Віталь Іванавіч Секун

Віталь Іванавіч Секун
Дата нараджэння	21 лістапада 1935(1935-11-21)
Месца нараджэння	Чарнігаў, Чарнігаўская вобласць, УССР, СССР
Дата смерці	28 чэрвеня 2004(2004-06-28) (68 гадоў)
Грамадзянства	СССР  Беларусь
Род дзейнасці	навуковец
Навуковая сфера	псіхалогія і сацыялогія
Месца працы	Аб’яднаны інстытут праблем інфарматыкі НАН Беларусі Інстытут філасофіі НАН Беларусі Інстытут сацыялогіі НАН Беларусі АПА
Навуковая ступень	доктар псіхалагічных навук (1989)
Альма-матар	Чалябінскі педагагічны інстытут[d] ЛДУ

Віталь Іванавіч Се́кун (21 лістапада 1935 — 28 чэрвеня 2004) — вучоны, псіхолаг і сацыёлаг, доктар псіхалагічных навук (1989).

Біяграфія

В. І. Секун нарадзіўся ў горадзе Чарнігаў. У 1957 годзе скончыў Чалябінскі педагагічны інстытут, у 1966 годзе — Ленінградскі ўніверсітэт. У 1968 годзе абараніў кандыдацкую дысертацыю на тэму «Исследование тренирующего действия представления у гимнастов». З 1971 года працаваў у Інстытуце тэхнічнай кібернетыкі, з 1981 года — у Інстытуце філасофіі і права Акадэміі навук БССР. У 1989 годзе абараніў доктарскую дысертацыю на тэму «Регуляция деятельности как фактор структурной организации личности». У 1991—2003 гадах В. І. Секун на пасадзе загадчыка аддзела сацыяльнай псіхалогіі асобы і калектыву Інстытута сацыялогіі Нацыянальнай акадэміі навук Беларусі. З 2003 года выкладаў у Акадэміі паслядыпломнай адукацыі ў Мінску.

Памёр В. І. Секун 26 чэрвеня 2004 года.

Навуковая дзейнасць

Аўтар навуковых прац па псіхалогіі асобы, псіхічнай рэгуляцыі дзейнасці і паводзін чалавека, механізмах фарміравання свядомасці, па псіхалогіі кіравання, у галіне вывучэння сацыяльна-псіхалагічных праблем пераадолення наступстваў аварыі на Чарнобыльскай АЭС і інш. Распрацаваў тэорыю першасных і другасных рыс асобы і методыку іх ацэнкі.

Сярод апублікаваных прац:

• Индустриально-психологические особенности и взаимоотношения студентов. — Мн., 1976;
• Психология активности. — Мн., 1996;
• Особенности понимания демократии офицерским корпусом. (разам з с Л. Мальцавым) // Беларуская думка. — 2001. — № 10.

Літаратура

• Секун Віталь Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 303. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Секун Віталь Іванавіч на сайце анлайн-энцыклапедыі «Беларусь у асобах і падзеях»
• Персоналии белорусской социологии. Электронный справочник (руск.)