Plan d'Aubion
Lo Plan d'Aubion es un plan calcari d'Occitània, situat dins lei departaments de Vauclusa, deis Aups d'Auta Provença e de Droma. Es l'ancian site de lançament de missils nuclears balistics sòu-sòu de la Fòrça de dissuasion nucleara francesa.
Aquest plan calcari, d'una altitud mejana de 800 m e traucat de baumas e d'avencs, es un grand bacin aquifèr que va de la Còla de Lura fins au Mont Ventor. Lei rius sosterranhs dau plan alimentan la fònt de Vauclusa.
Lo plan viu de l'agricultura (lavanda, espèuta, elevatge de cabras e de fedas), e mai dau torisme.
Lei comunas principalas dau plan son Saut e Sant Cristòu dins lo departament de Vauclusa, Sumiana dins leis Aups d'Auta Provença e Ferrassieras en Droma.
