विकिपिडियामा स्वागत छ!

यो एक स्वतन्त्र विश्वकोश हो जसलाई सबैले सम्पादन गर्न सक्छन्।
नेपाली भाषामा कुल ३०,८०६ लेखहरू सङ्ग्रहित छन्।

आज: २७ पुष, २०८१ (आइतबार); नेस: ०१:२६

प्रमुख लेख

देवनागरी लिपि अथवा नागरी लिपि बायाँ देखि दायाँ सम्म लेखिने अक्षरात्मक लिपिमा आधारित एक प्राचीन ब्राह्मी लिपि हो। यसको प्रयोग भारतीय उपमहाद्वीपमा हुने गर्दछ। यसको विकास प्राचीन भारतमा पहिलो देखि चौथो शताब्दीको बीचमा भएको थियो भने यसको प्रयोग सातौँ शताब्दी देखी हुँदै आएको छ। देवनागरी लिपिमा, ४७ वटा वर्णहरू हुन्छन् जसमा १४ वटा स्वरवर्ण र ३३ वटा व्यञ्जनवर्ण हुन्छन्। यो संसारमा सबैभन्दा बढी प्रयोग हुने लिपि मध्ये चौथो हो जहा यस लिपिमा १२० भन्दा बढी भाषाहरू लेखिन्छ। यो लिपि नेपाल र भारत गणतन्त्रको आधिकारिक लिपिहरू मध्ये एक हो।

मराठी, पाली, संस्कृत, हिन्दी, नेपाली, शेर्पा, प्राकृत, अपभ्रंश, अवधी, भोजपुरी, ब्रज भाषा, छत्तीसगढी, हरियाणवी, मगही, नागपुरी, राजस्थानी, भिली, डोगरी, मैथिली, कश्मीरी, कोङ्कणी, सिन्धी, बोडो, नेवारी, पन्जाबी, मुन्डारी र सन्थाली लगायतका भाषाहरूले देवनागरी लिपि एकमात्र लिपि वा दोस्रो लिपिको रूपमा प्रयोग गर्ने गर्दछन्। देवनागरी लिपि नन्दिनागरी लिपिसँग पनि मिल्दोजुल्दो रहेको छ जुन दक्षिण भारतका विभिन्न प्राचीन पाण्डुलिपिहरूमा भेट्ने गरिन्छ। यो विभिन्न दक्षिणपूर्वी एसियाली लिपिहरूसँग पनि सम्बन्धित छ। (पूरा पढ्नुहोस्...)

हालसालै प्रदर्शित:

के तपाईंलाई थाहा छ ...

... विश्वको सबैभन्दा लामो नदी नाइल नदी (चित्रित) को लम्बाइ ६६५० किलोमिटर छ?
... भानुभक्त आचार्यलाई नेपाली भाषाको आदिकवि भनेर चिनिन्छ?
... नेपाल मण्डलका मल्ल वंशका प्रथम राजा अरि मल्ल थिए?
... बर्माको नाम संस्कृत ब्रह्मदेशबाट आएको मानिन्छ?
... माछापुच्छ्रे हिमाल नेपालको सबैभन्दा अग्लो चुचुरो हो जुन अहिलेसम्म आरोहण भएको छैन?
... नयाँ दिल्ली भारतको राजधानी सहर हो?
... जगन्नाथ मन्दिर यसको वार्षिक रथयात्राको लागि प्रसिद्ध छ?
... संस्कृतले दक्षिण एसिया, दक्षिणपूर्वी एसिया र पूर्वी एसियाका भाषाहरूमा दिगो प्रभाव पारेको थियो?

प्रमुख समाचारहरू

जिमी कार्टर

अमेरिकाका पूर्व राष्ट्रपति तथा नोबेल शान्ति पुरस्कार विजेता जिम्मी कार्टर (चित्रित)को १०० वर्षको उमेरमा निधन भएको छ।
दक्षिण कोरियाको मुआन अन्तर्राष्ट्रिय विमानस्थलमा जेजु एयर उडान २२१६ दुर्घटना हुँदा १७९ जनाको मृत्यु भएको छ।
भारतीय पूर्व प्रधानमन्त्री मनमोहन सिंहको ९२ वर्षको उमेरमा निधन भएको छ।
डोनाल्ड ट्रम्प अमेरिकाको राष्ट्रपतिमा निर्वाचित भएका छन् र रिपब्लिकन पार्टीले अमेरिकी सिनेटमा बहुमत हासिल गरेको छ।
बङ्गलादेशमा सरकार विरोधी आन्दोलन उत्कर्षमा पुगेपछि प्रधानमन्त्री शेख हसिनाले पदबाट राजीनामा दिएर देश छाडेकी छिन् र मुहम्मद युनुस अन्तरिम सरकारको नेतामा नियुक्त भएका छन्।

इतिहासमा आज

११, जनवरी (जन्म):

राहुल द्रविड (सन् १९७३)

वि.सं. २०२८ (सन् १९७२) - पुर्वी पाकिस्तानद्वारा आफ्नो राष्ट्रको नाम बङ्गलादेश नामाकरण गरेको थियो ।
वि.सं. २०५० (सन् १९९४) - अन्तराष्ट्रिय धन्यवाद दिवस मनाउन सुरुवात गरिएको थियो ।
वि.सं. २०६४ (सन् २००८) - एडमण्ड हिलारीको मृत्यु भएको थियो ।

प्रमुख चित्र

पृथ्वी जयन्ती अखण्ड नेपालका पहिलो राजा पृथ्वीनारायण शाहको जन्मको सम्झनामा हरेक वर्ष पुस २७ गते मनाइने एक दिवस हो। १८औँ शताब्दीको मध्यतिर पृथ्वीनारायण शाहले स–साना राज्यहरूलाई एकीकरण गर्ने प्रयास गरेका थिए जसले अहिलेको नेपाल बनेको थियो। यस अवसरमा धेरैले शाहको शालिकमा माल्यार्पण गर्ने, परेडमा सहभागी हुने र नेपालका लागि उनले पुर्‍याएको योगदानको स्मरण गर्ने गर्दछन्।

तस्विर सिर्जनाकर्ता: एस पाखरिन