Ekonomio di Bulgaria
| Ekonomio di Bulgaria | ||
|---|---|---|
| Pekunio | Lev | |
| Internaciona organizuri | MOK, Europana Uniono, OSCE, BSEC | |
| Statistiki [1] | ||
| Totala nacionala produkturo (TNP) | US$ 155,06 miliardi (2020) | |
| Rango TNP | 74ma[2] maxim granda | |
| Kresko di TNP | 3,39% (2020) | |
| TNP po persono | US$ 22 400 | |
| TNP segun sektoro | agrokultivo 4,3%, industrio 28%, servadi 67,4% (2017) | |
| Inflaciono | 3,1% (2019) | |
| Habitantaro sub la povreso-lineo | 23,8% (2019) | |
| Laboro-povo | 3 113 000 (2020) | |
| Laboro-povo segun okupado | agrokultivo 6,8%, industrio 26,6%, servadi 66,6% (2016) | |
| Chomeso | 5,66% (2018) | |
| Komercala parteneri [1] | ||
| Exportaci (US$) | 39,27 miliardi (2020) | |
| Precipua parteneri | Germania 16%, Rumania 8%, Italia 7%, Turkia 7%, Grekia 6% (2019) | |
| Importaci (US$) | 38,07 miliardi (2020) | |
| Precipua parteneri | Germania 11%, Rusia 9%, Italia 7%, Rumania 7%, Turkia 7% (2019) | |
| Publika financi [1] | ||
| Extera debo | 39 059 milioni (2019) | |
| Revenuo totala (US$) | 20,35 miliardi (2017) | |
| Spenso totala (US$) | 19,35 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Bulgaria membreskis Europana Uniono ye la 1ma di januaro 2007. Lua ekonomio restis stabila de 1996 til 2009, e lua totala nacionala produkturo kreskis mezavalore 6% omnayare en ta periodo, pro direta extera kolokadi.[1] En 2009 l'extera krizo afektis la kresko dil TNP, qua deskreskis cirkume 5% ta yaro,[1] tamen l'ekonomio rapide durigis kreskar. Korupto en la publik administrado, febla judiciala sistemo e l'organizita krimino duras jenar l'extera kolokado e l'ekonomiala expekti.[1]
Importanta industrial agadi por la lando esas la rafino di minerali (nome karbono, kupro e zinko) e la produktado di stalo. Bulgaria mankas jaceyi di petrolo, e bezonas importacar ol. Dum recenta yari, turismo divenabas importanta fonto di revenui: en 2017 cirkume 12 milion turisti vizitis la lando,[3] di qui cirkume la duimo venas de 5 landi: Grekia, Rumania, Turkia, Germania e Rusia.[4]
En mayo 2014, Bulgaria ja satisfacis 4 ek la 5 kriterii por adoptar l'Euro kom monetaro. En januaro 2018 la chefministro Boyko Borisov anuncis ke la lando intencis adoptar en julio ta yaro la 2ma fazo dil Mekanismo di Kurso di Kambio Europana (Angle: European Exchange Rate Mechanism II)[5][6]. Ye la 10ma di julio 2020, la kurso di kambio inter Euro e lev establisesis en €1 = BGN 1,95583.[7]
Agrokultivo
[redaktar | redaktar fonto]Agrokultivala produktado diminutis pos 1989, ma dum recenta yari on durigis kreskar e, kun l'industrio di nutrivi, ol reprezentas importanta sektoro del ekonomio di la lando. Bulgaria nune havas cirkume 150.000 traktori ed altra equipuri por agrokultivo. Lua precipua agrokultivala vari esas semini di helianto, frambo, tabako, pipro e lino.
Referi
[redaktar | redaktar fonto]- ↑ 1,0 1,1 1,2 1,3 Bulgaria - The World Factbook - Publikigita da CIA. URL vidita ye 7ma di aprilo 2022. Idiomo: Angla.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Worldbank Tourism in Bulgaria - URL vidita ye 1ma di agosto 2017.
- ↑ Turismo en Bulgaria (Januaro-Decembro 2014) Nacionala Instituto pri Statistiko Bulgara
- ↑ https://web.archive.org/web/20190705225348/https://www.consilium.europa.eu//media/36111/letter-by-bulgaria-on-erm-ii-participation.pdf
- ↑ Statement on Bulgaria's path towards ERM II participation URL vidita ye 12ma di julio 2018.
- ↑ Bulgaria, Croatia take vital step to joining euro - Publikigita da Reuters. Dato di publikigo: 10ma di julio 2020. Idiomo: Angla.