Esperanto-Societo Zuriko

Esperanto-Societo Zuriko
Lando	Svislando
Sidejo	Zuriko
membro de	Svisa Esperanto-Societo
Interretejo	www.esperanto.ch/zuriko/
	v • d • r

la Esperanto-kabano de Karl Jost en la 1920-aj jaroj sur la monto Zürichberg

Esperanto-Societo Zuriko (ESZ) (germane: Esperanto-Gesellschaft Zürich) estis fondita la 20-an de Decembro 1905 en la Centro Karolo la Granda. Inter la pioniroj de la unua epoko memorinda estas Karl Jost, aktivulo de la laborista movado, kiu estis unu el la plej fervoraj kontraŭstarantoj de Ido. Dum unu el la fondintoj de ESZ Albert Nötzli transiris al Ido, Karl Jost restis lia fervora kontraŭulo. La historion de ESZ dum la 1920-aj jaroj markas la lukto inter tiuj du partioj. Oni retrospektive prave povas diri, ke la la forblovon de la ido-danĝero la Esperanto-movado precipe dankas al la fervora aktiveco de Karl Jost.

Kulmino en 1929 estis vizito de la bahaaninoj Lidia Zamenhof kaj Marta Ruth kiuj prelegis dum klubvespero pri la bahaa religio kaj vekis grandan publikan atenton. La societon dum multaj jaroj prezidis Emil Müller, tiam Paul Enz (fondinto de la ŝanĝocirklo Wirtschaftsring WIR en 1934), Fritz LIECHTI kaj hodiaŭ Dietrich Michael WEIDMANN. En la 2000-aj jaroj la societo havis 60 membrojn kaj kunsidas en Esperantejo [1]. Okazis regule kursoj por komencantoj, aperadis anoncoj kaj artikoloj en diversaj lokaj periodaĵoj. Esperanto-Societo Zuriko redaktis ankaŭ la ttt-ejon esperanto.ch [2] Arkivigite je 2017-09-11 per la retarkivo Wayback Machine kaj la ĉiutagan retrevuon KOMENTOJn.

Ek de 2008 la sidejo de Esperanto-Societo Zuriko estas en Uster ĉe la entrepreno Allsprachendienst Esperanto GmbH kie ankaŭ situas la Esperanto-Librejo Zuriko.

Estraro de Esperanto-Societo Zuriko

Aktuale (stato de somero 2024) la estraro de Esperanto-Societo Zuriko konsistas el 3 personoj, nome Dietrich Michael Weidmann (prezidanto), André Müller (sekretario) kaj Rafael Das Gupta (kasisto). Dek jaroj pli frue, en somero 2014, temis pri Dietrich Michael Weidmann (prezidanto), Nelida Weidmann-Gonzalez Fonseca (sekretario) kaj Elisabeth Eisenegger (kasisto).

Eksteraj ligiloj