Goslar

Goslar
Localización
	51°54′22″N 10°25′45″L / 51.906003, 10.429163
Estado	Alemaña
Estado federado	Baixa Saxonia
District of Lower Saxony (en)	Goslar (pt)
Capital de	Goslar (pt)
Contén a división administrativa	Baßgeige (en) ; Cidade Histórica de Goslar (pt) ; Georgenberg (en) ; Hahndorf (en) ; Hahnenklee (en) ; Immenrode (en) ; Jerstedt (en) ; Jürgenohl (en) ; Lengde (en) ; Lochtum (en) ; Ohlhof (en) ; Oker ; Rammelsberg ; Steinberg (en) ; Sudmerberg ; Vienenburg ; Weddingen (en) ; Wiedelah (en)
Poboación
Poboación	50.253 (2023) (306,65 hab./km²)
Xeografía
Superficie	163,88 km²
Altitude	255 m
Datos históricos
1167	Evento clave
1167	asedio
Organización política
• Xefe do goberno	Urte Schwerdtner (pt)
Membro de	Niedersächsischer Städtetag (pt)
Identificador descritivo
Código postal	38640, 38642 e 38644
Fuso horario	UTC+01:00, horario estándar; UTC+02:00, horario de verán
Prefixo telefónico	05321 e 05325
Outro
Irmandado con	Beroun (pt) ; Arcachon ; Brzeg (pt) ; Windsor and Maidenhead (pt)
Sitio web	goslar.de

Goslar é unha pequena cidade de Alemaña pertencente ao Land da Baixa Saxonia.

Xeografía

Situada a 358 msnm, o municipio ocupa unha superficie de 92,56 km².

Segundo o censo do 31 de decembro de 2021, contaba con 50 010 habitantes,^[1] polo que a súa densidade de poboaión nese ano era de 305 hab./km².

A cidade encóntrase nas proximidades do Harz, zona montañosa do norte de Alemaña que ten as altitudes máis altas nesa rexión, e o seu terreo accidentado esténdese por partes da Baixa Saxonia, Saxonia-Anhalt e Turinxia. O nome Harz deriva da palabra do alto alemán medio Hardt ou Hart (bosque de outeiros), latinizada como Hercynia (Hercinia). O Brocken é o cumio máis alto do Harz, cunha altitude de 1 141,1 m sobre o nivel do mar. O Wurmberg (971 m) é o pico máis alto situado enteiramente dentro do estado de Baixa Saxonia.

Historia

Fundada en 922 para protexer as ricas minas de prata descubertas na montaña Rammelsberg.^[2] Na Alta Idade Media, nos séculos XI e XII, foi a residencia favorita dos emperadores do Sacro Imperio Romano Xermánico da dinastía Salia, e foi o escenario de frecuentes reunións do Reichstag. Incluso o último desta dinastía, Henrique V, naceu en Goslar.

No século XIII uniuse á Liga Hanseática. En 1290 foi unha cidade imperial libre, até que foi anexionada por Prusia en 1802. Pasou a Westfalia en 1807, volveu a Prusia en 1814, pasou a Hannover en 1815 e, co reino de Hannover, ao reino de Prusia en 1866. Adolf Hitler converteuna na sede da organización agrícola nazi en 1936. Indemne durante a segunda guerra mundial, a cidade recibiu moitos refuxiados doutros lugares de Alemaña.^[2]

Economía

Goslar é un centro turístico, e unha importante porta de entrada para os turistas que van ás montañas do Harz. Ademais, produce produtos químicos, materiais sintéticos, materiais de construción, papel, vidro, produtos metálicos, téxtiles, alimentos e produtos eléctricos.^[2]

Goslar ten dúas especialidades culinarias: o queixo Harz e a cervexa Gose.

Restos de tempos antigos

Quedan partes das antigas murallas da cidade, así como as torres do século XVI, especialmente a Breites Tor (Porta Ancha). Hai interesantes edificios de pedra e entramado de madeira dos séculos XIII-XVI pertencentes aos gremios de panadeiros e comerciantes de panos; un destes últimos (de 1494) é hoxe o Hotel Kaiserworth. O Palacio Imperial (c. 1040, restaurado a finais do século XIX) foi construído polo emperador Henrique III, cuxa tumba está na capela de San Ulrico. A casa do concello do século XII, posteriormente reconstruída, contén unha singular sala de homenaxe. A catedral (consagrada en 1050) foi demolida en 1819, pero os mosteiros medievais e varias igrexas parroquiais sobreviven.^[2]

Patrimonio da humanidade

A cidade histórica de Goslar, coas minas de Rammelsberg, foron declaradas Patrimonio da Humanidade pola Unesco no ano 1992, uníndose á declaración o sistema de xestión hidráulica do Alto Harz en 2010.^[3]

Notas

↑ Landesamtfür Statistik Niedersachsen, LSN-Online Regionaldatenbank, Tabelle A100001G: Fortschreibung des Bevölkerungsstandes, Stand 31. Dezember 2021.
↑ ^2,0 ^2,1 ^2,2 ^2,3 Goslar na Encyclopaedia Britannica.
↑ "Mines of Rammelsberg, Historic Town of Goslar and Upper Harz Water Management System". UNESCO Culture Sector. Consultado o 23 de xuño de 2022.

Véxase tamén

Bibliografía

Werner Gottschalk (1999): Chronik der Stadt Goslar: 919–1919; unter Einbeziehung des Reichs- bzw. Landesgeschehens und des Umlandes der Stadt. Goslar: Brumby. ISBN 3-9342-3120-9.

Ligazóns externas

Páxina web oficial (en alemán).
Den Rammelsberg und Goslar (en alemán).
Goslar (Harz) Un patrimonio da UNESCO en 13.550 fotos. (en francés), (en inglés), (en alemán).

[1] Landesamtfür Statistik Niedersachsen, LSN-Online Regionaldatenbank, Tabelle A100001G: Fortschreibung des Bevölkerungsstandes, Stand 31. Dezember 2021.

[EB-2] 2,0 ^2,1 ^2,2 ^2,3 Goslar na Encyclopaedia Britannica.

[Unesco-3] "Mines of Rammelsberg, Historic Town of Goslar and Upper Harz Water Management System". UNESCO Culture Sector. Consultado o 23 de xuño de 2022.

[1]

[2]

[3]