Brakringo

Brakringo, braceleto^[1]^[2] estas juvelo portata je la brako, plej ofte je la manradiko kaj ĉirkaŭas ĝin.

Brakringo estas farita aŭ el flekseblaj materialoj, ekzemple ĉeneroj el metalo, perloj, konkoj, gemoj, kornoj, bestodentoj, ledo, gumo aŭ plasto aŭ ringforma el malmolaj materialoj, kiel metalo, ligno, ktp.

Historio kaj signifo

Kol- kaj brakjuveloj kiel simplaj aŭ plureraj ĉenoj jam ekzistis dum la ŝtonepoko. Post malkovro de la prilabormaniero de kupro kaj bronzo oni kreis el tiuj materialoj rulaĵetojn, platetojn, perlojn, ringojn kaj diskojn. Ju pli oni uzis metalon, des malpli oni uzis organaĵojn kiel bestodentojn kaj ankaŭ sukcenon.

Aldoniĝis vitraĵoj kaj poste plasto kiel materialoj por krei brakringojn. Pro la uzo de altvaloraj materialoj juveloj iĝis samtempe valoraĵoj. Arĝentaj brakringoj estis iam uzitaj kiel pagiloj.

Brakringo utilis ankaŭ kiel ŝirmiloj al ĉasantoj kaj batalantoj. Ĉe la keltoj, viroj portis brakringojn por indiki aristokration aŭ potencan pozicion.

Specoj

Brakringoj utilas ne nur kiel juvelo, sed foje havas alian funkcion, kiel ekzemple brakringoj, kiuj fiksas brakhorloĝojn je la pojno.

Sufiĉe nova afero estas la tiel nomataj sportobrakringoj, kiuj plej ofte estas faritaj el malpeza akvorezista neopreno al kiuj oni povas fiksi iPod-on aŭ alian muzikludilon, tiel ke eĉ sportumante oni povas uzi ĝin.

En malsanulejoj pacientoj ricevas pacientobrakringon kun informoj por eviti misoperaciojn aŭ eraran donon de kuraciloj. Foje tiuj brakringoj surhavas strikodojn. Ĉe novnaskitoj la koloro (roza aŭ helblua) ofte indikas la sekson de la bebo.

En naĝejoj plastbrakringoj kun ŝlosilo ebligas aliron de specifaj ĉambroj aŭ malfermon de ŝrankoj.

Junuloj portas kaj ofte mem faras amikecbrakringojn.

Vidu ankaŭ

Referencoj

↑ http://vortaro.net/#braceleto
↑ Laŭ Francisko Azorín braceleto estas Brakringo uzata ormancele. En Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 39. Kaj li indikas etimologion el greka braĉiolia, braĉionia (brakornamo) kaj el tio la latina brachiale. Azorín, samloke.

Eksteraj ligiloj

Kategorio Brakringo en la Vikimedia Komunejo (Multrimedaj datumoj)

Esploristoj malkovris 100.000 jarojn malnovan konkojuvelojn
Keltaj juveloj el arĝento kaj bronzo, interalie brakringoj por viroj kaj virinoj Arkivigite je 2007-09-28 per la retarkivo Wayback Machine
Ostobrakringo, elfosita en Trojo 3 Arkivigite je 2007-09-29 per la retarkivo Wayback Machine
Moderna, duoncirkla brakringo kun vitraj perloj, laŭ tradiciaj indianaj juveloj
Pacientobrakringoj Arkivigite je 2007-05-10 per la retarkivo Wayback Machine
Sportobrakringo Arkivigite je 2007-10-12 per la retarkivo Wayback Machine

Bibliotekoj

[1] ttps://vortaro.net/#braceleto

[2] Laŭ Francisko Azorín braceleto estas Brakringo uzata ormancele. En Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 39. Kaj li indikas etimologion el greka braĉiolia, braĉionia (brakornamo) kaj el tio la latina brachiale. Azorín, samloke.

[1]

[2]