбыў на прагляд у беларускі клуб «Крумкачы», які ў сезоне 2016 дэбютаваў у мясцовай Вышэйшай лізе. У выніку падпісаў кантракт з клубам і правёў сезон у якасці асноўнага брамніка каманды. У снежні 2016 года па заканчэнні кантракта пакінуў «Крумкачы».

У кастрычніку 2017 года стаў іграком адэскага «Чарнаморца», дзе быў другім брамнікам. У сакавіку 2018 года зноў адправіўся ў Швецыю, папоўніўшы склад «Умеа». У пачатку 2019 года далучыўся да латвійскай «Валміеры».

У ліпені 2019 года вярнуўся ва Украіну і стаў асноўным брамнікам хмяльніцкага «Падолля». У лютым 2020 года завяршыў прафесійную кар’еру і пазней стаў трэнерам брамнікаў у моладзевым складзе каваліўскага «Коласа».

Трэнерская кар’ера

У 2022 годзе стаў трэнерам брамнікаў казахстанскага «Аксу».