Coroa (moeda)

Para outros significados de "coroa", véxase a páxina de homónimos Coroa.

Coroa é a denominación que reciben distintos tipos de moeda de estados europeos, algunhas delas vixentes e outras correspondentes a outras épocas históricas, que orixinariamente foron creadas en períodos monárquicos, asociadas á simboloxía da coroa real.^[1]^[2]^[3]^[4]

Coroa como unidade monetaria principal

Estado	Moeda	Código ISO 4217	Creación	Moeda anterior
República Checa	Coroa checa ^[5] (koruna)	CZK	8 de febreiro de 1993	Coroa checoslovaca
Dinamarca	Coroa danesa ^[5] (krone)	DKK	1 de xaneiro de 1873	Rigsdaaler
Groenlandia	Coroa danesa / Coroa groenlandesa (koruuni)	DKK	1 de xaneiro de 1873	Rigsdaaler
Illas Feroe	Coroa feroesa (króna)	FOK (DKK)	31 de maio de 1940	Coroa danesa
Islandia	Coroa islandesa ^[5] (króna)	ISK	1885	Coroa danesa
Noruega	Coroa norueguesa ^[5] (krone)	NOK	1875	Speciedaler
Suecia	Coroa sueca ^[5] (krona)	SEK	1873	Riksdaler

Estado	Moeda	Período	Moeda seguinte
Austria	Coroa austríaca	1918-1925	Substituída polo xilin austríaco.
Imperio Austrohúngaro	Coroa austrohúngara	1892-1918	Substituído pola coroa austríaca e a coroa húngara.
Protectorado de Bohemia e Moravia	Coroa de Bohemia e Moravia	1939-1945	Substituída pola coroa checa.
Checoslovaquia	Coroa checoslovaca	1919-1939 e 1945-1993	Substituída pola coroa checa e a Coroa eslovaca.
Estonia	Coroa estoniana	1928-1940 e 1992-2011	No medio usouse o rublo ruso. Substituída polo euro.
Reino de Hungría	Coroa húngara	1920-1926	Abandonada pola inflación. Substituída polo pengo.
Eslovaquia	Coroa eslovaca	1939-1945 e 1993-2008	Substituída polo euro.

Coroa inglesa de 1703 coa palabra VIGO baixo o busto, cuñada coa prata capturada na Batalla de Rande

Coroa británica: moeda do Reino Unido cuñada entre 1707 e 1965, co valor de cinco xilins ou a cuarta parte dunha libra, herdeira da anterior coroa inglesa, introducida en Inglaterra por Henrique VIII en 1526 co mesmo valor.^[6]
Coroa castelá: denominación dada ao real de prata do Reino de Castela dos reinados de Pedro I e de Henrique II.^[7]
Coroa escocesa (ou lion de ouro): moeda escocesa de ouro creada por Roberto III (1390-1406) co valor de 5 xillins ou un cuarto de libra escocesa.
Coroa francesa: moeda de ouro cuñada por primeira vez por Filipe VI de Francia en 1340.^[8]
Coroa portuguesa: designación dada á moeda portuguesa de prata con valor facial de 1.000 reis, logo da decimalización, a partir de 1835, durante o reinado de María II. Tamén se coñeceu con este nome a moeda de ouro de 5.000 reis do mesmo período e outra posterior de 10.000 reis.^[9]
Coroa de Fiume: unidade monetaria do Estado Libre de Fiume entre 1919 e 1920, herdeira da coroa austrohúngara.^[10]
Coroa de Liechtenstein: unidade monetaria do Principado de Liechtenstein de 1898 a 1921.^[11]
Coroa iugoslava: moeda provisional do Reino dos Serbios, Croatas e Eslovenos (Reino de Iugoslavia) entre 1919 e 1920, herdeira da coroa austrohúngara.^[12]