Дзмітрый Наркісавіч Мамін-Сібірак

Дзмітрый Наркісавіч Мамін-Сібірак
руск.: Дми́трий Нарки́сович Ма́мин-Сибиря́к
Асабістыя звесткі
Псеўданімы	Сибиряк
Дата нараджэння	25 кастрычніка (6 лістапада) 1852
Месца нараджэння	Вісім, Горнаўральская гарадская акруга[d], Свярдлоўская вобласць, РСФСР
Дата смерці	2 (15) лістапада 1912 (60 гадоў) ці 15 лістапада 1912(1912-11-15) (60 гадоў)
Месца смерці	Санкт-Пецярбург, Расійская імперыя
Пахаванне	Літаратарскія масткі[d]
Грамадзянства	Расійская імперыя
Жонка	Марыя Морыцаўна Абрамава[d]
Альма-матар	Імператарская медыка-хірургічная акадэмія[d] Пермская духоўная семінарыя[d]
Прафесійная дзейнасць
Род дзейнасці	пісьменнік, дзіцячы пісьменнік, празаік
Гады творчасці	з 1881
Мова твораў	руская
Подпіс
Медыяфайлы на Вікісховішчы

Дзмітрый Наркісавіч Мамін-Сібірак (руск.: Дми́трий Нарки́сович Ма́мин-Сибиря́к, сапраўднае прозвішча Мамін, 25.10(6.11).1852, Вісіма-Шайтанскі завод, цяпер Вісім, Свярдлоўская вобласць — 2(15).11.1912, Санкт-Пецярбург) — рускі пісьменнік.

Біяграфія

Нарадзіўся ў сям’і святара. Вучыўся ў Пермскай духоўнай семінарыі ў 1868—1872 гадах. У 1872 годзе паступіў на ветэрынарны факультэт Пецярбургскай медыка-хірургічнай акадэміі; не скончыўшы яе, перайшоў на юрыдычны факультэт Пецярбургскага ўніверсітэта. У 1877 годзе быў вымушаны з-за матэрыяльнай незабяспечанасці пакінуць універсітэт і з’ехаць на Урал, дзе знаходзіўся да 1891 года. Затым жыў у Пецярбургу і Царскім Сяле. Пачаў друкавацца ў 1875 годзе. Вядомасць пісьменніку прынёс цыкл раманаў пераважна з горназавадскога жыцця: «Прывалаўскія мільёны» (1883), «Горнае гняздо» (1884), «Дзікае шчасце» (1884, першапачатковая назва «Жылка»), «Тры канцы» (1890), «Золата» (1892), «Хлеб» (1895), а таксама цыклы нарысаў, апавяданняў і аповесцяў — «Уральскія апавяданні» (т. 1-2, 1888-89; т. 3 — 1899, т. 4 — 1901), «Сібірскія апавяданні» і інш.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).