Չմիացած երկրների շարժման անդամ (մուգ կապույտով) և դիտորդ (բաց կապույտով) պետությունները
Չմիացած երկրների շարժում, ՉՄՇ (անգլ.՝ Non-Aligned Movement, NAM), 120 զարգացող երկրների ֆորում, որտեղ պետությունները վարում են ռազմաքաղաքական խմբավորումներին չմասնակցելու արտաքին քաղաքականություն։
Չմիացման շարժման հիմքը դրվել է Բանդունգի կոնֆերանսում (1955)։ Երկրները ՉՄՇ մեջ ներքաշվում էին սովորաբար խուսափելու Սառը պատերազմի այս կամ այն բևեռին՝ Վարշավյան պայմանագրի կազմակերպության պրոխորհրդային կոմունիստական ռեժիմներին և ՆԱՏՕ-ի պրոամերիկյան կապիտալիստական երկրներին սատարելուց։
Չմիացած երկրների շարժումը կազմակերպորեն ձևավորվել է Բելգրադի կոնֆերանսում (1961), որտեղ ստեղծվել է մշտական գործող բյուրո։ Չմիացած երկրների պայքարի ազդեցությամբ լուծարվել են ՍԵԱՏՕ և ՍԵՆՏՕ ռազմական խմբավորումները[փա՞ստ]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
