Другая кніга (эсперанта)

Другая кніга міжнароднай мовы
Dua libro de l' Lingvo Internacia
Аўтар	Л. М. Заменгоф
Жанр	падручнік
Мова арыгінала	эсперанта
Выпуск	1888 год
Старонак	50
Носьбіт	кніга
Папярэдняя	Першая кніга міжнароднай мовы (Международный языкъ)
Наступная	Дабаўленне да другой кнігі міжнароднай мовы

Другая кніга, эсперанта (Dua Libro de l' Lingvo internacia) - другая кніга, выдадзеная для апісання міжнароднай мовы эсперанта, якая насіла ў той час назву Lingvo internacia, і першая кніга, поўнасцю напісаная на эсперанта. Яна была апублікавана ў Варшаве ў 1888 годзе доктарам Л. М. Заменгофам неўзабаве пасля апублікавання Першай кнігі. Другую кнігу першапачаткова планавалася выдаць у выглядзе 5-6 сшыткаў на працягу 1888 года, з перыядычнасцю прыкладна кожныя 2 месяцы. Выдаючы кнігу, Заменгоф планаваў даць некаторыя матэрыялы для чытання і адказаць на пытанні аб мове, але ў 1888 годзе ён заняўся разглядам прапаноў па рэфармаванню мовы, і кніга была зафіксавана ў сваёй канчатковай форме толькі да канца года, калі павінны былі выйсці запланаваныя 5-6 выпускаў. Пасля выдання Другой кнігі Заменгоф вырашыў, што няма патрэбы ў іншых запланаваных сшытках, і замест гэтага выдаў Дабаўленне да Другой кнігі. Адзіная змена, якую ён зрабіў у мове на працягу 1888 года, гэта змена карэлятаў часу (ĉian-ian-kian-tian-nenian: заўсёды-некалі-калі-тады-ніколі) на іх сучасную форму (ĉiam-iam-kiam-tiam-neniam). Другая кніга складаецца з прадмовы, двух раздзелаў з заўвагамі да праекта эсперанта і 20 раздзелаў з узорамі тэкстаў на эсперанта, сярод якіх зборы ўзораў сказаў на эсперанта, пераклад казкі "Цень" Андэрсэна, асобныя папулярныя прыказкі і некалькі вершаў.

Літаратура

• Л.М. Заменгоф. Dua libro de l' Lingvo Internacia [1]/ - Варшава, 1888. - 50 с.