Hachi: A Dog's Tale

Hachi: A Dog's Tale
Jatorria
Argitaratze-data	2009
Izenburua	Hachi: A Dog's Tale
Jatorrizko hizkuntza	ingelesa
Jatorrizko herrialdea	Erresuma Batua eta Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film dramatikoa eta family film (en)
Iraupena	93 minutu
Kolorea	koloretakoa
Deskribapena
Oinarritua	Hachiko Monogatari (en)
Grabazio lekua(k)	Japonia
Zuzendaritza eta gidoia
Zuzendaria(k)	Lasse Hallström
Gidoigilea(k)	Kaneto Shindō (en)
Antzezlea(k)
	Joan Allen ; Cary-Hiroyuki Tagawa ; Sarah Roemer ; Jason Alexander ; Erick Avari ; Richard Gere ; Davenia McFadden ; Kevin DeCoste ; Robert Capron
Ekoizpena
Ekoizlea	Richard Gere; Julie Chrystyn (en)
Edizioa	Kristina Boden (en)
Bestelako lanak
Musikagilea	Jan A. P. Kaczmarek
Argazki-zuzendaria	Ron Fortunato (en)
Fikzioa
Kontakizunaren tokia	Japonia
	hatchi.fr

Hachi: A Dog's Tale (euskaraz Hachi: Txakur Baten Istorioa) 2009ko Lasse Hallström suediar zinema zuzendariak zuzendutako drama filma bat da. Richard Gere, Joan Allen, Cary-Hiroyuki Tagawa, Sarah Roemer, Jason Alexander eta Erick Avari aktoreek eta Chico, Layla eta Forrest txakurrek antzeztu zuten.

Japonian bizi izan zen Hachiko txakurraren istorioan oinarritzen den fikzioa da, garaiz eta tokiz aldatua.

Argumentua

Oharra: Atal honek istorio osoa edo amaiera argitzen du.

Parker Wilson (Richard Gere) musika ikasgaiak irakasten dituen unibertsitateko irakaslea da. Behinola, egunero lantokira joateko erabili ohi duen tren geltokian japoniar jatorriko eta Akita inu arrazako Hachi txakurra topatuko du. Inor harengatik arduratzen ez denez, Parkerrek bere etxera eramango du. Hortik aurrera, Parker eta txakurrak gizakia eta animalia baten artean sor daitekeen zinezko adiskidetasuna eta leialtasun irmoa biziko dute.

Aktoreak

Chico, Layla eta Forrest - Hachi
Richard Gere - Parker Wilson irakaslea
Joan Allen - Cate Wilson, Parkerren emaztea
Sarah Roemer - Andy Wilson, Parkerren alaba
Robbie Collier Sublett - Michael, Andyren senarra
Cary-Hiroyuki Tagawa - Ken Fujiyoshi
Jason Alexander - Carl Boilins
Erick Avari - Jasjeet, hot dog gurditxodun indiar saltzailea
Davenia McFadden - Mary Anne
Kevin DeCoste - Ronnie
Tora Hallström - Heather

Benetazko istorioa

1987ko Kaneto Shindô japoniar zuzendariaren Hachi-kō (ハチ公物語, literalki, Hachi Txakurraren Istorioa) filmaren egokitzapena da. Hura, era berean, benetazko istorio batean oinarritua zegoen.

1924an Tokioko Unibertsitateko nekazaritza saileko irakasle bat kalean topatutako Akita inu arrazako Hachi txakurraz arduratu zen, biak elkarrekin jostatu ohi zuten eta lagun bilakatu ziren, txakurra egunero irakaslea bere lantokitik noiz aterako kanpoan zain egoten zelarik. Baina 1925ko maiatzean irakasleak burmuin isuri bat pairatu eta hil egin zen. Aldiz, txakurra egunero-egunero bere adiskidea lantokira bertaratzeko joan ohi zen tren geltokian haren zain bederatzi urte, bederatzi hilabete eta hamabost egunez leial eta inoiz hutsik egin gabe egon zen.

Hasiera batean egunero bere adiskide hilaren zain zegoen txakurrarekiko tren geltokiko langile edo bidaiari batzuen jokamoldea ez zen guztiz atsegina edo lagunkoia izaten, baina 1932ko urriaren 4ean txakurra eta haren leialtasunari buruz argitaratutako artikulu baten ondorioz jendeari Hachi txakurrarekiko miresmen sakona piztu zitzaion eta pertsona asko harengana hurbildu eta zaintzeaz gain jatekoa eman zioten.

1935ko martxoaren 8an Hachi txakurra gaixotasun baten ondorioz kalean hilik topatu zuten. Aurretik, 1934ean txakurra zain egon ohi zen Shibuya tren geltokian haren omenezko brontzezko estatua bat altxatu zuten.

Kanpo estekak

Hachi: A Dog's Tale filmaren iragarkia ikusgai. Youtube.com (Ingelesez)
Hachi: A Dog's Tale filmaren IMDBko fitxa irakurgai (Ingelesez)

Datuak: Q59249