Pantelleria
| Pantelleria | |
| |
| |
komunumo de Italio  vd
| |
|---|---|
| Ŝtato |  Italio
|
| Regiono |  Sicilio
|
| Provinco | TP Trapanio |
| Geografia situo | 36° 50′ N, 11° 57′ O (mapo)36.83333333333311.95Koordinatoj: 36° 50′ N, 11° 57′ O (mapo) |
| Alto super marnivelo | 5 m |
| Areo | 83 km² |
| Loĝantaro | 7352 (2023) |
| Loĝdenso | 87 loĝantoj/km² |
| Najbaraj komunumoj | |
| Patrono | Fortunatus of Casei |
| Nomo de loĝantoj | panteschi |
| Poŝtkodo | 91017 |
| Imposta kodo | G315 |
| Kodo laŭ ISTAT | 081014 |
| Telefona prefikso | 0923 |
| Estro | |
| Retpaĝo | Oficiala retejo |
 
| |
|
| |
Pantelleria ([pantelleria]; esperante eble Pantelerio) estas insulo kaj komunumo de Italio. Ĝi situas, 85 km sudokcidente de Sicilio kaj 70 km nordoriente de Tunizio en la Mediteraneo. Fine de 2023 en la komunumo vivis 7 352 loĝantoj. Pantelleria kovras areon de 84,53 kvadrataj kilometroj, kio rezultigas loĝdenson de 87 loĝantoj/km².
Geografio
[redakti | redakti fonton]
Pantelleria estas preskaŭ en la centro de la Kanalo de Sicilio, kiu disigas la Sicilion kaj la Nordafrikon.
Ĝi havas ovalan formon, longan ĉirkaŭ 15 km. Interne estas pluraj montetoj; la plej alta estas Montagna Grande (Granda Monto), 836 m.
Geologio
[redakti | redakti fonton]La insulo havas vulkanan originon. Fakte, ĝi estas parto de submara vulkano, enhavanta plurajn kalderojn[1]. La ĉefaj kalderoj estas nun malaktivaj, sed erupcioj okazis ankaŭ en proksimaj epokoj: la lasta en 1891 for de submara truo 4 km norde de la marbordo[2]. Varmaj fontoj kaj etaj gejseroj montras ke la insulo estas vulkano nur dormanta sed ne malaktiva.
Historio
[redakti | redakti fonton]Jam dum la prahistorio homoj loĝis en Pantelerio. Fenicoj fondis tie kolonion, verŝajne en la 7-a jarcento a.K.. Romio konkeris la insulon en 217 a.K.. En tiu epoko ĝi nomiĝis Cossyra.
Post la falo de la okcidenta romia imperio, Pantelerio estis konkerita de Justiniano la 1-a en 540. Sub la bizanca regado la insulo akiris la nomon Πατελαρέας (Patelareas), el kiu venas la nuntempa nomo.
Araboj okupis provizore la insulon en la 8-a jarcento kaj fikse en la 9-a jarcento. En 1123 la insulon konkeris la Normandoj de Sicilio. Poste Pantelerio restis parto de Sicilio, sub la samaj regantoj kiel ĝi; tamen plurfoje dum la 15-a kaj 16-a jarcento otomanaj ŝipoj atakis ĝin, detruis la urbeton kaj kaptis la loĝantojn.
Transporto
[redakti | redakti fonton]Gravas la Flughaveno de Pantelerio.
Notoj
[redakti | redakti fonton]- ↑ Zanon, Vittorio kaj Neri, Marco. (Evoluzione geologica di Pantelleria) (itale). INGV - Sezione di Catania. Arkivita el la originalo je 2015-12-08. Alirita 2015.11.29 .
- ↑ Pantelleria (angle). Global Volcanism Program. Smithsonian Institution - National Museum of Natural History (2013). Alirita 2015.11.29 .
| ||||
