Asya Manafova

Asya Manafova
Qusar Rayon İcra Hakimiyyətinin başçısı
1 noyabr 1991 – 25 dekabr 1991
Əvvəlki	vəzifə təsis edilib
Sonrakı	Nazim Süleymanov
Qusar Rayon Xalq Deputatları Sovetinin sədri
1990 – 1991
Əvvəlki	vəzifə təsis edilib
Azərbaycan Kommunist Partiyası Qusar Rayon Komitəsinin birinci katibi
mart 1990 – 14 sentyabr 1991
Əvvəlki	Ramazan Bədirov
Sonrakı	vəzifə ləğv edilib
Masallı Rayon Xalq Deputatları Soveti İcraiyyə Komitəsinin sədri
1981 – 1985
Sonrakı	İltifat Məmmədov
Şəxsi məlumatlar
Doğum tarixi	3 yanvar 1941(1941-01-03) (83 yaş)
Doğum yeri	Qusar, Qusar rayonu, Azərbaycan SSR, SSRİ
Partiya	Sovet İttifaqı Kommunist Partiyası, Yeni Azərbaycan Partiyası
Təhsili	Azərbaycan Dövlət Neft Akademiyasının Energetika fakültəsi
Fəaliyyəti	siyasətçi

Asya Sərdar qızı Manafova (3 yanvar 1941, Qusar) — Qusar Rayon İcra Hakimiyyətinin başçısı (1991), Azərbaycan Kommunist Partiyası Qusar Rayon Komitəsinin birinci katibi (1990–1991), Masallı Rayon Xalq Deputatları Soveti İcraiyyə Komitəsinin sədri (1981–1985).

Həyatı

Asya Sərdar qızı Manafova 3 yanvar 1941-ci ildə Qusarda anadan olmuşdur. Azərbaycan Dövlət Neft və Kimya İnstitutunu (1964), Moskvadakı İctimai Elmlər Akademiyasını (1979) bitirmişdir. Əmək fəaliyyətinə 1959-cu ildən başlamış, 1965-ci ildən Azərbaycan EA Elmi-Tədqiqat "Olefinlər" İn-tunda, təcrübə zavodunda, 1969-cu ildən Qusar şəhər sanitar-epidemioloji stansiyasında kimyaçı-mühəndis, laboratoriya müdiri, 1974-cü ildən Azərbaycan KP Qusar RK-nın katibi, 1979-cu ildən Azərbaycan KP MK-da məsul işçi, 1981-ci ildən Masallı Rayon İcraiyyə Komitəsinin sədri, 1990-cı ildən Azərbaycan KP Qusar RK-nın birinci katibi, Rayon Sovetinin sədri, İcra Hakimiyyətinin başçısı, 1992-ci ildə Azərbaycan. Respublikasının Əmək və Əhalinin Sosial Müdafiəsi Nazirliyində Şöbə rəisi işləmişdir..

Azərbaycan SSR Ali Sovetinin (12-ci çağırış) və Azərbaycan Respublikası Milli Məclisini (1 və 2-ci çağırış) deputatı. Milli Məclisin Təbii ehtiyatlar, energetika və ekologiya məsələləri daimi komissiyasının sədri (1995-ci ildən) olmuşdur.

Etnik ləzgidir.

Mükafatları

3 yanvar 1991-ci ildə Respublikanın partiya və sovet orqanlarında uzun illər fəal işlədiyinə görə Azərbaycan SSR-in Fəxri fərmanı ilə təltif edilmişdir.