Paolo Maldini

Paolo Maldini
Katerangan priangga
Jeneng dawa	Paolo Cesare Maldini
Dhuwur	1.86 m (6 ft 1 in)
Posisi main	Pemain bertahan
Karir nom
1978–1985	Milan
Karir sénior*
Tim nasional
	* Gunggung main lan gul ing klub sénior tumrap liga dhomèstik iki mligi.; ;

Paolo Maldini (lair ing Milan, Italia, 26 Juni 1968; umur 56 taun) inggih punika salah satunggaling juru main bal-balan saka nagara Italia. Sadangunipun kariripun, piyambakipun namung mapan wonten ing klub AC Milan. Sajeroning klub punika, piyambakipun tansah dipunpanggènaken minangka bèg kiwa utawi bèg tengah. Inggilipun piyambakipun antawis 188 cm. Maldini punika salah satunggaling lègèndaning bal-balan Italia ingkang dipunajèni. Ewadéné sapunika yuswanipun sampun ngancik 40an, kaprigelanipun piyambakipun panggah ajeg. Wonten ing Milan, piyambakipun kapasangaken kaliyan Alessandro Nesta nalika main dados bèg tengah.^[1]

Wonten ing kridha Sèri A, Paolo Maldini widada ngimbangi rèkor tampilipun Dino Zoff kanthi angka kaping 570 nalika tandhing lawan Sampdoria surya18 September 2005. Tetandhingan punika ugi mracihnani tampilipun piyambakipun ingkang kaping 800 sadangunipun karieripun wonten AC Milan. Kontrakipun Maldini sajatosipun telas nalika pungkasing mangsa 2007-08, nanging lajeng dipunénggalaken dumugi mangsa 2008-09. Kanggé ngajèni dèdikasinipun wonten AC Milan, sragam kanthi angka 3 badhé dipunturunaken dhateng putranipun, Christian, ingkang mlebet skuad utami AC Milan.^[2]

Karir klub

Debut Maldini sajeroning Sèri A kadadosan ing taun 1985 nalika tandhing lawan Udinésé. Kala samanten yuswanipun taksih 16 taun. Wiwit wekdal punika piyambakipun gadhah karir padhang, mimpangi kathah trofi kaliyan Milan (dumugi 2007: 7 gelar Seri A lan 5 gelar Liga Champions). Maldini saged dipunsebutaken minangka bèg paling apik ing donya wonten ing puncak karieripun. Bab punika dipuntandhani kanth kasuksesanipun Maldini ngrebut peringkat tiga ing Ballon d'Or versi majalah France Football nalika taun 1994 lan 2003.

Wonten ing debutipun, Maldini kapasang déning pelatih Nils Liedholm minangka bèg tengen. Mangsa candhakipun, posisi Maldini dipunewahi dados bèg kiwa, kanthi kemampuanipun migunakaken kekalih samparanipun. Ing posisi punika Maldini melegenda dumugi taun-taun candhakipun minangka bèg kiwa. Nalika taun 1997, sasampunipun Franco Baresi (kapten lan bèg tengah Milan) pensiyun, Maldini wiwit dipuncoba posisi minangka bèg sentral. Peran punika dipunlakoni kanthi saé, dumugi wekdal punika Paolo Maldini ugi misuwur minangka bèg sentral. Maldini ugi dipunkenal minangka kepemimpinanipun ingkang gadhah prabawa, temperamenipun ingkang anteng lan pertahananipun tanpa cacat.^[3]

Maldini minangka tiyang angka 5 ingkang tampil kaping 100 ing Liga Champions sadanguning sajarah sesarengan kaliyan penampilanipun nglawan Glasgow Celtic ing babak angka 2 Liga Champions Éropah 2006/2007. Sasampunipun 25 taun mbela Milan, Maldini medalaken pernyataan babagan kemungkinan piyambakipun bandhe pensiyun ing pungkasaning mangsa 2007/2008, kanthi telasipun kontrak piyambakipun kaliyan Milan. Nanging, ngancik yuswa angka 40 ing wulan Juni 2008, Maldini taksih badhé main kanggé Milan ing mangsa 2008/2009. Maldini bener-bener pensiyun ing mangsa 2009, piyambakipun sampun milih kanggé pensiyun saking AC milan, klub ingkang sampun ngagengaken namanipun.

Pagesangan Pribadi

Paolo Maldini miyos saking kulawarga juru main bal-balan. Bapakipun, Cesare, minangka kapten AC Milan nalika taun 1960-an ingkang ndhèrèk njuwarani Piala Champions nalika taun 1963. Generasi angka 3 Maldini ingkang minangka putra mbarep Paolo kanthi model asal Venezuela Adriana Fossa, Christian Maldini, sapunika ugi mlebet ing klub AC Milan kanggé kategori tim enem.

Cathetan suku

↑ "Archive copy". Diarsip saka sing asli ing 2010-03-23. Dibukak ing 2013-02-19.{{cite web}}: CS1 maint: archived copy as title (link)
↑ "Archive copy". Diarsip saka sing asli ing 2013-01-29. Dibukak ing 2013-02-19.{{cite web}}: CS1 maint: archived copy as title (link)
↑ http://www.fifa.com/worldfootball/statisticsandrecords/players/player=174730/index.html

Artikel pemain bal-balan iki minangka artikel rintisan. Kowé bisa ngéwangi Wikipédia ngembangaké.

[1] "Archive copy". Diarsip saka sing asli ing 2010-03-23. Dibukak ing 2013-02-19.{{cite web}}: CS1 maint: archived copy as title (link)

[2] "Archive copy". Diarsip saka sing asli ing 2013-01-29. Dibukak ing 2013-02-19.{{cite web}}: CS1 maint: archived copy as title (link)

[3] ttps://www.fifa.com/worldfootball/statisticsandrecords/players/player=174730/index.html

[1]

[2]

[3]