Сергеев

Қала
Сергеев
Логотипі
Әкімшілігі
Ел	ҚазақстанҚазақстан
Статусы	Аудан орталығы
Облысы	Солтүстік Қазақстан
Ауданы	Шал ақын
Қалалық әкімдігі	Сергеев
Тарихы мен географиясы
Координаттары	53°53′14″N 67°24′45″E
Құрылған уақыты	1896
Бұрынғы атаулары	Аютас
Уақыт белдеуі	UTC+5:00
Тұрғындары
Тұрғыны	8 155 адам (2023)
Сандық идентификаторлары
Телефон коды	+7 71538
Автомобиль коды	15
Сергеев картада Сергеев Сергеев
Сергеев шекарасы

Сергеев, Аютас – Қазақстандағы қала (1969 жыл), Солтүстік Қазақстан облысы Шал ақын ауданы және Сергеев қалалық әкімдігі орталығы.

Географиялық орны

Облыс орталығы – Петропавл қаласынан оңтүстік-батысқа қарай 154 км-дей жерде, Есіл өзені бойындағы Сергеев бөгенінің солтүстігінде орналасқан.

Халқы

1999 жылы жергілікті тұрғындар саны 9470 адам (4558 ер адам және 4912 әйел адам) болса, 2009 жылы 7661 адамды (3600 ер адам және 4061 әйел адам) құрады.

Тарихы

Сергеев аумағы 18 ғасырда Абылай ханға жақын Күлеке батырдың руына тиесілі жер болған. 19 ғасырда Уәли ханның жесірі Айғанымның жері болды. 20 ғасырдың басына дейін "Аютас" қонысы деп аталды. 1896 жылы Украинадан және Ресейден қоныс аударушылар орын теуіп, Сергеев қаласының негізін қалады.

Кәсіпорындары

Қалада темірбетон, азотты-оттекті, құрғақ сүт, нан-тоқаш өнімдері зауыттары, үш көліктік, екі жол жөндеу кәсіпорындары, ЖМК, гидроторап бар.

Инфрақұрылымы

3 орта мектеп, кәсіптік-техникалық мектеп, тарихи-өлкетану мұражайы, 2 кітапхана, кинотеатр, мәдениет уйі, спорт кешені мен стадион, орталық аудандық және туберкулез ауруханасы жұмыс істейді.