Brugg

Ĝemelurboj
	Rottweil vd

Brugg
	Blazono de Brugg
	Malnova urbocentro de Brugg
komunumo en Svislando • urbo en Svislando
Ĝemelurboj
	Rottweil vd
Kantono	Argovio
Distrikto	Brugg
Koordinatoj	47° 29′ 12″ N 8° 12′ 30″ O / 47.48667 °N, 8.20833 °O (mapo)Koordinatoj: 47° 29′ 12″ N 8° 12′ 30″ O / 47.48667 °N, 8.20833 °O (mapo)
Nombro de loĝantoj	9055
Areo	5,58 km²
Alteco	352 m super marnivelo
Poŝtkodo	5200
Komunumkodo	4095
	Mapo de Brugg
	v • d • r

Por samtitolaj artikoloj vidu la paĝojn Brugg (distrikto) kaj Brugg AG (stacidomo).

Brugg estas historia urbo en la samnoma distrikto de Kantono Argovio, Svislando. Ĝi havis 9055 loĝantojn je la 30-a de junio 2008.

Geografio

Brugg situas en la centro de la tiel nomita Akvujo de Svislando (germane Wasserschloss der Schweiz), la kunfluejo de la tri riveroj Aro, Reuss kaj Limato. La rivero Aro estas la limo inter du geografiaj regionoj de Svislando, nome inter la Ĵuraso kaj la Svisa Mezlando.

Trafiko

La urbo Brugg estas signifa trafiknodo, bone atingebla kaj per publikaj kaj per privataj trafikiloj.

Fervojo

Tra la urbo Brugg pasas tri fervojlinioj de la Svisaj Federaciaj Fervojoj. La plej signifa estas la linio de Bazelo tra Zuriko al Koiro. Krome estas linio al Araŭo kaj alia al Lencburgo. Rapidtrajnoj cirkulas al Bazelo, Berno, la ĉefstacidomo Zuriko, la flughaveno Zuriko kaj Koiro.

Poŝtaŭto

De la stacidomo de Brugg poŝtaŭtolinioj kondukas al Bad Zurzach, Birr, Döttingen, Frick, Laufenburg, Linn, Mellingen, Mönthal, Remigen, Scherz kaj Thalheim.

Aŭtomobilo

En Brugg kruciĝas du gravaj ĉefstratoj, nome la ĉefstrato 3 (Bazelo - Zuriko - Koiro - Chiavenna) kaj la ĉefstrato 5 (Laŭzano - Bielo - Waldshut).

Estas alveturejoj al la du naciaj aŭtoŝoseoj A1 (de Ĝenevo al Sankt-Margreto) kaj de A3 (de Bazelo al Koiro).

Historio

La unua dokumenta mencio de Brugg datiĝas el la jaro 1064 kiel Bruggo. La regiono de Brugg estas la prahejmo kaj dum longa tempo la potenccentro de la nobela familio de la Habsburgoj, la posta aŭstria imperiestra dinastio.

Rudolfo la 1-a, kiu antaŭ sia elektiĝo kiel reĝo kaj imperiestro de la Sankta Romia Imperio ofte restadis en Brugg, koncedis al la loko la 12-an de junio 1284 la urborajton.