Puebla
.svg&lang=gl)
Puebla, oficialmente Estado Libre e Soberano de Puebla, é un dos 31 estados, que xunto coa Cidade de México, conforman as entidades federais de México. Divídese en 217 concellos e a súa capital é a cidade de Puebla de Zaragoza. No ano 2020 contaba cunha poboación de 6.583.278 persoas.[1]
Atópase no centro-leste de México e limita cos estados de Veracruz ao norte e ao leste, Hidalgo, México, Tlaxcala e Morelos ao oeste, e Guerrero e Oaxaca ao sur. As orixes do estado atópanse na cidade de Puebla, que foi fundada polos españois neste val en 1531 para asegurar a ruta comercial entre Cidade de México e o porto de Veracruz. A finais do século XVIII, a zona converteuse nunha provincia colonial cun gobernador propio, que se convertería no Estado de Puebla, despois da guerra de independencia de México a comezos do século XIX. Dende aquela a zona, especialmente arredor da cidade capital, continuou crecendo economicamente, principalmente a través da industria, a pesar de ser escenario de varias batallas, a máis destacada das cales foi a batalla de Puebla. Hoxe, o estado é un dos máis industrializados do país, pero como a maior parte do seu desenvolvemento se concentra en Puebla e outras cidades, moitas das súas zonas rurais están sen desenvolver.
Notas
[editar | editar a fonte]- ↑ "México en cifras". xaneiro de 2016.
Estados de México | ||
|---|---|---|
|  | |
