Codes de Condota universal de la Fondazzion Wikimedia

This page is a translated version of the page Policy:Universal Code of Conduct and the translation is 100% complete.

Veul-lo giuté a volté? Volté ij mëssagi mancant.

'Se ghe l'è hem de fà el Codes universal de condota?

Nun credom in del permeter a pussee persone che l'è possibil de partecipà ativament ai proget e ai spazzi Wikimedia per rivà a on mond indove ognidun el po scompartì l'insema de tuta la conoscenza. Non credom che i comunità di nost contributor i gh'hann de vesser el pussee diverse, inclusiv e facil de andàgh denter possibil. A voeulom che queste comunità chì a sien di ambient positiv, sicur e san per tut queii che s'inn sgiamò sgiontad o che i voeulen sgiontàss. Se impegnom per assicurà che quest el sia e resti inscì, anca a servìss del codes di condota medesim e, al cas, con l'atualizàll. De sorapù a voeulom protesger i nost proget de quii che i voeul dannegiai o falsànn i contegnud.

Adree a la mission de la Wikimedia, tut quei che i partecipen in di proget e in di spazzi de la Wikimedia:

i contribuissen a creà on mond indove che ognidun el po scompartì liberament tut el patrimoni de la conoscenza umana.
a inn part d'ona comunità global che la voeul schivà particolarismi e pregiudizzi ideologich e culturai.
se impegnom per stàgh adree a la cura e la controllabilità de tut i sò contribuzzion de lor.

Quell Codes Universal di Condota chì el definiss un insiema essenzial de comportament sperad e quei minga acetad. A l'è aplicad a tucc quei che interagiss e contribuiss in di spazzi e in di proget de Wikipedia tant onlain come offlain. L'interessa i utent noeuv e quei sgiamò prategh, i fonzionari dedent di proget, i organizador e quai che i partecipen ai randevó, i dipendent e i member di consili diretiv di afiliad e i dipendent e i member del consili diretiv de la Wikimedia Foundation. L'è aplicad a tut i proget Wikimedia, ai spazzi tecnich, ai randevó in presenza e a distanza a 'sti casi chì:

interazzion privade, publiche o meze publiche
discussion per el fat de vesser minga d'acord o de solidatrietà intra i member de la comunità
question intuitù de svilup tecnich
aspet sora la contribuzzion ai contegnud
casi indove che ghe se met in relazzion con di soci de foeura in rapresentanza di afiliad o di comunità

1 - Introduzzion

El Codes Universal de Condota el descriv i requisid minim de comportament per la colaborazzion in di proget de Wikimedia in tut el mond. I comunità i poden sgiontàgh di sò politiche per tegnì cunt del contest e de la cultura locai, semper che i criteri descrivud chichinscì a sien mantegnud 'me standard minim.

El Codes Universal de Condota l'è aplicad a l'istessa manera a tucc i wikimedian senza ecezzion. I comportament che urten el Codes Universal de Condota i poden comportà di sanzion che poden vesser imposte de di utent nominad (a la manera stabilida in di contest locai) e/o de la Wikimedia Foundation come titolar legal de la piataforma.

2 - Comportament sperad

Tucc i wikimedia, che a sien di editor noeuv o sgiamò pratich, di fonzionari de la comunità, di afiliad o di member o di dipendet del consili diretiv del Wikimedia Foundation, a l'è reponsabil de sò comportament.

In tucc i proget Wikimedia, i spazzi, i aveniment organizadel comportament el sarà fondad sora 'l rispet, l'educazzion, el vesser colegial, la solidarietà e la bona citadinanza. Quest a l'è aplicad a tut i contributor e i partecipant in di sò iterazzion con tut i alter contributor e partecipant, senza pregiudizzi fondad sora l'età, i desabilità mentai o fisiche, l'aspet fisich, l'origin razzial, religiosa, nazional, etnica o cultural, la casta, la class social, la padronanza del linguagg, l'orientament sessual, l'identità de sgener, el sess o l'esperienza professional. Se farann minga di ecezzion fondade sora el rango, l'abilità o el risultad in di proget Wikimedia o in del moviment.

2.1 - Rispet reciproch

Se spetom che tut i wikimediani a ghe porten rispet ai alter. In del comunicà coi persone, che sien di ambient de Wikimedia onlain o offlain, nun se portarem rispet vun con l'alter.

Quest l'includ ma l'è limitad minga domà a:

Praticà l'empatia: Scoltà e cercà de capì 'se l'è che i alter wikimedian de diverse provenienze e i voeulen comunicà. Vesser pront a Essere disposti a meter in discussion e adatà i manere de vedé, aspetative e comportament come wikimedian.
Suponner la bona fed e impegnàss in cambiament bon e util; i tò contribuzzion i gh'havarissen de mijorà la qualità di proget e di oper. Presentà e ricever i critiche in maner sgentil e in bona fed. I critiche i gh'hann de vesser presnetade in manera de vesser util per mijorà. Tutt i Wikimedian i gh'havarissen de presumer, condemanch che esistessen di proeuve contrarie, che i alter a sien chì per mijorà i proget cont el collaborà, ma quest el gh'havariss minga de vesser dorvad per giustificà di afermazzion cont on efet dannos.
Rispetà la manera di alter persone e contributor de descrivess. I persone a poden drovà di termin specifich per definìss. 'Me segn de rispet, drova 'sti termin chì in del comunicà con lor o in del tirai a man, se l'è possibil lenguiiosticament e tecnicament.

Di esempi a inn:

- Grupi razziai che droeuven di termin specifich per descrivess, inscambi del nom drovad storicament de alter;
- I persone i poden havégh di nom che droeuven di letere, di son o di parolle de la lengua soa de lore che i poden vesser minga conossud per ti;
- Persone che se ricongnossen cont on certo orientament o sgener sessual a drovà di termin o di pronom specifich
- Persone con desabilità fisiche o mentai che i droeuven di termin particolar per descrivess
In del cors di randevó, a ghe darem el benvegnud a tucc e sarèm atent e respetos di preferenze di alter, di sò limit, sensibiltà, tradizzion e bisogn.

2.2 - Creanza, sostegn reciproch e bona citadinanza

Se impegnom a osservà 'sti comportament chì:

La creanza, el comportament come se dev e la manera de parlà in di confront di persone, compres i forest.
El vesser collegial a l'è el suport amichevol di persone impegnade in d'on sforz comun che se rescoeuden.
El suport reciproch e la bona citadinanza i comporten de toeu ona responsabilità ativa per assicurà che i proget Wikimedia a sien produtiv, piasever e sicur e che i contribuissen a la mission de wikimedia.

Quest el gh'ha dent ma l'è limitad minga domà a:

Insegnament e alenament: Jutà i utent novei a trovà la soa via e a quistà abilità essenziai.
Stàgh adree ai alter contributor: dàgh ona man a lor quand che i gh'hann besogn de suport e parlà per lor quand che a inn tratad in d'ona manera contraria al comportament previst del Codes universal de condota.
Riconosser e creder al lavorà fad di contributor: Ringrazziai per el sò ajut e 'l sò lavorà de lor. Aprezzà i sò sforz e rinoscer el valor del sò lavorà quand che gh'è besogn.

3 - Comportament minga acetabil

El codis universal de condotta el ponta a jutà i member di comunità a riconosser i situazzion de comportament cativ. 'Sti comportament chì a inn considerad minga acetabil dedent del moviment Wikimedia:

3.1 - Sgenadure

I sgenadure i tiren dent ogni comportament fad con l'intenzion principal de intimidì, ofender e sconvolger ona persona o ogni comportament in del cas che el sariss ragionevol el penser che quest el sariss el risultad principal pussee probabil. On comportament a l'è considerad come ona sgenadura quand che 'l va al de là de quell che ona persona ragionevol la podariss soportà in d'on contest global e intercultural. De solit ona sgenadura la ciapa la forma d'on abus emotiv, specialment in di confront di persone che se troeuven in d'ona posizzion dannegiabil e la po tirà denter anca del toeu contat coi sò post de lavorà, i sò amis o i member de la soa familia per fà in manera de intimidì o imbarazzà. Di volte di comportament che deperlor a inn considerad nò di sgenadure i poden diventà di di sgenadure se a inn fad diverse volte. I sgenadure a includen ma a inn limitade minga domà a:

Insult: I insult i gh'hann denter i titoi, i ingiurie o i stereotipi e ogni atach fondad sora di carateristiche personai. I insult i poden riferiss a di carateristiche suposte, come l'intelligenza, l'aspet, la razza, la religion (o la mancanza de religion), la cultura, la casta, l'orientament sessual,

el sgener, el sess, la desabilità, l'età, nazzionalità, el partegnì a on partid politegh, o qualsessia altra carateristica. Di volte, el sbergnà, el sarcasmo o l'agression fad diverse volte a inn insult colletiv, anca se i afermazzion deperlore le sarissen nò.

Molestia sessual: Atenzion o alusioni d'ogni sorta in di confront d'on alter quand che la persona la sa o 'l sariss ragiovenol che la sapia che a inn minga gradide o in situzzion indove che 'l consens el po minga vesser comunicad.
Minasce: A fà intender in manera ciara e neta opur sotintenduda la possibilità de violenza fisica, imbarazz ingiust o de dannegià la nomina ingiustament e senza reson o de intimidazzion a minacià de andà per avocat per predominà dedent d'ona discussion o per tirà on quaivun a comportàss in la manera vorsuda.
Incoraggià el dann ai alter: Quest el gh'ha denter l'incoraggià on quaivun d'alter a fà autolesionismo o toeùss la vita, e incoraggià on quaivun a fà di atach violent a di alter.
Publicazzion de dati personai (Doxxing): Publicà di informazzion privade sora di alter persone, come per esempi di nom, di post de lavorà, di adress fisich o de posta eletronica, senza un'autorizazzion ciara e neta tant in di proget Wikimedia come in d'on altra part o condivider di informazzion foeura del proget a proposit de la soa atività in Wikipedia.
Persecuzzion: andàgh adree a ona persona in di sò azzion in di proget e segutà a criticà el sò lavorà con l'intent principal de fàlla inversà o scoraggiàll. Se i problema i vànn inanz dopo i tentativ de comunicazzion e spiegazzion, i gh'havarann de vesser gestid per mez de process comunitari.
Trolling: Disturbà volontariament i conversazzion, o scriver in malafed con l'intenzion de provocà.

3.2 - Abus de podé, privilesg o influenza

On abus el suced quand che on quaivun, in d'ona posizzion vera o suposta de podé, de privilesg, o de influenza el ghe porta nò rispet o 'l se comporta con crudelta in di confront de alter persone. In di ambient Wikimedia el po toeu la forma d'ona abus verbal o psicologich e 'l po sgiontàss a di persecuzzion.

Abus d’ofizzi fad de fonzionari, member nominad e personal: uso de autorità, conoscenza o risorse fad di fonzionari elesgiud, tant 'me del staf de la Wikimedia Foundation o di afiliad cont el fin de intimidì o de minacià i alter.
Abus d'anzianità e ligam: A drovà el sò rango e nomina per intimidì i alter. Se spetom che i persone cont ona esperienza significativa e di raport in del moviment se comporten con atenzion special perché i coment ostil sò de lor i poden menà a on contracolp involontari. I persone con autorità in la comunità i gh'hann el privilesg che la sgent la pensa de podé fidàss de lor e i gh'havarissen de minga profitàssen per zacà i alter che a inn minga d'acord con lor.
Manipolazzion psicologica: A agì in malafed per menà ona persona a dubità de quell che lee la percepiss, di sò sens o de la soa comprension cont el fin de vincer ona quistion o forzà on quaivun a comportàss 'me che lee la voeul.

3.3 - Vandalism sora i contegnud e abus di proget

Meter denter de proposit di contegnud minga giust, fals o minga adat o ostacolà, impedì o infescià la creazzion o la manutenzion di contegnud. Questo el gh'ha dent ma l'è limitad minga domà a:

El seguità a tirà via in manera arbitaria o senza reson di contegnud senza ona giusta discussion o senza fornì ona spiegazzion
Manipolazzion continoa e regolar di contegnud cont el fin de favorì di interpretazzion specifiche di fat o di manere de vedé (anca per mez de on'utilizazzion minga fedel o de proposit falsa di font e l'alterazzion de la creazzion polita di contegnud editoriai)
Incitament a l'odi in ogni forma o utilizazzion del linguagg per fà diferenza infra i persone cont el fin de mortificà, umilià, o incità l'odi in di confront d'on grup de persone fondad sora chi l'è che lore a inn o sora i sò convinzion personai de lore.
L'uso de simboi, imagin, categorie, etichete o alter tipi de contegnud intimidatori o dannos per i alter foeura de l'ambient de l'uso enciclopedich e informativ. Quest el gh'ha denter l'imponner di schema sora i contegnud cont el fin de emarginà o ostracizà.