Հալլե, քաղաք Գերմանիայում, Զաալե գետի ափին։ Հալե օկրուգի վարչական կենտրոնը։ 278, 7 հազար բնակիչ 1978 թ. տվյալներով։ Տրանսպորտային հանգույց է, ինդուստրիալ, քիմիական արդյունաբերության և գրահրատարակչական կենտրոն։ Զարգացած է բազմատեսակ մեքենաշինությունը, սննդի, քիմիա-դեղագործական, ցեմենտի, փայտամշակման արդյունաբերությունը։ Ունի բնական գիտությունների ակադեմիա (1652), համալսարան (1694-ից)։
Անվանման հիմքում ընկած է hal ― «աղ» բառը (քաղաքի շրջակայքում կան աղահանքեր)։ Քաղաքը 700 թվականին հիշատակվում է Hallorum (բառացի՝ «աղագործարաններ»), իսկ 806 թվականին՝ Halla («աղի, աղային») անուններով[3]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 47)։
Գերմանիա.svg)
_COA.svg)
