Nicole Kidman

Nicole Kidman
	; (2018)
Biografía
Nacemento	(en) Nicole Mary Kidman ; 20 de xuño de 1967 (57 anos); Honolulu (Estados Unidos de América)
UNIFEM goodwill ambassador (en)
Datos persoais
Relixión	Catolicismo
Educación	North Sydney Girls High School (en)
Altura	1,8 m
Lateralidade	manicho
Cor dos ollos	Azul
Cor do pelo	Rubio
Actividade
Ocupación	actriz, actriz de cinema, actriz de dobraxe, diplomática, modelo, produtora, actriz de televisión, cantante, produtor
Período de actividade	1983 -
Empregador	UNICEF
Patrimonio estimado	183 MA$ (marzo de 2015)
Instrumento	Voz
Familia
Cónxuxe	Keith Urban (2006–); Tom Cruise (1990–2001), divorcio
Fillos	Connor Cruise; () Tom Cruise; Sunday Urban; () Keith Urban; Faith Urban; () Keith Urban
Pais	Antony Kidman e Janelle Kidman
Irmáns	Antonia Kidman
Cronoloxía
5 de novembro de 2017	Paradise Papers
Premios
	(2021) Globo de Ouro á mellor actriz - Drama, premiado polo traballo Being the Ricardos (pt) ; (2018) Time 100; (2018) Premio do Sindicato de Actores á mellor actriz de televisión - Miniserie ou telefilme, premiado polo traballo Big Little Lies; (2017) Primetime Emmy á mellor actriz - Miniserie ou telefilme, premiado polo traballo Big Little Lies; (2017) Primetime Emmy á mellor actriz - Miniserie ou telefilme, premiado polo traballo Big Little Lies; (2017) Globo de Ouro á mellor actriz de miniserie ou telefilme, premiado polo traballo Big Little Lies; (2015) Premio Crystal; (26 de xaneiro de 2006) compañeiro da Orde de Australia; (2002) Óscar á mellor actriz, premiado polo traballo The Hours; (2002) BAFTA á mellor actriz, premiado polo traballo The Hours; (2002) Globo de Ouro á mellor actriz - Drama, premiado polo traballo The Hours; (2001) Globo de Ouro á mellor actriz - Comedia ou musical, premiado polo traballo Moulin Rouge; (1999) Theatre World Award; (1995) Globo de Ouro á mellor actriz - Comedia ou musical, premiado polo traballo To Die For (pt) ; Evening Standard Theatre Award for Best Actress (en) ; Sergio Vieira de Mello Citizen of the World (en) ; Australian National Living Treasure; estrela no Paseo da Fama de Hollywood; Premios Xúpiter ;
Descrito pola fonte	Obálky knih,
Sitio web	nicolekidmanofficial.com

A versión para imprimir xa non se actualiza e pode conter erros de renderizado. Actualice os marcadores do seu navegador e empregue mellor a función de impresión propia do navegador.

Nicole Mary Kidman, nada en Honolulú (Hawai) o 20 de xuño de 1967^[1]^[2], é unha actriz e produtora con dobre nacionalidade australiana e estadounidense.^[3] Gañou un Óscar, catro Globo de Oro, un Bafta e un Oso de Prata á mellor actriz, entre outros. Ten unha irmá máis nova, Antonia Kidman, que tamén é actriz.

Traxectoria

Vida e familia

Nicole foi a primeira das fillas do matrimonio formado por Anthony Kidman e Janelle Stuart, que casaron en decembro de 1963. Seu pai, bioquímico austaliano, era, daquela, un estudante de doutoramento nun instituto de investigación médica da Universidade de Hawái. Súa nai era enfermeira e activista feminista de Women's Electoral Lobby. Opostos á guerra de Vietnam, seus pais participaron en protestas contra a guerra cando estaban en Washington.^[4]

Aos poucos de nacer Nicole, a familia trasladouse a Washington, D.C. onde o pai conseguira unha bolsa de estudos para investigar sobre o cancro de mama e ao mesmo tempo era profesor da universidade de Sidney, Tras eses primeiros catro anos vivindo en Estados Unidos, en 1971, a familia trasladouse a Australia.^[5]

Kidman que comezara a tomar clases de ballet á idade de tres anos, en Australia ingresou nunha escola de teatro para mozos. O seu pai preocupábase de que ela e a súa irmá máis nova tivesen unha boa condición física, polo que lles facía realizar cada mañá exercicios de ximnasia.

Traxectoria profesional

Segundo ela mesmo afirmou, seus pais dubidaban de que puidera chegar a ser actriz por ser máis alta cá maioría dos actores masculinos.^[6] Porén, cando tiña 16 anos (en 1983) Kidman iniciou a súa carreira de actriz cando interveu nunha película ambientada en Nadal, (Bush Christmas), que segue proxectándose frecuentemente na época do Nadal. Ó enfermar a súa nai de cancro de mama, Nicole Kidman abandonou os seus estudos escolares, pero unha vez que a súa nai se recuperou, retomou a súa carreira de actriz.^[7] Ó longo da década de 1980 apareceu en numerosas películas e series de televisión australianas.

En 1989 deuse a coñecer en Europa e en Estados Unidos coa película Calma total, rodada aínda en Australia, e co-protagonizada polo actor Sam Neill, tamén australiano e coa súa seguinte película, xa estadounidense, Days of Thunder, na que interpretou un papel xunto a Tom Cruise. Ao ano seguinte casou con Tom Cruise na noite de Nadal, nun lugar das Montañas Rochosas, no estado de Colorado. Inicialmente a voda mantívose en segredo. A parella adoptou dous fillos e viviu entre Os Ánxeles, Nova York e Colorado.

Kidman alcanzara xa fama, e demostrou as súas dotes de interpretación e a súa elegancia nas seguintes películas, nas que actuou con actores tan populares como Bruce Willis e Dustin Hoffman. En 1999 fixo xunto co seu marido Eyes Wide Shut, a que sería a última película do director Stanley Kubrick, e que tivo unha gran resonancia.

Uns anos despois, en 2002, Nicole Kidman divorciouse de Tom Cruise de xeito amigable. Segundo algunhas fontes a razón principal foi que Cruise insistiu en educar ós seus fillos segundo as crenzas da Ciencioloxía (creada por Ron Hubbard), mentres que Kidman quería que fosen educados segundo a tradición católica.

O maior recoñecemento profesional ata entón obtívoo Kidman en 2001, cando foi nomeada ó Oscar como mellor actriz principal polo seu papel en Moulin Rouge!.

Coa película de suspense Os outros, dirixida polo director español Alejandro Amenábar, rodada nese mesmo ano, tamén cultivou un éxito importante. Tivo que renunciar a intervir na película Panic Room debido a unha lesión no xeonllo contraído durante a rodaxe de Moulin Rouge!, pero no ano 2002 gañou o Oscar como mellor actriz principal pola súa interpretación do personaxe da escritora Virginia Woolf en The Hours.

O 25 de xuño de 2006 contrae matrimonio co cantante de música country, Keith Urban.

O 8 de xaneiro de 2008 anuncia que o seu primeiro fillo biolóxico, unha nena chamada Sunday Rose que nacería o 7 de xullo do mesmo ano.

Filmografía


Ano	Filme	Personaxe	Notas
1983	Os bicivoadores	Judy
1983	Bush Christmas	Helen
1984	The Wacky World of Wills & Burke	Julia Matthews
1986	Windrider	Jade
1987	Watch the Shadows Dance	Amy Gabriel
1987	The Bit Part	Mary McAllister
1988	Emerald City	Helen
1989	Calma total	Rae Ingram
1990	Days of Thunder	Dr. Claire Lewicki
1991	Flirting	Nicola Radcliffe
1991	Billy Bathgate	Drew Preston	Nomeada - Globo de Ouro á mellor actriz secundaria
1992	Far and Away	Shannon Christie
1993	Malice	Tracy Kennsinger
1993	My Life	Gail Jones
1995	To Die For	Suzanne Stone Maretto	Globo de Oro á mellor actriz - Comedia ou Musical Nomeada - BAFTA á mellor actriz
1995	Batman Forever	Dr. Chase Meridian
1996	The Portrait of a Lady	Isabel Archer
1997	O pacificador	Dr. Julia Kelly
1998	Practical Magic	Gillian Owens
1999	Eyes Wide Shut	Alice Harford
2001	Moulin Rouge!	Satine	Globo de Ouro á mellor actriz - Comedia ou Musical Nomeada - Oscar á mellor actriz
	The Others	Grace Stewart	Nomeada - Globo de Ouro á mellor actriz - Drama Nomeada - BAFTA á mellor actriz
	Birthday Girl	Sophia/Nadia
2002	The Hours	Virginia Woolf	Óscar á mellor actriz Globo de Ouro á mellor actriz - Drama BAFTA á mellor actriz
2003	Dogville	Grace Margaret Mulligan
	The Human Stain	Faunia Farley
	Cold Mountain	Ada Monroe	Nomeada - Globo de Ouro á mellor actriz - Drama
2004	As mulleres perfectas	Joanna Eberhart
2004	Birth	Anna	Nomeada - Globo de Ouro á mellor actriz - - Drama
2005	The Interpreter	Silvia Broome
2005	Bewitched	Isabel Bigelow/Samantha
2006	Fur: An Imaginary Portrait of Diane Arbus	Diane Arbus
2006	Happy Feet	Norma Jean	Voz
2007	The Invasion	Dr. Carol Bennell
	Margot at the Wedding	Margot
	The Golden Compass	Marisa Coulter
2008	Australia	Lady Sarah Ashley
2009	Nine	Claudia Jenssen
2010	Rabbit Hole	Becca Corbett	Tamén produtora Nomeada - Óscar á mellor actriz Nomeada - Globo de Ouro á mellor actriz - Drama
2011	Just Go with It	Devlin Adams
2011	Trespass	Sarah
2012	The Paperboy	Charlotte Bless	Nomeada - Globo de Ouro á mellor actriz secundaria
2013	Stoker	Evelyn 'Evie' Stoker
2014	The Railway Man	Patti Lomax
	Grace of Monaco	Grace Kelly
	Before I Go to Sleep	Christine Lucas
	Paddington	Millicent
2015	Strangerland	Catherine Parker
	Queen of the Desert	Gertrude Bell
	The Family Fang	Annie Fang
	Secret in Their Eyes	Irene
2016	Genius	Aline Bernstein
2016	Lion	Sue Brierley	Nomeada - Oscar á mellor actriz secundaria Nomeada - Globo de Ouro á mellor actriz secundaria Nomeada - BAFTA á mellor actriz secundaria
2017	The Beguiled	Miss Martha
	How to Talk to Girls at Parties	Raíña Boadicea
	The Killing of a Sacred Deer	Anna Murphy
	The Upside	Yvonne
2018	Aquaman	Atlanna
2018	Boy Erased

Premios e nomeamentos

Oscars

Ano	Categoría	Película	Resultado
2002	Oscar á mellor actriz	The Hours	Gañadora
2001	Oscar á mellor actriz	Moulin Rouge!	Nomeada
2011	Oscar á mellor actriz	Rabbit Hole	Nomeada
2017	Oscar á mellor actriz secundria	Lion	Nomeada

Premios Globos de Ouro

Ano	Categoría	Película	Resultado
1992	Mellor actriz secundaria	Billy Bathgate	Nomeada
1996	Mellor actriz - Musical ou comedia	To Die For	Gañadora
2002	Mellor actriz - Drama	The Others	Nomeada
2002	Mellor actriz - Musical ou comedia	Moulin Rouge!	Gañadora
2003	Mellor actriz - Drama	The Hours	Gañadora
2004	Mellor actriz - Drama	Cold Mountain	Nomeada
2005	Mellor actriz - Drama	Birth	Nomeada
2011	Mellor actriz - Drama	Rabbit Hole	Nomeada
2013	Mellor actriz secundaria	The Paperboy	Nomeada
2013	Mellor actriz - Miniserie ou telefilm	Hemingway & Gellhorn	Nomeada
2017	Mellor actriz secundaria	Lion	Nomeada

Premios BAFTA

Ano	Categoría	Película	Resultado
1996	Mellor actriz	To Die For	Nomeada
2002	Mellor actriz	The Others	Gañadora
2003	Mellor actriz	The Hours	Nomeada
2017	Mellor actriz secundaria	Lion	Nomeada

Festival de Berlín

Ano	Categoría	Película	Resultado
2003	Mellor actriz	The Hours	Gañadora

Premios Goya

Ano	Categoría	Película	Resultado
2001	Mellor actriz	The Others	Nomeada

Premios Emmy

Ano	Categoría	Película	Resultado
2012	Mellor actriz - Miniserie ou telefilm	Hemingway & Gellhorn	Nomeada

Notas

↑ "Nicole Kidman. Biography". imdb.com. Consultado o 12-08-2018.
↑ Selvatge (2007), p. 89
↑ Clinton, Paul (18-01-2002). "Nicole Kidman: 'Back to my core'". web.archive.org (en inglés). (arquivado en Internet Machine o 27-04-2006(. Archived from the original on 27-04-2006. Consultado o 12-08-2018.
↑ Dickerson (2003), p. 2
↑ Thomson (2008), pp. 25-26
↑ Servitje (2007), p.87
↑ Selvatge (2007), p. 90

Véxase tamén

Bibliografía

Dickerson, James (2003). Nicole Kidman (en inglés). Citadel Press. ISBN 978-0-8065-2490-0.
Servitje, Marc (2007). Tom Cruise: nacido el tres de julio. Un mito en la industria de Hollywood. (en castelán). Barcelona: Carena. ISBN 978-84-96357-65-5.
Thomson, David (2006). Nicole Kidman (en inglés). Knopf. ISBN 978-1-4000-4273-9.
Tylski, Alexandre (2016). Nicole Kidman (en inglés). Phaidon. ISBN 978-0714868035.

[1] "Nicole Kidman. Biography". imdb.com. Consultado o 12-08-2018.

[2] Selvatge (2007), p. 89

[3] Clinton, Paul (18-01-2002). "Nicole Kidman: 'Back to my core'". web.archive.org (en inglés). (arquivado en Internet Machine o 27-04-2006(. Archived from the original on 27-04-2006. Consultado o 12-08-2018.

[4] Dickerson (2003), p. 2

[5] Thomson (2008), pp. 25-26

[6] Servitje (2007), p.87

[7] Selvatge (2007), p. 90

[1]

[2]

[3]

[4]

[5]

[6]

[7]