Betlemme

Artìculu in LSC

Basilica de sa Natividade, Betlemme

Posidura de Betlemme

Betlemme est una tzitadina a 9 km a sud de Gerusalemme, in territòriu palestinesu. Est nòdida comente su logu in ue est nàschidu Gesù Cristu.

In Betlemme b'at sa basìlica de sa Natividade. Sa basilica est partzida in tres propriedades: latinos (frantziscanos), gregos ortodossos e armenos. Una prima crèsia fut chèrfida dae Elene, sa mama de Costantinu imperadore in su 325 p.C., e a poi trasformada dae Giustinianu su 531 p.C.. Est abarrada rispetada in sos sèculos dae sos Persianos e dae sos Àrabos ca fiat dedicada a Maria, “mama de su profeta Gesù Cristu”. Oe si intrat in sa basìlica dae una ghenna bassa meda, e pro intrare unu si depet ingrusciare. Sa basìlica est longa 54 m. e larga 26. Colunnas la partzint in chimbe navadas. Dae su presbitèriu si podet intrare in sa gruta de sa Natividade. In su pamentu, in subra de un'isteddu de prata, si leghet :” Inoghe Gesù Cristu est nàschidu dae Maria Vìrgine”.

S'UNESCO at proclamadu sa Basìlica de sa Natividade patrimòniu de s'umanidade in su làmpadas de su 2012.