UK 2020
| UK 2020 | ||
|---|---|---|
| Loko | Virtual | |
| Ekde | 1-a de aŭgusto 2020 | |
| Ĝis | 8-a de aŭgusto 2020 | |
| Oficiala retejo | esperanto2020 | |
| ← Antaŭa | Sekva → | |
La 105-a Universala Kongreso de Esperanto (UK) okazis unuafoje kiel Virtuala Kongreso de Esperanto, inter la 1-a kaj 8-a de aŭgusto 2020, kadre de la Monda Festivalo de Esperanto (MondaFest’ 2020). Ĝi estis la unua plene Virtuala Kongreso, tiel organizita pro la Kronvirusa pandemio de 2019-2020. [1]
La Kongreso estis planita por la samaj datoj (1-a ĝis 8-a de aŭgusto 2020) en Montrealo (Kanado). Pro la pandemio UEA decidis transigi la kongreson en Kanado ĝis 2022.
Planoj por ĉeesta kongreso
[redakti | redakti fonton]La Kanada Esperanto-Asocio (KEA) estis la invitanto kaj Esperanto-Societo Kebekia (ESK) estis la loka organiza forto de la evento. La lasta fojo, kiam la Universala Kongreso okazis en Kanado, estis en 1984 en Vankuvero, kaj la lasta fojo, kiam la UK okazis en la orienta parto de Nord-Ameriko, estis en 1910 en Vaŝingtono (Usono). Pro la kronvirusa pandemio, UEA decidis prokrasti la eventon ĝis 2022.[2] 824 homoj el 57 landoj aliĝis antaŭ la nuligo.[3]
Organiza teamo
[redakti | redakti fonton]La kerna teamo de la (poste nuligita) ĉeesta kongreso konsistis el ses lokanoj:
- Normand Fleury, la prezidanto de Esperanto-Societo Kebekia (ESK), kiun UEA honoris pro la elstara agado dum la solena fermo de la 102-a UK en Seulo (Sud-Koreujo), estis la LKK-estro.
- Nicolas Viau, vicprezidanto de ESK, estis ankaŭ la vicprezidanto de la LKK.
- Joel Amis, la antaŭa ekzekutiva direktoro de Esperantic Studies Foundation (ESF), estis alia vicprezidanto de la LKK, kiu ankaŭ okupiĝis pri la rilatoj kun la kongresejo.
- Garry Evans, profesia ekonomikisto, estis la kasisto.
- Suzanne Roy (Suzano la Dua), la respondeculo pri ekskursoj
- Eugenia Amis, redaktoro de La Riverego kaj antaŭa redaktoro de Kontakto, okupiĝis pri la rilatoj kun esperantistoj kaj zorgis pri komunikado.
Internacia Kongreso pri Esperanto kaj Edukado
[redakti | redakti fonton]La antaŭan semajnon (25 julio – 1 aŭgusto) estis okazonta la Internacia Kongreso pri Esperanto kaj Edukado kun ILEI en Kebekurbo, kiu fine estis ankaŭ nuligita kaj transiris al virtuala formato.
Virtuala Kongreso
[redakti | redakti fonton]Vidu: Virtuala Kongreso de Esperanto.
Referencoj
[redakti | redakti fonton]Vidu ankaŭ
[redakti | redakti fonton]Eksteraj ligiloj
[redakti | redakti fonton]- Oficiala retejo
- UK 2020 ĉe Facebook
- UK 2020 ĉe Instagram
- Esperanto-Societo Kebekia (ESK)
- Intervjuo kun la LKK (29-a de julio 2017) Arkivigite je 2017-07-30 per la retarkivo Wayback Machine
- La Riverego (bulteno de ESK) Arkivigite je 2017-07-30 per la retarkivo Wayback Machine
 |
Universalaj Kongresoj |
|
|---|---|---|
| 1905-1915 • 1920-1939 • 1940-1980 • 1981-2010 | ||
| Florenco 2006 • Jokohamo 2007 • Roterdamo 2008 • Bjalistoko 2009 • Havano 2010 | ||
| Kopenhago 2011 • Hanojo 2012 • Rejkjaviko 2013 • Bonaero 2014 • Lillo 2015 | ||
| Nitro 2016 • Seulo 2017 • Lisbono 2018 • Lahti 2019 • kronvirusa pandemio | ||
| kronvirusa pandemio • Montrealo 2022 • Torino 2023 • Aruŝo 2024 • Brno 2025 | ||