Clorofilla

Molecula de clorofilla : en blanc qu'ei l'idrogèn, en negre lo carbòni, en arroi l'azòt e en vert lo magnèsi.

La clorofilla (paraula hargoada en 1817 a partir deu grèc Χλωρος, vert, e Φυλλον, huelha) qu'ei lo principau pigment assimilator de las cellulas vegetaus. Qu'ei localizada dens los cloroplasts e que participa a la fotosintèsi. La soa color verda que traduseish lo hèit que dens lo son espectre d'absorpcion (enter 380 nm e 780 nm), la lutz verda (enter 500 nm e 560 nm) qu'ei la mens assimilada (e donc refletada).

La clorofilla que ho isolada en 1817 per Joseph Bienaimé Caventou.

Qu'existeishen quate menas de clorofillas:

• La clorofilla a, presenta dens tots los vegetaus.
• La clorofilla b, en çò de las cormofitas (las plantas superioras qui creishen dab un axe privilegiat) e la cianoficeas (o algas verdas).
• La clorofilla c en çò de la Reoficeas (o algas brunas).
• La clorofilla d en çò de quauques cianobacterias.

Estructura de las clorofillas a, b e d

Estructura de las clorofillas c1 e c2