Les mots Esperanto groupés selon le sens

Les Mots Esperanto : groupés selon le sens
	Les Mots Esperanto : groupés selon le sens
Aŭtoro	Marcel Bobin
Eldonjaro	1906
Urbo	Parizo
Eldoninto	Imprimerie Centrale Espérantiste
Paĝoj	160
	v • d • r

Les Mots Esperanto : groupés selon le sens estas Esperanta-franca vortareto kie la vortoj estas laŭteme grupigitaj. Ĝi estas verkita de Marcel Bobin en 1906. Reeldono okazis ĉe Imprimerie Centrale Espérantiste el Parizo en 1927.

Krom superrigardo de la precipaj Esperantaj lingvo-elementoj (prefiksoj, sufiksoj, tabelvortoj, pronomoj, prepozicioj, adverboj, konjunkcioj, interjekcioj), jenaj temoj estas pritraktitaj :

La individua vivo (la homa korpo, la farto kaj malsanoj, la manĝaĵoj, la vestoj kaj tualeto);
La familia vivo (la familio, la religio, la domo kaj meblaro, la mastraĵo kaj hejmaj uzaĵoj, la ludoj, sportoj kaj vojaĝoj);
La socia vivo (la ŝtato, la armeo, la urbo, la tagoj kaj monatoj, la komerco);
La intelekta vivo (la lernejo, la nombroj, la scienco, la literaturo kaj artoj, la animo);
La universala vivo (la ĉielo kaj atmosfero, la tero, la kampkulturo, la bestoj, la kreskaĵoj, la mineraloj, la industrio).

Finfine la libreto ankaŭ enhavas listeton de falsaj amikoj en Esperanto.

Recenzoj

„ La titolo klarigas la celon de l' libro: la diversaj esprimoj de la ĉiutaga vivo estas kunigitaj en diversaj kategorioj, bonege elektitaj kaj aranĝitaj ; la aŭtoro klasigis aparte (kaj prave) ia pronomojn, la prepoziciojn, kaj multegon da adverboj kaj adverbaj esprimoj. Ankaŭ mallonga klarigo de l’ diversaj afiksoj. Rekomendinda verko. ”

— La belga sonorilo - Numero 046, Junio (1906)

Vidu ankaŭ

	Portalo pri Lingvo
	Portalo pri Esperanto

Eksteraj ligiloj