Linus Torvalds

Linus Torvalds
	; (2014)
Biografía
Nacemento	(sv) Linus Benedict Torvalds ; 28 de decembro de 1969 (54 anos); Helsinqui, Finlandia
Residencia	Santa Clara (1997–2004); Helsinqui (1969–1997)
Relixión	Ateísmo
Educación	Universidade de Helsinki - ciencias da computación (1988–1996); Svenska normallyceum (en)
Actividade
Campo de traballo	Enxeñeiro de software
Ocupación	programador
Empregador	Linux Foundation (pt) (2007–) ; Open Source Development Labs (pt) (2003–2007) ; Transmeta (pt) (1997–2003) ; Universidade de Helsinki (1992–1996)
Membro de	Royal Swedish Academy of Engineering Sciences (en)
Obra
	Obras destacables (1991) Núcleo Linux; (2005) Git; (2011) Subsurface (pt) ;
Arquivos en	Museu da História do Computador (pt) ;
Familia
Cónxuxe	Tove Torvalds
Fillos	Patricia Miranda Torvalds, Daniela Yolanda Torvalds, Celeste Amanda Torvalds
Pais	Nils Torvalds e Anna Torvalds
Irmáns	Leo Torvalds; Christopher Torvalds; Alexander Torvalds; Sara Torvalds
Parentes	Ole Torvalds, avó
Cronoloxía
16 de setembro de 2018	Sabbatical (pt)
Premios
	(2018) IEEE Masaru Ibuka Consumer Electronics Award (en) ; (2014) Prêmio Pioneiro da Computação (pt) ; (2012) Prêmio de Tecnologia do Milênio (pt) ; (2012) Salón da Fama de Internet (EE.UU.); (2008) Computer History Museum fellow (en) ; (2001) Europeo do Ano; (xuño de 2000) doctor honoris causa of the University of Helsinki (en) ; (2000) Medalha Lovelace (pt) ; (1999) honorary doctor of Stockholm University (en) ; (1998) EFF Award (pt) ; Suuret suomalaiset (pt) ; Nokia Foundation Recognition Award (en) ;
Descrito pola fonte	Obálky knih,
Páxina web	torvalds-family.blogspot.com

Linus Benedict Torvalds, nado en Helsinqui o 28 de decembro de 1969, é un informático finés que comezou o desenvolvemento de Linux, un kernel, e hoxe fai de coordinador do proxecto. Inspirándose no sistema operativo Minix, desenvolto por Andrew S. Tanenbaum para aprenderlle ós seus alumnos como funcionaba un sistema operativo, sentiu a necesidade dun sistema operativo de tipo UNIX capaz de executarse no seu PC. Torvalds fixo o desenvolvemento orixinal do kernel Linux no seu propio equipo durante o seu tempo libre.

Traxectoria

Os seus pais tomaron o seu nome de Linus Pauling. O seu avó, un matemático e estatístico da Universidade mercou un dos primeiros microordenadores Commodore en 1980 e pediulle axuda para o usar.

En 1988 Linus foi admitido na Universidade de Helsinqui. Ese mesmo ano Andy Tannenbaum sacou á luz o sistema operativo Minix. Dous anos despois, en 1990, Torvalds comezou a aprender a linguaxe de programación C na súa universidade. A finais dos anos 80 tomou contacto cos computadores IBM PC e en 1991 adquiriu un ordenador con procesador modelo 80386 de Intel.

Á idade de 21 anos, con 5 anos de experiencia programando (un en C), xa coñecía o bastante do sistema operativo Minix como para lle tomar algunhas ideas prestadas e encetar un proxecto persoal. Baseándose en Design of the Unix Operating System, publicado por Maurice J. Bach en 1986, e modificando gradualmente o Kernel de Minix, creou unha adaptación que executaba programas informáticos creados polo proxecto GNU, pero sobre unha arquitectura de ordenadores compatibles, IBM/PC.

Este proxecto persoal desembocou o 5 de outubro de 1991 co anuncio ^[1] da primeira versión de Linux capaz de executar BASH (Bourne Again Shell) e o compilador coñecido como GCC (GNU Compiler Collection).

En xaneiro de 1992 adoptouse a Licenza Pública Xeral (GPL) para Linux. Esta engade liberdades de uso a Linux totalmente opostas ás do software privativo, permitindo a súa modificación, redistribución, copia e uso ilimitado. Este modelo de licenciamento facilita o que é coñecido como o modelo de desenvolvemento de bazar, que deu estabilidade e funcionalidade sen precedentes a este.

En 1997 Linus Torvalds recibe os premios 1997 Nokia Foundation Award de Nokia e Lifetime Achievement Award at Uniforum Pictures. Ese mesmo ano finaliza os estudos superiores (1988 - 1997) tras unha década como estudante e investigador na Universidade de Helsinqui, coordinando o desenvolvemento do núcleo do S.Ou. dende 1992.

Agora Torvalds traballa en Silicon Valley, California, (EUA). Só o 2% de Linux foi creado por el inicialmente nos anos 90, pero na súa persoa segue descansando a supervisión do desenvolvemento deste núcleo do sistema operativo.

Torvalds posúe a marca rexistrada "Linux" e supervisa ^[2] o uso (ou abuso) da marca a través da organización sen fins de lucro Linux International.

Notas

↑ Free minix-like kernel sources for 386-AT, de Linus Benedict Torvalds (5 de outubro, 1991)
↑ Linus Explains Linux Trademark Issues de CmdrTaco, Slashdot (en inglés)

Véxase tamén

Ligazóns externas

Páxina persoal Arquivado 12 de marzo de 2005 en Wayback Machine. (en inglés)
Páxina de oficial do núcleo Linux (en inglés)

[1] Free minix-like kernel sources for 386-AT, de Linus Benedict Torvalds (5 de outubro, 1991)

[2] Linus Explains Linux Trademark Issues de CmdrTaco, Slashdot (en inglés)

[1]

[2]