织田信长
| 日語表記 | |
|---|---|
| 日語原文 | 織田信長 |
| 假名 | おだ のぶなが |
| 羅馬字 | Oda Nobunaga |
织田信长(日文：織田 信長 假名：おだ のぶなが，1534年6月23号-1582年6月21号）是日本战国时代个贵族大名，伊出身东海道尾张国守护代织田信秀门下，是伊个大儿子。从小玩世不恭但权谋惊人。立在1560年，拿上洛个大大名今川义元杀脱（桶狭间合战)，之后，扶持足利义昭到畿内山城国京都，从此成为天下顶顶有权势个大名。之后十几年当中，屡次击败反对伊个大名，先后杀脱浅井长政、朝仓义景、武田胜赖等大大名，到1582年，已经统治日本本州岛个核心地区。伊欢喜颠覆传统，讨厌封建制，对天皇搭京都朝廷态度模棱两可，有传言讲伊想拿天皇废脱，自家当皇帝。弗过，伊个野心因为明智光秀个叛变灰飞烟灭，立在1582年6月个本能寺之变当中，织田信长死脱，伊个势力也遭到部将瓜分，最后羽柴秀吉胜出，成为新个天下人。
性取向
[编辑]织田信长是一个双性恋，死脱之前几年，邪气欢喜自家个内侍森兰丸，拿伊十几岁还弗剃头（剃头立在当时是男性成年个标志），日夜留宿。本能寺之变个辰光，两个人一道死脱。