Рова

Рова
Рова ў верхнім цячэнні
Характарыстыка
Даўжыня	29 км
Басейн	245 км²
Вадацёк
Выток
• Каардынаты	54°00′26″ пн. ш. 28°25′50″ у. д.
Вусце	рака Бярэзіна
• Каардынаты	54°06′05″ пн. ш. 28°43′19,50″ у. д.
Ухіл ракі	0,9 м/км
Размяшчэнне
Водная сістэма	Бярэзіна → Дняпро
Краіна	Беларусь
Рэгіён	Мінская вобласць
Раён	Смалявіцкі раён, Барысаўскі раён
выток вусце
— выток, — вусце
Медыяфайлы на Вікісховішчы

Ро́ва — рака ў Смалявіцкім і Барысаўскім раёнах Мінскай вобласці Беларусі, правы прыток ракі Бярэзіна (басейн Дняпра).

Даўжыня ракі 29 км. Плошча вадазбору 245 км². Сярэдні нахіл воднай паверхні 0,9 ‰. Пачынаецца за 5 км у напрамку на захад ад гарадскога пасёлка Зялёны Бор Смалявіцкага раёна, за 2 км на поўнач ад вёскі Замосце. Вусце за 2 км на паўднёвым усходзе ад вёскі Навасёлкі Барысаўскага раёна. Вадазбор на паўночнай частцы Цэнтральнабярэзінскай раўніны. Рэчышча на трох участках каналізаванае: выток — 2,2 км на ўсход ад Зялёнага Бору (8,0 км); паўднёвая ўскраіна вёскі Слабодка Барысаўскага раёна — 0,3 км вышэй вусця ракі Чарніца (2 км); вёска Краснае Барысаўскага раёна — вусце (9 км). Асноўныя прытокі — Чарніца (злева) і Маска (справа).

У верхнім цячэнні падыход да ракі забалочаны, у гэтых месцах на ёй водзяцца бабры.

Каля ракі знаходзяцца вёскі: Слабодка, Засценак, Краснае, Персцень.

Літаратура

• Рова // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 391. — 10 000 экз. — ISBN 985-11-0035-8. — ISBN 985-11-0216-4 (т. 13).
• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 374.
• Республика Беларусь. Минская область: Общегеографический атлас (руск.) / Ред. Г. Г. Науменко. — Мн.: РУП «Белкартография», 2008. — С. 16. — 48 с. — 10 000 экз. — ISBN 978-985-508-054-2.

Спасылкі

• Общая характеристика речной сети Минской области // Справочник «Водные объекты Республики Беларусь» Архівавана 20 кастрычніка 2016. (руск.)