Pangkalahatang Kalendaryong Romano

Ang Pangkalahatang Kalendaryo ng Roma ay ang kasalukuyang kalendaryo ng mga banal na pagdiriwang ng mga Santo at mga yugto sa buhay ng ating Panginoong Hesukristo sa Rito Romano ng Simbahang Katolika. Ang mga naturang pista ay may takdang araw, o di kaya'y naililipat na araw (hal. Pista ng Pagbibinyag sa Panginoong Hesukristo, Pista ng Kristong Hari); maaari ring may kaugnayan ito sa takdang kapistahan ng Pasko ng Muling Pagkabuhay. Tulad sa mga kalendaryo ng nakatatandang uso ng Rito Romano, may mga pambansa o pang-diyosesis na kalendaryo kung saan matatagpuan ang karagdagang mga pagdiriwang ng mga Banal o mga yugto sa buhay ni Hesus na maaaring wala sa Pangkalahatang Kalendaryo.

Nahahati sa tatlong antas ang mga pista: Paggunita (o di kaya'y Malalaktawang Paggunita), Kapistahan, o Dakilang Kapistahan. Isa sa mga pagkakaiba rito ay inaawit ang Gloria tuwing Kapistahan subalit hindi naman sa isang Paggunita; naidaragdag ang Sumasampalataya Ako sa mga Dakilang Kapistahan.

Ang huling rebisyon sa Pangkalahatang Kalendaryo ng Roma ay noong taong 1969 sa bisa ng Sulat ng Papa "Buhat sa Kaniyang Pagkukusa" (motu proprio) na pinamagatang Ang Ginawang Pagtubos ni Kristo (Mysterii Paschalis) ni Papa Pablo VI. Ang naturang kalatas at kausutusan ay kasama sa aklat na Calendarium Romanum na inilimbag noong taong din iyon ng Santa Sede. Nilalaman din nito ang mga Pangkalahatang Patakaran Ukol sa Taon ng Liturhiya at Taon ng Kalendaryo, at ang mga pagdiriwang sa bagong kalendaryo. Kabilang na ang mga ito sa bagong Aklat ng Pagmimisa sa Roma. Ang naturang aklat ay may kaukulang komentaryo sa mga naging rebisyon ng naturang kalendaryo.

Sa paglipas ng panahon, naidagdag sa naturang kalendaryo ang mga bagong-hayag na mga Banal.

Ang nilalaman ng Pangkalahatang Kalendaryo ng Roma at ang mga ngalan nito sa wikang Tagalog ay isinama rito, yayamang ito ang kinasihan na salin ng Kalipunan ng mga Obispo sa Pilipinas at ng Santa Sede noong 1981.

Ang Taon ng Liturhiya

Isinasama ng naturang dokumento bilang mga "araw sa liturhiya" ang mga sumusunod:^[1]

Mga Araw ng Linggo, at ang apat na dakilang kapistahan o kapistahan na maaaring humalili rito kung ito'y matapat sa Linggo: Kapistahan ng Banal na Mag-anak, Pagbibinyag sa Panginoong Hesus, Ang Banal na Santatlo, at ang Kapistahan ng Panginoong Hesus, Hari ng Sanlibutan.
Mga Dakilang Kapistahan, Kapistahan, at Paggunita.
Mga Araw sa loob ng linggo (feria).

Sa ilalim ng pangkat na "Ang Pag-inog ng Taon", isinasaayos din sa ilalim ng pitong hanay ang pagdiriwang ng Simbahan sa buong misteryo ni Kristo, "sa kanyang pagkakatawang-tao hanggang sa araw ng Pentekostes at hanggang sa pananabik sa pagbabalik ng Panginoon."

Ang Banal na Triduo, o Ang Tatlong Araw na Pagdiriwang ng Pagpapakasakit at Pagkabuhay ni Kristo, ay nagsisimula sa Misang Pangtakipsilim sa Hapunan ng Panginoon at ang pinaka gitna nito ay ang Magdamagang Pagdiriwang ng Pasko ng Pagkabuhay at ang pagwawakas naman ay sa Pagdiriwang ng Panalangin Pangtakipsilim ng Linggo ng Pagkabuhay.
Ang Pascua o Panahon ng Pasko ng Pagkabuhay, ang limampung araw mula sa Linggo ng Pagkabuhay hanggang sa Linggo ng Pentekostes ay masayang ipinagdiriwang bilang isang araw na pagpipista. Ang unang walong araw ng panahong ito ay tuluy-tuloy na pagdiriwang ng pinakadakilang kapistahan ng Pasko ng Pagkabuhay ng Panginoon. Ang ikaapatnapung araw pagkatapos ng Pagkabuhay ay Pag-akyat ng Panginoon, maliban sa mga pook na ito ay hindi pistang pangilin kaya’t tumatapat sa Ikapitong Linggo ng Pagkabuhay. Ang mga karaniwang araw mula sa Pag-akyat hanggang sa Sabado bago mag Pentekostes ay paghahanda para sa pagdating ng Espiritu Santong Patnubay.
Ang Kwaresma o Ang Apatnapung Araw ng Paghahanda, mula sa Miyerkules ng Abo hanggang sa Misang Pangtakipsilim sa Hapunan ng Panginoon subali’t hindi na kabilang ito sa Apatnapung Araw.
Ang Pasko ng Pagsilang, mula sa Unang Panalangin Pangtakipsilim sa Pagsilang ng Panginoon hanggang sa Linggo pagkatapo ng Pagpapakita, alalaong baga’y kasunod ng ika- 6 ng Enero na kasama rin sa panahong ito at ang Pista ng Pagbibinyag sa Panginoon. Ang Pasko ng Pagsilang ay walong araw na ipagdiriwang ayon sa ganitong palatuntunan: a) kapistahan ng Banal na Mag-anak sa Linggo sa loob ng walong araw na ito o sa ika-30 ng Disyembre kapag ang Pasko ay natapat sa araw ng Linggo; b) kapistahan ni San Esteban, ang unang martir, sa ika-26 ng Disyembre; k) kapistahan ni San Juan, ang isinugong Alagad at Manunulat ng Mabuting Balita, sa ika-27 ng Disyembre; d) kapistahan ng mga Banal na Sanggol na Wala Pang Kamalayan sa ika-28 ng Disyembre; e) mga araw sa loob ng walong araw na pagdiriwang ang ika-29, ika-30, at ika- 31 ng Disyembre; g) dakilang kapistahan ng pagka-ina ng Diyos ni Maria sa unang araw ng Enero na siyang ikawalong araw ng pagdiriwang ng Pasko ng Pagsilang at ginugunita rin dito ang pagbibigay ng Kabanal-banal, ang Ngalang Hesus.
Ang Adbiyento o Ang Panahon ng Pagbabalik ng Panginoon, ay nagsisimula sa Unang Panalangin Pangtakipsilim ng Linggong napapatapat sa ika-30 ng Nobyembre o pinakamalapit dito at nagwawakas naman bago mag-Unang Panalangin Pangtakipsilim ng Pasko ng Pagsilang.
Ang Karaniwang Panahon o Ang Mga Linggo ng Taon, ay nagsisimula sa Lunes na kasunod ng Linggong kasunod naman ng ika-6 ng Enero at ito ay umaabot hanggang sa Martes bago mag- Apatnapung Araw na Paghahanda para sa Pagkabuhay at ang Martes na ito ay kasama sa bilang. Muling nagsisimula ang karaniwang panahon sa Lunes kasunod ng Linggo ng Pentekostes at nagwawakas bago mag-Unang Panalangin Pangtakipsilim ng Unang Linggo sa Panahon ng Pagdating ng Panginoon.
Ang mga Araw ng Pagluhog at Apat na Panahon ng Taon ay mapagpapasyahan ng mga Panayam ng mga Obispo.

Ang Paglilipat ng mga Pagdiriwang

May ilang kapistahan na nasa Pangkalahatang Kalendaryo ang maililipat sa ibang araw:

Para sa ikapakikinabang ng mga nagsisimba, kapag mga araw ng Linggo sa karaniwang panahon ng taon, maaaring ganapin ang mga pagdiriwang na mahalaga para sa pamimintuho ng mga tao na napapatapat sa mga karaniwang araw ng Linggo, kung ang mga ito ay higit na nauuna sa antas ng Linggo ayon sa hanay ng mga araw ng liturhiya. Ang mga pagdiriwang na ito ay maihahalili sa nakatakda para sa Linggo kapag may mga nagsisimba sa pagmimisa.^[2]

May ilang Dakilang Kapistahan na tumatapat sa Linggo o kaya'y sa Mahal na Araw, o sa Walong Araw na Pagdiriwang ng Muling Pagkabuhay. Kung ganito ang mangyayari, maililipat ito sa araw na libre at batay din sa mga alituntunin ukol sa paglilipat ng araw ng pista.

Ang Pangkalahatang Kalendaryo ng Roma

Enero

1 Enero: Santa Maria, Mahal na Ina ng Diyos – Dakilang Kapistahan
2 Enero: San Basiliong Dakila at Gregorio ng Nazianzen, mga obispo at pantas ng Simbahan – Paggunita
3 Enero: Ang Kabanal-banalang Ngalan ni Hesus – Malalaktawang Paggunita
6 Enero: Pagpapakita ng Panginoong Hesukristo – Dakilang Kapistahan
7 Enero: San Raymundo ng Penyafort, pari – Malalaktawang Paggunita
13 Enero: San Hilario ng Poitiers, obispo at pantas ng simbahan – Malalaktawang Paggunita
17 Enero: San Antonio Abad – Paggunita
20 Enero: San Fabian, papa at martir; o di kaya’y San Sebastian, martir – Malalaktawang Paggunita
21 Enero: Santa Agnes, dalaga at martir – Paggunita
22 Enero: San Vincente, diakono at martir – Malalaktawang Paggunita
24 Enero: San Francis de Sales, obispo at pantas ng simbahan – Paggunita
25 Enero: Ang Pagbabalik-loob ni San Pablo Apostol – Kapistahan
26 Enero: San Timoteo at Tito, mga obispo – Paggunita
27 Enero: Santa Angela Merici, dalaga – Malalaktawang Paggunita
28 Enero: Santo Tomas de Aquino, pari at pantas ng simbahan – Paggunita
31 Enero: San Juan Bosco, pari – Paggunita
- Linggo makalipas ang Pagpapakita ng Panginoon (o di kaya’y, kung maipagdiriwang ito sa ika-7 o ika-8 ng Enero, ang kasunod nitong Lunes): Pagbibinyag sa Panginoong Hesus – Kapistahan

Pebrero

2 Pebrero: Paghahandog sa Templo ng Panginoong Hesus – Kapistahan
3 Pebrero: San Blas, obispo at martir; o di kaya’y San Ansgar, obispo – Malalaktawang Paggunita
5 Pebrero: Santa Agata, dalaga at martir – Paggunita
6 Pebrero: San Pablo Miki at mga kasamahan, mga martir – Paggunita
8 Pebrero: San Geronimo Emiliani, pari; o di kaya’y Santa Josefina Bakhita, dalaga – Malalaktawang Paggunita
10 Pebrero: Santa Scholastica, dalaga – Paggunita
11 Pebrero: Ang Birheng Maria ng Lourdes – Malalaktawang Paggunita
14 Pebrero: San Cirilio, monghe, at Metodio, obispo – Paggunita
17 Pebrero: Ang Pitong Tagapagtatag ng Orden ng mga Lingkod ng Birheng Maria – Malalaktawang Paggunita
21 Pebrero: San Pedro Damian, obispo at pantas ng simbahan – Malalaktawang Paggunita
22 Pebrero: Luklukan ni San Pedro Apostol – Kapistahan
23 Pebrero: San Policarpo, obispo at martir – Paggunita
27 Pebrero: San Gregorio ng Narek^[3], abad at pantas ng simbahan – Malalaktawang Paggunita

Marso

4 Marso: San Casimiro – Malalaktawang Paggunita
7 Marso: Santa Perpetua at Felicidad, mga martir – Paggunita
8 Marso: San Juan de Dios, relihiyoso – Malalaktawang Paggunita
9 Marso: Santa Francisca ng taga-Roma, relihiyoso – Malalaktawang Paggunita
17 Marso: San Patricio, obispo – Malalaktawang Paggunita
18 Marso: San Cirilio ng Jerusalem, obispo at pantas ng simbahan – Malalaktawang Paggunita
19 Marso: San Jose, Kabiyak ng Puso ng Mahal na Birheng Maria – Dakilang Kapistahan
23 Marso: San Toribio ng Mogrovejo, obispo – Malalaktawang Paggunita
25 Marso: Pagpapahayag ng Magandang Balita Tungkol sa Panginoon – Dakilang Kapistahan

Abril

2 Abril: San Francisco ng Paula, ermitanyo – Malalaktawang Paggunita
4 Abril: San Isidro, obispo at pantas ng simbahan – Malalaktawang Paggunita
5 Abril: San Vincente Ferrer, pari – Malalaktawang Paggunita
7 Abril: San Juan Bautista de la Salle, pari – Paggunita
11 Abril: San Stanislaus, obispo at martir – Paggunita
13 Abril: San Martin I, papa at martir – Malalaktawang Paggunita
21 Abril: San Anselmo, obispo at pantas ng simbahan – Malalaktawang Paggunita
23 Abril: San Jorge, martir; o di kaya’y San Adalberto, obispo at martir – Malalaktawang Paggunita
24 Abril: San Fidel ng Sigmaringen, pari at martir – Malalaktawang Paggunita
25 Abril: San Marcos, Manunulat ng Mabuting Balita – Kapistahan
28 Abril: San Pedro Chanel, pari at martir; o di kaya’y San Luis Grignon de Montfort, pari – Malalaktawang Paggunita
29 Abril: Santa Catarina ng Siena, dalaga at pantas ng simbahan – Paggunita
30 Abril: San Pio V, papa – Malalaktawang Paggunita

Mayo

1 Mayo: San Jose Manggagawa – Malalaktawang Paggunita
2 Mayo: San Atanasio, obispo at pantas ng simbahan – Paggunita
3 Mayo: San Felipe at Santiago, mga apostol – Kapistahan
10 Mayo: San Juan ng Ávila^[3], pari at pantas ng simbahan – Malalaktawang Paggunita
12 Mayo: San Nereo at Achiles, mga martir; o di kaya’y San Pancras, martir – Malalaktawang Paggunita
13 Mayo: Ang Birheng Maria ng Fatima – Malalaktawang Paggunita
14 Mayo: San Matias, Apostol – Kapistahan
18 Mayo: San Juan I, papa at martir – Malalaktawang Paggunita
20 Mayo: San Bernardino ng Siena, pari – Malalaktawang Paggunita
21 Mayo: San Cristobal Magallanes at kasamahan, mga martir – Malalaktawang Paggunita
22 Mayo: Santa Rita ng Cascia – Malalaktawang Paggunita
25 Mayo: Lubhang Iginagalang na San Beda, pari at pantas ng simbahan; o di kaya’y San Gregorio VII, papa; o di kaya’y Santa Maria Magdalena ng Pazzi, dalaga – Malalaktawang Paggunita
26 Mayo: San Felipe Neri, pari – Paggunita
27 Mayo: San Agustin ng Kanterberi , obispo – Malalaktawang Paggunita
29 Mayo: San Pablo VI, papa – Malalaktawang Paggunita
31 Mayo: Pagdalaw ng Mahal na BIrheng Maria– Kapistahan
- Lunes makalipas ang Pentekostes: Ang Birheng Maria, Ina ng Sambayanan – Paggunita
- Unang Linggo makalipas ang Pentekostes: Ang Banal na Santatlo – Dakilang Kapistahan
- Huwebes makalipas ang Pista ng Banal na Santatlo, o di kaya’y, sa susunod na LInggo: Ang Kabanal-banalang Katawan at Dugo ni Kristo – Dakilang Kapistahan

Hunyo

1 Hunyo: San Justino Martir – Paggunita
2 Hunyo: San Marcellino at Pedro, mga martir – Malalaktawang Paggunita
3 Hunyo: San Carlos Lwanga at kasamahan, mga martir – Paggunita
5 Hunyo: San Bonifacio, obispo at martir – Paggunita
6 Hunyo: San Norberto, obispo – Malalaktawang Paggunita
9 Hunyo: San Epfren, diakono at pantas ng simbahan – Malalaktawang Paggunita
11 Hunyo: San Bernabe, Apostol – Paggunita
13 Hunyo: San Antonio de Padua, pari at pantas ng simbahan – Paggunita
19 Hunyo: San Romualdo, abad – Malalaktawang Paggunita
21 Hunyo: San Aloysio Gonzaga, relihiyoso – Paggunita
22 Hunyo: San Paulino ng Nola, obispo; o di kaya’y San Juan Fisher, obispo at martir, at Thomas More, martir – Malalaktawang Paggunita
24 Hunyo: Kapanganakan ni San Juan Bautista – Dakilang Kapistahan
27 Hunyo: San Cirilio ng Alejandria, obispo at pantas ng simbahan – Malalaktawang Paggunita
28 Hunyo: San Ireneo, obispo at martir – Paggunita
29 Hunyo: San Pedro at Pablo, mga apostol – Dakilang Kapistahan
30 Hunyo: Mga Unang Martir ng Banal na Sambayanan ng Diyos sa Roma – Malalaktawang Paggunita
- Biyernes kasunod ng Ikalawang Linggo pagka-Pentekostes: Ang Kamahal-mahalang Puso ni Hesus – Dakilang Kapistahan
- Sabadong kasunod ng Ikalawang Linggo Pagka-Pentekostes: Kalinis-linisang Puso ni Maria – Paggunita

Hulyo

3 Hulyo: Santo Tomas, Apostol – Kapistahan
4 Hulyo: Santa Isabel ng Portugal – Malalaktawang Paggunita
5 Hulyo: San Anthonio Zaccaria, pari – Malalaktawang Paggunita
6 Hulyo: Santa Maria Goretti, dalaga at martir – Malalaktawang Paggunita
9 Hulyo: San Agustin Zhao Rong at kasamahan, mga martir – Malalaktawang Paggunita
11 Hulyo: San Benito, abad – Paggunita
13 Hulyo: San Enrico – Malalaktawang Paggunita
14 Hulyo: San Camillo de Lellis, pari – Malalaktawang Paggunita
15 Hulyo: San Buenaventura, obispo at pantas ng simbahan – Paggunita
16 Hulyo: Ang Birheng Maria ng Carmelo – Malalaktawang Paggunita
20 Hulyo: San Apollnario, obispo at martir – Malalaktawang Paggunita
21 Hulyo: San Lorenzo ng Brindisi, pari at pantas ng simbahan – Malalaktawang Paggunita
22 Hulyo: Santa Maria Magdalena – Kapistahan
23 Hulyo: Santa Brigida, relihiyoso – Malalaktawang Paggunita
24 Hulyo: San Sharbel Makhlūf, pari – Malalaktawang Paggunita
25 Hulyo: Santiago Apostol – Kapistahan
26 Hulyo: San Joaquin at Ana – Paggunita
29 Hulyo: Santa Marta, Maria at Lazaro^[4] – Paggunita
30 Hulyo: San Pedro Crisologo, obispo at pantas ng Simbahan – Malalaktawang Paggunita
31 Hulyo: San Ignacio ng Loyola, pari – Paggunita

Agosto

1 Agosto: San Alfonso Maria de Liguori, obispo at pantas ng simbahan – Paggunita
2 Agosto: San Eusebio ng Vercelli, obispo; o di kaya’y San Pedro Julian Eymard, pari – Malalaktawang Paggunita
4 Agosto: San Juan Vianney (Ang Kura ng Ars), pari – Paggunita
5 Agosto: Pagtatalaga sa Palasyong Simbahan ni Santa Mariang Birhen – Malalaktawang Paggunita
6 Agosto: Ang Pagbabagong-anyo ni Hesus – Kapistahan
7 Agosto: San Sixto II, papa, at kasamahan, mga martir; o di kaya’y San Cayetano, pari – Malalaktawang Paggunita
8 Agosto: Santo Domingo, pari – Paggunita
9 Agosto: Santa Teresa Benedicta (Edith Stein), dalaga at martir – Malalaktawang Paggunita
10 Agosto: San Lorenzo, diakono at martir – Kapistahan
11 Agosto: Santa Clara, dalaga – Paggunita
12 Agosto: San Juana Francisca de Chantal, relihiyoso – Malalaktawang Paggunita
13 Agosto: San Pontian, papa, at Hipolito, pari, mga martir – Malalaktawang Paggunita
14 Agosto: San Maximilian Maria Kolbe, pari at martir – Paggunita
15 Agosto: Pag-aakyat sa Mahal na Birheng Maria – Dakilang Kapistahan
16 Agosto: San Esteban ng Hungaria – Malalaktawang Paggunita
19 Agosto: San Juan Eudes, pari – Malalaktawang Paggunita
20 Agosto: San Bernardo ng Clairvaux, abad at pantas ng simbahan – Paggunita
21 Agosto: San Pio X, papa – Paggunita
22 Agosto: Pagka-reyna ng Mahal na Birheng Maria – Paggunita
23 Agosto: Santa Rosa de Lima, dalaga – Malalaktawang Paggunita
24 Agosto: San Bartolome, apostol – Kapistahan
25 Agosto: San Luis o di kaya’y San Jose ng Calasanz, pari – Malalaktawang Paggunita
27 Agosto: Santa Monica – Paggunita
28 Agosto: San Agustin ng Hippona, obispo at pantas ng simbahan – Paggunita
29 Agosto: Pagkamatay ni San Juan Bautista, martir – Paggunita

Setyembre

3 Setyembre: San Gregoriong Dakila, papa at pantas ng simbahan – Paggunita
8 Setyembre: Kapanganakan ng Mahal na Birheng Maria – Kapistahan
9 Setyembre: San Pedro Claver, pari – Malalaktawang Paggunita
12 Setyembre: Kabanal-banalang Ngalan ni Maria – Malalaktawang Paggunita
13 Setyembre: San Juan Crisostomo, obispo at pantas ng simbahan – Paggunita
14 Setyembre: Pagtatampok sa Krus na Banal – Kapistahan
15 Setyembre: Ang Birheng Maria, Ina ng Hapis – Paggunita
16 Setyembre: San Cornelius, papa, at Ciprian, obispo, mga martir – Paggunita
17 Setyembre: San Roberto Belarmino, obispo at pantas ng simbahan; o di kaya’y Santa Hildegarda ng Bingen^[3], dalaga at pantas ng simbahan – Malalaktawang Paggunita
19 Setyembre: San Januario, obispo at martir – Malalaktawang Paggunita
20 Setyembre: San Andres Kim Taegon, pari, Pablo Chong Hasang, at kasamahan, mga martir – Paggunita
21 Setyembre: San Mateo, Apostol at Manunulat ng Mabuting Balita – Kapistahan
23 Setyembre: San Pio ng Pietrelcina (Padre Pio), pari – Paggunita
26 Setyembre: San Cosme at Damian, mga martir – Malalaktawang Paggunita
27 Setyembre: San Vicente de Paul, pari – Paggunita
28 Setyembre: San Wenceslao, martir; o di kaya’y San Lorenzo Ruiz at kasamahan, mga martir – Malalaktawang Paggunita
29 Setyembre: San Miguel, Gabriel, at Raphael, Mga Arkanghel – Kapistahan
30 Setyembre: San Geronimo, pari at pantas ng simbahan – Paggunita

Oktubre

1 Oktubre: Santa Teresita ng Batang Hesus, dalaga at pantas ng simbahan – Paggunita
2 Oktubre: Mga Anghel na Taga-tanod – Paggunita
4 Oktubre: San Francisco ng Assisi – Paggunita
5 Oktubre: Santa Faustina Kowalska^[5], dalaga – Malalaktawang Paggunita
6 Oktubre: San Bruno, pari – Malalaktawang Paggunita
7 Oktubre: Ang Birhen ng Santo Rosaryo – Paggunita
9 Oktubre: San Dionisio at kasamahan, mga martir; o di kaya’y San Juan Leonardo, pari – Malalaktawang Paggunita
11 Oktubre: San Juan XXIII^[6], papa – Malalaktawang Paggunita
14 Oktubre: San Calisto I, papa at martir – Malalaktawang Paggunita
15 Oktubre: Santa Teresa de Jesus, dalaga at pantas ng simbahan – Paggunita
16 Oktubre: Santa Eduvigis (Heidi), relihiyoso; o di kaya’y Santa Margarita Maria Alacoque, dalaga – Malalaktawang Paggunita
17 Oktubre: San Ignacio ng Antioquia, obispo at martir – Paggunita
18 Oktubre: San Lukas, Manunulat ng Mabuting Balita – Kapistahan
19 Oktubre: Sans Jean de Brébeuf, Isaac Jogues, mga pari at mga martir, at kanilang kasamahan, mga martir; o di kaya’y San Pablo dela Cruz, pari – Malalaktawang Paggunita
22 Oktubre: San Juan Pablo II^[6], papa – Malalaktawang Paggunita
23 Oktubre: San Juan ng Capistrano, pari – Malalaktawang Paggunita
24 Oktubre: San Antonio Maria Claret, obispo – Malalaktawang Paggunita
28 Oktubre: San Simon at San Judas Tadeo, mga apostol – Kapistahan

Nobyembre

1 Nobyembre: Lahat ng mga Banal – Dakilang Kapistahan
2 Nobyembre: Paggunita sa Lahat ng mga Kaluluwa – kahanay ng Dakilang Kapistahan
3 Nobyembre: San Martin de Pores, relihiyoso – Malalaktawang Paggunita
4 Nobyembre: San Carlos Borromeo, obispo – Paggunita
9 Nobyembre: Pagtatalaga sa Palasyong Simbahan ng San Juan, Letran sa Roma – Kapistahan
10 Nobyembre: Dakilang Papa San Leon , papa at pantas ng simbahan – Paggunita
11 Nobyembre: San Martin ng Tours, obispo – Paggunita
12 Nobyembre: San Josafat, obispo at martir – Paggunita
15 Nobyembre: Dakilang San Alberto, obispo at pantas ng simbahan – Malalaktawang Paggunita
16 Nobyembre: Santa Margarita ng Escosia, o di kaya’y Santa Gertrudis, dalaga – Malalaktawang Paggunita
17 Nobyembre: Santa Isabel ng Unggaria, relihiyoso – Paggunita
18 Nobyembre: Pagtatalaga sa Palasyong Simbahan nina San Pedro at San Pablo, mga apostol – Malalaktawang Paggunita
21 Nobyembre: Pagdadala sa Mahal na Birhen sa Templo – Paggunita
22 Nobyembre: Santa Ceciia – Paggunita
23 Nobyembre: San Clemente I, papa at martir; o di kaya’y San Columbano, abad – Malalaktawang Paggunita
24 Nobyembre: San Andres Dung-Lac at kasamahan, mga martir – Paggunita
25 Nobyembre: Santa Catalina ng Alejandria – Malalaktawang Paggunita
30 Nobyembre: San Andres, apostol – Kapistahan
- Huling Linggo ng Nobyembre: Ang Ating Panginoong Hesukristo, Hari ng Sansinukob – Dakilang Kapistahan

Disyembre

3 Disyembre: San Francisco Javier, pari – Paggunita
4 Disyembre: San Juan Damasco, pari at pantas ng simbahan – Malalaktawang Paggunita
6 Disyembre: San Nicolas, obispo – Malalaktawang Paggunita
7 Disyembre: San Ambrosio, obispo at pantas ng simbahan – Paggunita
8 Disyembre: Ang Kalinis-linisang Paglilihi sa Mahal na Birheng Maria – Dakilang Kapistahan
9 Disyembre: San Juan Diego – Malalaktawang Paggunita
10 Disyembre: Ang Birheng Maria ng Loreto – Malalaktawang Paggunita
11 Disyembre: San Damaso I, papa – Malalaktawang Paggunita
12 Disyembre: Ang Birheng Maria ng Guadalupe – Malalaktawang Paggunita
13 Disyembre: Santa Lucia, dalaga at martir – Paggunita
14 Disyembre: San Juan dela Cruz, pari at pantas ng simbahan – Paggunita
21 Disyembre: San Pedro Canisio, pari at pantas ng simbahan – Malalaktawang Paggunita
23 Disyembre: San Juan de Kety, pari – Malalaktawang Paggunita
25 Disyembre: Ang Kapangakan ng Ating Panginoong Hesukristo (Pasko ng Pagsilang) – Dakilang Kapistahan
26 Disyembre: San Esteban, Unang Martir – Kapistahan
27 Disyembre: San Juan, Apostol at Manunulat ng Mabuting Balita – Kapistahan
28 Disyembre: Ang Mga Banal na Sanggol na Walang Malay, mga martir – Kapistahan
29 Disyembre: Santo Tomas Becket, obispo at martir – Malalaktawang Paggunita
31 Disyembre: San Sylvestre I, papa – Malalaktawang Paggunita
- Linggo sa Loob ng Walong Araw na Pagdiriwang ng Pasko ng Pagsilang (o di kaya’y, kung walang ganitong Linggo, sa ika- 30 Disyembre): Ang Banal na Mag-anak, Hesus, Maria at Jose – Kapistahan

Mga Pambansang Kalendaryo

Pilipinas

Ikatlong Linggo ng Enero: Santo Niño (Ang Batang Hesus) – Kapistahan
6 Pebrero: San Pedro Bautista, Pablo Miki at kasamahan, mga martir – Paggunita
2 Abril (kung ito'y matatapat sa Linggo ng Kwaresma o sa Mahal na Araw, ang Sabado na sinundan nito): San Pedro Calungsod, martir – Paggunita
15 Mayo: San Isidro (Labrador) – Paggunita
Huwebes kasunod ng Penteksotes: Ang Ating Panginoong Hesukristo, Dakila at Walang Hanggang Pari – Paggunita (sa ibang diosesis, ito'y Kapistahan)
16 Agosto: San Roque – Paggunita
19 Agosto: San Ezekiel Moreno, obispo – Malalaktawang Paggunita
23 Agosto: Santa Rosa de Lima, dalaga at ikalawang pintakasi ng bansang Pilipinas – Paggunita
28 Setyembre: San Lorenzo Ruiz at kasamahan, mga martir – Paggunita
Miyerkules makalipas ang Dakilang Kapistahan ng Kristong Hari: Misa Para sa Mga Pinag-uusig na Kristyano
8 Disyembre: Ang Kalinis-linisang Paglilihi sa Mahal na Birheng Maria, Pangunahing Pintakasi ng Bansang Pilipinas ** – Dakilang Kapistahan (Pistang Pangilin)

** Ang araw na ito ay Araw ng Pasasalamat ng Bansang Pilipinas

12 Disyembre: Ang Birheng Maria ng Guadalupe, Makalangit na Pintakasi ng Bansang Pilipinas – Paggunita

Mga Sanggunian

↑ ANG MGA PANGKALAHATANG PATAKARAN TUNGKOL SA TAON NG LITURHIYA AT TUNGKOL SA KALENDARYO, Banal na Kalipunan Para sa Gawi sa Pagsamba, ika-21 ng Marso 1969; matatagpuan din ito sa "Ang Aklat ng Pamimisa sa Roma", 1981
↑ ANG MGA PANGKALAHATANG PATAKARAN TUNGKOL SA TAON NG LITURHIYA AT TUNGKOL SA KALENDARYO, Banal na Kalipunan Para sa Gawi sa Pagsamba, ika-21 ng Marso 1969; matatagpuan din ito sa "Ang Aklat ng Pamimisa sa Roma", 1981
↑ ^3.0 ^3.1 ^3.2 Congregation for Divine Worship and Discipline of the Sacraments. (2021, January 25). DECREE on the Inscription of the Celebrations of Saint Gregory of Narek, Abbot and Doctor of the Church, Saint John De Avila, Priest and Doctor of the Church and Saint Hildegard of Bingen, Virgin and Doctor of the Church, in the General Roman Calendar (25 January 2021). The Holy See. https://www.vatican.va/roman_curia/congregations/ccdds/documents/rc_con_ccdds_doc_20210125_decreto-dottori_en.html
↑ Congregation For Divine Worship And Discipline Of The Sacraments. (2021, January 26). DECREE on the Celebration of Saints Martha, Mary and Lazarus in the General Roman Calendar (26 January 2021). The Holy See. https://www.vatican.va/roman_curia/congregations/ccdds/documents/rc_con_ccdds_doc_20210126_decreto-santi_en.html
↑ Congregation for Divine Worship and Discipline of the Sacraments. (2020, May 18). Decree on the inscription of the celebration of Saint Faustina Kowalska, virgin, in the General Roman Calendar (18 May 2020). The Holy See. https://www.vatican.va/roman_curia/congregations/ccdds/documents/rc_con_ccdds_doc_20200518_decreto-celebrazione-santafaustina_en.html
↑ ^6.0 ^6.1 Congregation for Divine Worship and Discipline of the Sacraments. (2014, May 29). Decree concerning the inscription of the Saints John XXIII and John Paul II in the General Roman Calendar (29 May 2014). The Holy See. https://www.vatican.va/roman_curia/congregations/ccdds/documents/rc_con_ccdds_doc_20140529_decreto-calendario-generale-gxxiii-gpii_en.html

[1] ANG MGA PANGKALAHATANG PATAKARAN TUNGKOL SA TAON NG LITURHIYA AT TUNGKOL SA KALENDARYO, Banal na Kalipunan Para sa Gawi sa Pagsamba, ika-21 ng Marso 1969; matatagpuan din ito sa "Ang Aklat ng Pamimisa sa Roma", 1981

[2] ANG MGA PANGKALAHATANG PATAKARAN TUNGKOL SA TAON NG LITURHIYA AT TUNGKOL SA KALENDARYO, Banal na Kalipunan Para sa Gawi sa Pagsamba, ika-21 ng Marso 1969; matatagpuan din ito sa "Ang Aklat ng Pamimisa sa Roma", 1981

[:0-3] 3.0 ^3.1 ^3.2 Congregation for Divine Worship and Discipline of the Sacraments. (2021, January 25). DECREE on the Inscription of the Celebrations of Saint Gregory of Narek, Abbot and Doctor of the Church, Saint John De Avila, Priest and Doctor of the Church and Saint Hildegard of Bingen, Virgin and Doctor of the Church, in the General Roman Calendar (25 January 2021). The Holy See. https://www.vatican.va/roman_curia/congregations/ccdds/documents/rc_con_ccdds_doc_20210125_decreto-dottori_en.html

[4] Congregation For Divine Worship And Discipline Of The Sacraments. (2021, January 26). DECREE on the Celebration of Saints Martha, Mary and Lazarus in the General Roman Calendar (26 January 2021). The Holy See. https://www.vatican.va/roman_curia/congregations/ccdds/documents/rc_con_ccdds_doc_20210126_decreto-santi_en.html

[5] Congregation for Divine Worship and Discipline of the Sacraments. (2020, May 18). Decree on the inscription of the celebration of Saint Faustina Kowalska, virgin, in the General Roman Calendar (18 May 2020). The Holy See. https://www.vatican.va/roman_curia/congregations/ccdds/documents/rc_con_ccdds_doc_20200518_decreto-celebrazione-santafaustina_en.html

[:1-6] 6.0 ^6.1 Congregation for Divine Worship and Discipline of the Sacraments. (2014, May 29). Decree concerning the inscription of the Saints John XXIII and John Paul II in the General Roman Calendar (29 May 2014). The Holy See. https://www.vatican.va/roman_curia/congregations/ccdds/documents/rc_con_ccdds_doc_20140529_decreto-calendario-generale-gxxiii-gpii_en.html

[1]

[2]

[3]

[4]

[5]

[6]