John Mearsheimer

John Mearsheimer
Persona informo
John Joseph Mearsheimer
Naskiĝo	14-an de decembro 1947 (1947-12-14) (77-jaraĝa) en Broklino, Nov-Jorkio
Lingvoj	novjorka dialekto vd
Ŝtataneco	Usono vd
Alma mater	Universitato de Suda Kalifornio West Point Universitato Cornell - doktoro de filozofio University of Southern California School of International Relations (en) vd
Profesio
Okupo	international relations scholar (en) universitata instruisto oficiro verkisto vd
Laborkampo	Offensive realism (en) vd
Doktoreca konsilisto	Richard Rosecrance vd
Verkado
Verkoj	The Tragedy of Great Power Politics vd
Membrecoj Membrecoj Usona Akademio de Artoj kaj Sciencoj vd
En TTT	Oficiala retejo vd
vd	Fonto: Vikidatumoj

John J. Mearsheimer (naskiĝis la 14-an de decembro 1947 en la novjorka kvartalo Broklino, Usono) estas profesoro pri politika scienco ĉe la Universitato de Ĉikago kiu vaste verkis pri sekurecaj aferoj kaj internacia politiko.

Vivo

John Mearsheimer estis ekde 1964 ano de la usona armeo kaj studis de 1966 ĝis 1970 ĉe la armea universitato West Point. Sekvis studoj en la Universitato de Suda Kalifornio pri internaciaj rilatoj kaj en 1980 doktoriĝo ĉe la Universitato Cornell en Ithaca (Nov-Jorkio). En Universitato Harvard li specialiĝis pri internaciaj rilatoj.

Ekde 1982 li laboras ĉe la Universitato de Ĉikago, ekde 1987 kiel regula profesoro pri politika scienco.

Li estas unu el la ĉefaj reprezentantoj de la teorio de politika novealismo en internaciaj rilatoj, kiun li difinas kiel provon de la ŝtato akiri hegemonion sur la mondscenejo.

Ekde 2003 li estas membro de la Usona Akademio de Arto kaj Sciencoj, Honora Profesoro ĉe la Universitato Renmin de Ĉinio (2012) kaj ĉe la Pekina Universitato de Internacia Studoj (2012).

Teorioj de ofensiva realismo kaj konvencia malkuraĝigo

John Mearsheimer estas konsiderita la fondinto de la teorio de ofensiva realismo (angle: Offensive Realism), kiu argumentas ke ŝtatoj malofte estas kontentaj kun la nivelo de influo sur la mondscenejo kaj ĉiam provas akiri preferon super aliaj por atingi kompletan sekurecon.

En alia teorio de "konvencia malkuraĝigo" (angle: Conventional Deterrence), li argumentis ke la nivelo de sekureco de la ŝtato dependas de kiel ĝi povas konvinki eblajn kontraŭulojn pri sia forto.

Irako kaj Ukrainio

Mearsheimer estis kritikisto de la usona milito en Irako kaj ankaŭ kulpigis Usonon kaj EU-landojn en la armea konflikto en Ukrainio en 2022, ĉar la orienta ekspansio de NATO kaj EU (kun la transformiĝo de Ukrainio en por-usonan liberalan demokration), el la vidpunkto de Rusio, estis konsiderata kiel minaco.

Verkoj

Libroj

• Conventional Deterrence, 1983
• Liddell Hart and the Weight of History, 1988
• The Tragedy of Great Power Politics, 2001
• (kun Stephen Walt): The Israel Lobby and U.S. Foreign Policy, 2007
• Why Leaders Lie: The Truth About Lying in International Politics, 2011 (Kial gvidantoj mensogas: La vero pri mensogado en internacia politiko, New York: Oxford University Press, 2011, ISBN 9780199758739 OCLC 593639329
• The Great Delusion: Liberal Dreams and International Realities (2018)

Artikoloj

• (kun Stephen Van Evera): When peace means war, The New Republic, 18-an de decembro 1995, p. 16-21
• Back to the future. Instability in Europe after the Cold War; The false promise of International Institutions; A Realist Reply, Michael Edward Braun, Theories of War and Peace, 1998 (ISBN 0-262-52252-7) - Tiuj artikoloj aperis ankaŭ en la revuo International Security.
• (kun Stephen Walt): Serientäter Saddam die Beweise der Kriegsbefürworter stechen nicht, Blätter für deutsche und internationale Politik, Jg. 48.2003, p. 296-306

Literaturo

• Randall L. Schweller, David Priess, A Tale of two Realisms. Expanding the Institutions Debate, Mershon International Studies Review, Jg. 41.1997, S. 1-32

Eksteraj ligiloj

• Ttt-ejo de John Mearsheimer ĉe la universitato de Ĉikago
• Detala intervjuo kun John Mearsheimer Arkivigite je 2019-08-15 per la retarkivo Wayback Machine