Шопрон

Город з правами жупы Шопрон Sopron Застава Герб Держава МадярщинаМадярщина Жупа Дьер-Мошон-ШопронДьер-Мошон-Шопрон Мер Др. Циприан Фаркаш Координаты 47.685, 16.58305647°41′06″ с. ш. 16°34′59″ в. д.47.685° с. ш. 16.583056° в. д.    Розлога 169 км² Обывательство 62 671 особ (2019, 1. януар) Часова зона UTC+1, влѣтѣ UTC+2 Телефонный код +36 99 Поштовый индекс 9400 Официалный сайт [1] мад.англ.нѣм. Шопрон

Выгляд з воздуха

Шопрон, мад. Sopron, нѣм. Ödenburg, хорв. Šopron, лат. Scarbantia — 60-тысячный город з правами жупы на сѣверовыходѣ Мадярщины, в жупѣ Дьер-Мошон-Шопрон, административный центер округа Шопрон.

Економика

Центер шопронского винарского вѣдика. Промысел: текстилный, трикотажный, конфекчный, металообробный, потравиновый.

Основа економики Шопрона — сфера служб; их главны напрямы: транспортно-логистичный (трансгранична австро-мадярска економична кооперация), финанчны службы, торговля и туристичный бизнис. В Шопронѣ суть иновачный и индустриалный паркы з выробов електротехничнов (филиалка германской компании IMS Connector Systems), древообробнов (шведско-нидерландска компания IКЕА International Group), скловов (Hirschler Üvegipari Vállalkozás), винарсков и пивоварсков.

История

Первы упоминкы походять з добы старовѣкого Рима, яко римского города Скарбанция. Теперѣшна назв. позната од року 1153. Од XIII. стороча мать статус вольного кральовского города. В XVI. сторочу быв спустошеный при турецком впадѣ на територию Мадярского кральовства. В року 1676 знищеный силным пожаром. По 1 свѣтовой войнѣ подля Сен-Жерменского мирного договора (1919) и Трианонского мирного договора (1920) мав быв перейти Австрии, але за резултатами организованого в городѣ референдума Шопрон зостав мадярскым. За тото во свойой гералдицѣ несе честну титулу найвѣрнѣйшого города, мад. A leghűségesebb város, лат. Civitas Fidelissima.

Жерела и одказы

• Трёшников А. Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6 русс.
• ШОПРОН. Большая российская энциклопедия. Том 35. Москва, 2017, стр. 80. 2017. https://old.bigenc.ru/geography/text/4945090. [перевірено 2020-10-16]. русс.
• Magyarország közigazgatási helynévkönyve, 2019. január 1. (pdf). Központi Statisztikai Hivatal. 2019. https://www.ksh.hu/docs/hun/hnk/hnk_2019.pdf. [перевірено 2020-10-16]. мад.