ارض روم
| ارض روم | |
|---|---|
| (ترکی میں: Erzurum) | |
 |
|
| انتظامی تقسیم | |
| ملک |  ترکیہ (1923–)[1][2] [3] |
| دار الحکومت برائے | |
| تقسیم اعلیٰ | ارض روم صوبہ |
| جغرافیائی خصوصیات | |
| متناسقات | 39°54′35″N 41°16′32″E / 39.909722222222°N 41.275555555556°E |
| بلندی | 1900 میٹر |
| آبادی | |
| کل آبادی | 767848 (جائے سکونت کی بنیاد پر نظام اندراج ) (2018) |
| مزید معلومات | |
| جڑواں شہر | |
| اوقات | متناسق عالمی وقت+03:00 |
| سرکاری زبان | ترکی |
| گاڑی نمبر پلیٹ | 25 |
| رمزِ ڈاک | 25x xxx |
| فون کوڈ | 0442 |
| قابل ذکر | |
| باضابطہ ویب سائٹ | باضابطہ ویب سائٹ |
| جیو رمز | 315368 |
 |
|
درستی - ترمیم  | |
ارض روم (ترکی زبان: Erzurum) ترکی کا شہر ہے جو جزیرہ نما اناطولیہ کے مشرقی علاقے میں واقع ہے۔
تفصیلات
[ترمیم]2000ء کی مردم شماری کے مطابق شہر کی آبادی 361،235 ہے۔ یہ صوبہ ارض روم کا دار الحکومت ہے جو مشرقی اناطولیہ کا سب سے بڑا صوبہ ہے۔ شہر سطح سمندر سے 1757 میٹر (5766 فٹ) کی بلندی پر واقع ہے اور یہاں موسم انتہائی سرد ہوتا ہے۔ ماہ جنوری میں یہاں کا اوسط درجہ حرارت منفی 11 درجہ سینٹی گریڈ (12.2 فارن ہائیٹ) ہوتا ہے جبکہ کبھی کبھار یہ منفی 30 درجہ سینٹی گریڈ (منفی 22 درجہ فارن ہائیٹ) تک پہنچ جاتا ہے۔ موسم سرما میں یہاں شدید برف باری ہوتی ہے۔
تاریخ
[ترمیم]ارض روم زمانہ قدیم میں کیرن کے نام سے جانا جاتا تھا اور بازنطینی عہد میں یہ شہر تھیوڈوسیوپولس کہلاتا تھا اور اس کو موجودہ نام جنگ ملازکرد میں فتح کے بعد مسلمانوں کے ہاتھوں ملا۔
1829ء میں شہر پر روسیوں نے قبضہ کر لیا لیکن معاہدہ ادرنہ کے تحت اسے سلطنت عثمانیہ کو واپس کر دیا گیا۔ جنگ کریمیا کے دوران روسی افواج اس شہر کے دروازوں تک پہنچ گئیں تھیں لیکن عددی قوت کی کمی اور دیگر محاذوں پر جاری مقابلوں کے باعث اس پر حملے کی جرات نہ کر سکیں۔ 1877ء کی روس ترک جنگ میں روسی حملے کے دوران یہاں کے شہریوں نے زبردست مزاحمت کی لیکن شہر بالآخر روسی افواج کے زیرنگیں آ گیا تاہم ایک مرتبہ پھر معاہدہ سان اسٹیفنو کے تحت سلطنت عثمانیہ کو واپس مل گیا۔
1915ء کے آرمینیائی قتل عام کے دوران یہ شہر آرمینیائی باشندوں پر مبینہ مظالم کا اہم مرکز تھا۔
پہلی جنگ عظیم کے دوران یہ شہر عثمانی اور روسی سلطنتوں کے درمیان لڑی گئی کلیدی جنگوں کا مرکز رہا۔ فروری 1916ء میں روسی افواج نے شہر پر قبضہ کر لیا اور تیسری مرتبہ یہ شہر 1918ء میں معاہدہ بریسٹ-لیٹوفسک کے تحت عثمانیوں کو واپس ملا۔
1919ء میں شہر میں منعقد ہونے والی ارض روم کانگریس ترک جنگ آزادی کا نقطہ آغاز سمجھی جاتی ہے۔
تعلیم
[ترمیم]شہر میں واقع جامعہ اتاترک ترکی کی بڑی جامعات میں سے ایک ہے جہاں چالیس ہزار سے زائد طالب علم زیر تعلیم ہیں۔ تعلیم کے علاوہ سیاحت یہاں کی معیشت کا اہم حصہ ہے۔
مشہور شخصیات
[ترمیم]ترکی کے چوتھے صدر جمال گرسل اور معروف جدید اسلامی دانشور و مصنف فتح اللہ گولن کا تعلق اسی شہر سے ہے۔
 |
ویکی ذخائر پر ارض روم سے متعلق سمعی و بصری مواد ملاحظہ کریں۔ |
- ↑ archINFORM location ID: https://www.archinform.net/ort/42959.htm — اخذ شدہ بتاریخ: 27 جنوری 2024
- ↑ عنوان : Эрзерум — archINFORM location ID: https://www.archinform.net/ort/42959.htm
- ↑ "صفحہ ارض روم في GeoNames ID"۔ GeoNames ID۔ اخذ شدہ بتاریخ 4 نومبر 2024ء