Antwerpen

Antwerpen
Antwerpen
Land	Belsch
Regioun	Flandern
Communautéit	Flämesch Communautéit
Provënz	Antwerpen
Arrondissement	Antwerpen
Awunner	529.247 (1. Januar 2020)
Fläch	20.451
Koordinaten	51° 13’ 00’’ N 04° 24’ 00’’ O
Telefonszon	03
Postcode	2000, 2018, 2020,; 2030, 2050, 2060
Websäit	https://www.antwerpen.be/

Grouss Plaz zu Anwerpen mat der Statu vum Ris, deem seng Hand an d'Schelde geworf gouf

Antwerpen, Anvers op Franséisch, ass eng Stad an der Belsch an d'Haaptstad vun der Provënz Antwerpen. Opgrond vu senge ronn 526 000 Awunner, ass Antwerpen, no Bréissel (wann een d'Regioun kuckt), déi zweetgréisst Stad an der Belsch an déi gréisst a Flandern.

Geschicht

Et gëtt behaapt, den Numm Antwerpen kéim vum Flämeschen "hand werpen", wat bedeit d'"Hand werfen". No enger Seeche soll de Brabo dem Ris Antigoon, deen d'Schëffsleit terroriséiert a vun hinnen Taxe fir de Passage gefuerdert huet, eng Hand ofgeschnidden hunn a se an d'Schelde geworf hunn. Eng Statu op der Plaz beim Stadhaus erënnert dorun.

Antwerpe war bis zum 16. Joerhonnert eng vun de bedeitendste a räichste Stied an Europa. Dat erkläert och fir wat Antwerpen d'Stad vun der Konscht ginn ass an datt de Moler Pieter Paul Rubens an de Buchdrécker Christophe Plantin do geschafft a gelieft hunn.

Ekonomie an Infrastrukturen

Antwerpen ass ee vun de bedeitendste Hafe vun Europa. Hie läit um Floss Schelde (fr.: Escaut). Zu Antwerpen liewen a schaffe vill Judden, déi meescht am Diamantenhandel.

Politik

Um politeschen Niveau ass Antwerpen bei de Kommunalwale vun 2001 doduerch opgefall, datt eng rechtsextreem, separatistesch-nationalistesch Partei, de Vlaams Blok, méi wéi 30 % vun de Stëmme kritt huet.

Kuckeswäertes

Den Zoo vun Antwerpen
Het Steen (al Buerg, haut e Schëffsmusée)
Grote Markt (Maartplaz)
Cogels-Osylei (Prachtstrooss)
Gare Centraal Station
Onze Lieve Vrouwekathedraal (Léiffrächekathedral)
Museum aan de Stroom
Juddequartier
Vullemaart
Rubenshaus (Wappervaart)
Brabobuer
Diamantemusée

Literatur

Scribanii, C.: Origines Antwerpiensium
Gens: Histoire de la ville d'Anvers
Genard: Anvers a travers les âges

Kuckt och

Lëscht vun de Stied a Flandern

Um Spaweck

Commons: Antwerpen – Biller, Videoen oder Audiodateien