Arkadiy Krakovetskiy
| Arkadiy Krakovetskiy rus. Аркадий Антонович Краковецкий ukr. Аркадій Антонович Краковецький  | ||||
| ||||
|---|---|---|---|---|
| aña qädär: | wazıyfa buldırılğan | |||
| däwamçısı: | Mixail Kobetskiy | |||
| ||||
| Firqä: | _electoral_symbol,_November_1917_election.svg){kind=small} Eserlar firqäse | |||
| Belem: | Oröl kadet korpusı | |||
| Tuu: | 28 avgust 1884 | |||
| Tuu urını: | Räsäy imperiäse, Xarkov | |||
| Ülem: | 2 dekäber 1937 (53 yäş) | |||
| Ülem urını: | SSRB, Mäskäw | |||
| Xärbi xezmät | ||||
| İälek: |  Räsäy imperiäse | |||
| Däräcä: | podpolkovnik | |||
.svg)
.svg)
Arkadiy Krakovetskiy, Arkadiy Anton ulı Krakovetskiy (rus. Аркадий Антонович Краковецкий, ref. qäd. Аркадій Антоновичъ Краковецкій, ukr. Аркадій Антонович Краковецький; 1884 yılnıñ 28 avgustı, Rİ, Xarkov gubernası, Xarkov — 1937 yılnıñ 2 dekäbre, SSRB, RSFSR, Mäskäw) — sovet säyäsi, xärbi häm firqä eşleklese. Eserlar firqäse, annarı 1922 yıldan RKF(b) äğzası. Watanaşlar suğışı waqıtında — avtonomiäle Seberneñ Waqıtlı xökümäteneñ xärbi ministrı, soñraq Vladivostok Kolçakqa qarşı kütäreleşe citäkçeläreneñ berse. Sovet xakimiäten qabul itep, eserlar protsessında ğäyepläw şahitı bulıp çığış yasağan. Annarı diplomatik eştä. Albaniä cömhüriätendä SSRBnıñ berençe ilçese.
Biografiäse
[үзгәртү | вики-текстны үзгәртү]Oröl kadet korpusın (1902), Mixail artilleriä uquxanäsen (1905) tämamlağan. Räsäy imperiäse armiäse podporuçigı, 1905 yıldan eserlar firqäse äğzası. 1905 yılğı inqilabta aktiv qatnaşuçı. Yäşeren ofitserlar inqilabi oyışmasınıñ äğzası. Yäşeren inqilabi eştä qatnaşqan.
1907 yılnıñ dekäbrendä qulğa alınğan, Varşavadağı Tsitadel nığıtmasında bulğan, 1909 yılda sigez yılğa katorga eşlärenä xökem itelgän. 1909 yılda Lomjada, 1910—1911 yıllarda Tubıl sentralında, 1912—1916 yıllarda Aleksandrovskoye sentralında cäzasın ütkän. 1916—1917 yıllarda İrkutskida sörgendä bulğan.
1917 yılda Waqıtlı xökümät tarafınnan amnistiälängän häm «yäştäşläre belän çağıştıru öçen» podpolkovnik däräcäsenä kütärelgän; İrkutsk xärbi okrugı ğäskärläre belän komandalıq itkän. Rumıniä frontınnan eser isemlege buyınça Bötenräsäy oyıştıru cıyılışı deputatı itep saylanğan.
1917—1918 yıllarnıñ qışında Ukraina territoriäsendä Seber armiäsen buldırırğa tırışqan: Seber ölkä dumasın yaklaw maqsatınnan ul elekkege RİAnıñ Seber çastlärennän 50 meñgä qädär keşe oyıştıra alğan, ämmä qızıllarnıñ Kiyevnı basıp aluwı proyektnı alğa taba tormışqa aşıruğa qomaçawlağan[1]. 1918 yılnıñ ğinwarınnan avtonomiäle Seberneñ Waqıtlı xökümäteneñ xärbi ministrı wazifasın bilägän. 1918 yılnıñ iyülenä qädär şulay bulğan. 1918 yılnıñ 12 dekäbrendä İrkutsk şähäre komendantı idaräse qarşındağı uçötqa qabul itü belän 4-nçe Könçığış-Seber korpusı ştabı qarşındağı çinnar rezervına alınğan.
1919 yılnıñ noyäbrendä Radola Gayda belän bergä Vladivostok Kolçakqa qarşı kütäreleşe citäkçeläreneñ berse bulğan.
1922 yılda eserlar protsessında ğäyepläw şahitı bulıp çığış yasağan. 1922 yıldan RKF(b) äğzası, şul uq waqıtta RSFSR Çit eşlär xalıq komissariatı sistemasında eşli başlağan. Albaniädä tulı wäqälätle wäkil, annarı Mukdenda (Şenyañda) konsul bulğan.
1928 yıldan räsmi räweştä BDSİda eşlägän, iqtisadi idarä xezmätkäre bulğan, yalğan dokumentlar yasaw belän şöğellängän idarä sekretariatı qarşındağı maxsus büronı citäklägän.
BDSİdan eştän çığarudan soñ SSRB XSS qarşındağı rezervlar komitetınıñ 2-nçe bülege naçalnigı yärdämçese bulıp eşlägän. 1937 yılnıñ 7 mayında qulğa alınğan. 1937 yılnıñ 2 dekäbrendä SSRB YXXK tarafınnan terrorçılıq diversiä oyışmasında qatnaşuda häm şpionlıqta ğäyeplänep, yuğarı cäza çarasına xökem itelgän.
1957 yılnıñ iyünendä aqlanğan[2].
İskärmälär
[үзгәртү | вики-текстны үзгәртү]- ↑ Ларьков Н. С. Сибирская армия на Украине: неудавшийся проект // Сибирская старина : краеведческий альманах. — № 27. — С. 14—17. Архивировано из первоисточника 18 февраль 2023.
- ↑ Список жертв.
Sıltamalar
[үзгәртү | вики-текстны үзгәртү]- Советско-албанские отношения(үле сылтама)
