Agelajoido

Kiel legi la taksonomion Agelajoido
Agelajoido, Agelaioides b. badius
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Ikteredoj Icteridae Genro: Agelaioides Specio: 'A. badius'
Dunomo
Agelaioides badius (Vieillot, 1819)
Konserva statuso
Konserva statuso: Malplej zorgiga
Aliaj Vikimediaj projektoj

Agelajoido aŭ Ruĝecflugila molotro (Agelaioides badius), estas paserina birdo de la familio de Ikteredoj kaj monotipa ene de la genro Agelaioides, sed ĝi estis tradicie enmetita en la genro Molothrus. Ĝi troviĝas en la norda duono de Argentino, Bolivio, Urugvajo, Paragvajo kaj suda kaj centra Brazilo, kun izolata populacio ankaŭ en nordorienta Brazilo. Tiu laste menciata populacio estas foje konsiderata separata specio, nome Pala molotro aŭ Pala agelajoido (Agelaioides fringillarius). La Agelajoido estis konstatita kiel vaganto en Ĉilio.

Aspekto kaj kutimaro

A. b. fringillarius.

Ĝi havas totalan longon de proksimume 18 cm. Ĝi estas supre grizbruna kun kontrastaj nigraj bridoj kaj ruĝecaj flugiloj. Plumoj de vostoj estas pli malhelbrunaj kaj same tiuj de flugiloj sed kun ruĝecaj bordoj. La taksono fringillarius havas pli da nigro en vizaĝo kaj estas supre pli ruĝeca (malpli griza).

Ĝi estas socia kaj komune vidata en malgrandaj grupoj. Malkiel la "veraj" molotroj de la genro Molothrus, tiu specio ne estas Nestoparazito. Kontraste la Krimolotro estas nestoparazito de la Agelajoido, kaj dum plenkreskaj Krimolotroj estas supre nigrecaj, junuloj de Krimolotroj similas al Agelajoido.

Habitato kaj statuso

Ĝi troviĝas en ampleksa gamo de duonmalfermaj habitatoj, inklude arbustaro kaj maldensa arbaro. La nordorienta taksono fringillarius troviĝas ĉefe en Kaatingo kaj Cerado. Ĝi estas ĝenerale tre komuna, kaj sekve ĝi estis konsiderata Malplej Zorgiga fare de la BirdLife International kaj IUCN.

Referencoj

• BirdLife International 2004. Agelaioides badius. 2006 IUCN Ruĝa Listo de Minacataj Specioj. Konsultita la 25an de Julio 2007.
• Ridgely, R. S.; & Tudor, G. (1989). The Birds of South America vol. 1 - The Oscine Passerines. Oxford University Press. ISBN 0-19-857217-4