Фронт рэзервовых армій

Фронт рэзервовых армій
Эмблема УС
Гады існавання	14 ліпеня 1941 — 25 ліпеня 1941
Краіна	СССР
Падпарадкаванне	камандуючаму
Уваходзіць у	Узброеныя Сілы СССР
Тып	фронт
Складаецца з	упраўленне, аб’яднанні, злучэнні, воінскія часці і ўстановы
Функцыя	абарона
Колькасць	аб’яднанне
Удзел у	Вялікая Айчынная вайна
Камандзіры
Вядомыя камандзіры	І. А. Багданаў

Фронт рэзерво́вых а́рмій — аператыўна-стратэгічнае фарміраванне, адзін з франтоў РСЧА УС СССР, у часы Вялікай Айчыннай вайны.

Гісторыя

Створаны на заходнім (маскоўскім) стратэгічным напрамку паводле рашэння Стаўкі ВГК ад 14 ліпеня 1941 года з задачай своечасовай арганізацыі абароны на рубяжы Старая Руса — Асташкаў — Белы — Істоміна — Ельня — Бранск (працягласць мяжы каля 750 кіламетраў).

Склад

У склад фронту ўвайшлі ўпраўленне і шэсць рэзервовых армій, перададзеных з рэзерву Стаўкі ВГК. У 1-м эшалоне фронту разгортваліся:

• 29-я армія
• 30-я армія
• 24-я армія
• 28-я армія

У рэзерве заставаліся 31-я і 32-я арміі.

Баявыя дзеянні

Асноўнымі напрамкамі ў абароне фронту рэзервовых армій лічыліся калінінскі, вяземскі і тульскі. 20 ліпеня 1941 года 14 дывізій з армій 1-га эшалона фронту былі вылучаныя для нанясення контрудараў у раёне Смаленска.

25 ліпеня 1941 года Фронт рэзервовых армій быў скасаваны, яго войскі ўвайшлі ў склад Заходняга і Рэзервовага франтоў.

Камандны склад

І. А. Багданаў.

• Камандуючы — генерал-лейтэнант Іван Аляксандравіч Багданаў
• Члены Ваеннага савета:
  • Камісар дзяржбяспекі 3-га рангу Сяргей Нічыпаравіч Круглоў
  • Сакратар Смаленскага абкама УКП(б) Дзмітрый Міхайлавіч Папоў
• Начальнікі штаба — генерал-маёр Пётр Іванавіч Ляпін.

Літаратура

• Фронт резервных армий // Великая Отечественная война, 1941—1945 : энциклопедия / под ред. М. М. Козлова. — М. : Советская энциклопедия, 1985. — С. 583. — 500 000 экз.

Спасылкі

• Фронт рэзервовых армій. Архівавана 21 снежня 2012.